Osasuna auzia: bi futbol partida erosi, dirua bidegabe erabili, dokumentuak faltsutu...
Osasunaren zuzendaritzako sei kide ohi, Betis taldeko hiru jokalari ohi eta higiezinen sektoreko bi agente daude deklaratzera deituak, bi futbol partida erosi izanarekin lotuta. Ostegunera arte luzatuko da epaiketa, aurreikuspenen arabera.
Nafarroako Auzitegiko 2. aretoan abiatu da epaiketa. Fiskaltzak 3 eta 14 urte arteko espetxe zigorra eskatzen du hamaika auzipetuentzat, ustez bi partidaren emaitzak adosteagatik; eta Osasunako kargudun ohien kasuan, delitu horri gehitu behar zaizkio bidegabeko jabetzea eta dokumentuak faltsutzea.
Zehazki, 2013-14 denboraldiko bi partida daude jopuntuan: Betis-Valladolid eta Osasuna-Betis. Ustez, Osasunak 650.000 euro ordaindu zizkien Betiseko hiru jokalari ohiri –Antonio Amaya, Jordi Figueras eta Xavier Torresi–. 400.000 euro Betisek Valladolid garaitu zezan, eta Betisek Osasunaren aurka gal zezan.
Vizcay, Archanco... 11 auzipetu orotara
Amaya, Figueras eta Torresekin batera, auzipetuen aulkian eseriko dira, batetik, Alberto Nolla eta Cristina Valencia higiezin agenteak; eta bestetik, Osasunaren zuzendaritzako sei kide ohi: Ángel Vizcay kudeatzaile ohia, 2012-2014 artean presidentea izan zen Miguel Archanco, haren zuzendaritza batzordeko hiru kide (Juan Pascual, Txuma Peralta eta Sancho Bandrés), eta Osasuna Fundazioaren presidente ohi Diego Maquírriain. Fiskaltzak 14 urte eta 4 hilabeteko zigorra eskatzen du Vizcayrentzat; 14 urtekoa Archanco, Pascual, Peralta eta Bandresentzat; eta 3 urtekoa Nolla eta Valenciarentzat.
Bidegabeko jabetzari dagokionez, epaile instruktoreak dio Osasunako zuzendaritzako kideek gutxienez 2,2 milioi euro atera zituztela klubaren kontuetatik asmo deliktiboekin, edo zertarako baliatu ziren justifikatu gabe. Osasunak, akusazio partikular bezala ari denak, dio 2,5 milioi euro baino gehiago atera zituztela.
Archancok, era berean, Vizcay salatu du, dokumentu batzuetan bere sinadura faltsutzeagatik.
Gaur, astelehena, alde guztien atariko azalpenak entzungo ditu epaimahaiak. Asteartean Vizcay, Maquírriain, Bandrés eta Peralta galdekatuko dituzte; asteazkenean Pascual, Archanco, Valencia eta Nolla; eta ostegunean Amaya, Figueras eta Torres.
Espainiako Polizia Iruñean, Sevilla eta Madrilen egiten ari den operazio baten barnean atxilotu dituzte. Iazko urrian Betis-Osasuna partidaren aurretik egondako istiluak ikertzen ari dira.
Zuzendaritzaren jarrera ere salatu dute, jokalariaren sare sozialak eta iritziak ezkutatzeagatik. Bestalde, Osasunako zaletuek ere polemika piztu dute: alde batetik, igandean Greenwood Getafeko jokalariaren aurkako oihuak egin zituzten (bikotekideari tratu txarrak egitea egozten... [+]
Iazko azaroan Ezpala tabernak jaso zuen erasoa leporatzen zaie atxilotuei. Boixos Nois taldea FC Bartzelonako zale erradikal ultraeskuindarren taldea da, eta Ezpala taberna Osasunako jarraitzaileen topagune ohia.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.
Klubeko ordezkariek azaldu dute GKSren pankarta batek bultzatu zuela Espainiako Poliziaren koordinatzailea beste ikur batzuk kentzeko agindua ematera. Gertatutakoa gaitzetsi eta barne ikerketa abiatuko duela jakinarazi du Osasunak.
“Auzokideek sortutako ostatua da gurea eta jazarpenak ez du etenik” salatu dute Iruñeko Iturrama auzoko Ezpala tabernako ordezkariek. Ez da Ezpala elkarteak zabaldutako ostatua jazartzen duten aurreneko aldia. Sarritan, mezu faxistak margotu dizkiete hormetan... [+]
Larunbatean Santanderren izandako futbol partiduan bost gizon gazteren irain sexualak jasan zituzten emakumeen Osasuna B taldeko jokalariek. Sare sozialetan zabaldu dute erasoa eta salaketa jarriko du bertako taldeak.
Zeresan handia eragin du astearte gauean gizonezkoen futboleko Txapeldunen Ligan gertatu denak: epaile batek Istanbulen talde teknikoko Pierre Webó bere azalaren koloreagatik identifikatu ostean iskanbila piztu da, Paris Saint-Germainen aurka jokatzen ari ziren partidua... [+]
Osasunaren mendeurrena bete berritan, klubaren jatorri apal, euskaltzale eta aurrerakoia gogorarazi nahi izan du Mikel Huartek, Txalapartak argitaratutako Rojos. Fútbol, política y represión en Osasuna (Gorriak. Futbola, politika eta errepresioa Osasunan)... [+]
Futbol taldeak fiskaltzarekin eta Nafarroako Ogasunarekin lortutako akordioa berretsia izan da: 1,4 milioi euroko isuna ordaindu beharko du klubak, eta 45 hilabetean ez du jasoko ez diru laguntzarik ezta pizgarri fiskalik ere.
Osasunak estalki bakarra jarriko du Sadar estadioan, eta lokal komertzialentzako espazioa zabalduko du. 16 milioi euroko aurrekontua %11 handituko da.
'Osasuna auziarekin' lotutako bederatzi lagun zigortu dituzte orotara, eta horien artean Angel Vizcay, Osasunako gerente ohia, izan da zigorrik handiena jaso duena. Miguel Archanco Osasunako presidente ohia eta haren zuzendaritza batzordeko kide izan ziren Juan... [+]