Osasun sistema publikoaren defentsan manifestatzera deitu dute azaroaren 11n
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari direlako.
Osasun sistema publikoaren “eraisketa” geldiarazteko herritarren mobilizazioak beharrezkoak direla gogorarazi du osasungintza publikoaren aldeko OPA koordinadorak. Horregatik, azaroaren 11n Bilbon, Donostian eta Gasteizen manifestatzera dei egin du, Araian irailaren 23an egindako herri plataformen topaketan hala erabakita.
“Herritarren erantzuna artikulatu nahi dugu, itxaron zerrendak murrizteko pazienteak klinika pribatuetara bideratzeko planen aurka”, azaldu dute. Araian eztabaidatu dute Eusko Jaurlaritzaren eta Nafarroako Gobernuaren erabaki horri buruz, eta “aho batez” aurka agertu dira. Kritikatu dutenez, herritarrek osasungintza publikoa eta kalitatezkoa eskatu dute, baina Jaurlaritzak emandako erantzuna izan da hura “ahultzen eta eraisten jarraitzea, osasungintza pribatua loditzen joateko eta diru publikoa gutxi batzuei bideratzeko”.
Osakidetzan eta Osasunbidean sakoneko aldaketak egiteko exijitu dute, osasun sistema publikoa “indartzeko, zabaltzeko eta hobetzeko”. Izan ere, egun “negozio biribila” dutela salatu dute: “Itxaron zerrenden zifrak makillatzen dituzte, klinika pribatuetara bideratuta, baina egiturazko arazoak konpondu gabe segitzen du”. OPA plataformako kideen esanetan, arazoa sortu dutenak dira orain soluzioa “saltzen” ari direnak.
Herritarren erantzun irmoa
Pribatizazio horren aurrean herritarrak “manipulazio estrategiaz” ohartu direla gogorarazi dute, eta horregatik dei egin diete erantzun irmoa ematera azaroaren 11n. Osasungintza publikoa izatea eskatuko dute, baita gardena, osoa, parte hartzailea eta herritarren beharrei erantzuten diena ere. Murrizketa oro lehengoratzea eskatuko dute mobilizazioetan.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Gauez ia aste osoan ateak itxita izaten ditu Donibane Lohizuneko osasun zentro horretako larrialdi zerbitzuak. Herri Berri udal oposizio taldeak deituta, mobilizazioei ekin diete herritarrek eta jadanik 3.000 sinadura bildu dituzte zerbitzu "iraunkor eta eraginkorra"... [+]
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
.jpg)
Sánchez, 2019tik 2024ra Plangintza, Antolamendu eta Ebaluazio Sanitarioko zuzendaria izan zena, azaroan hasi zen Mutualia enpresako mediku-zuzendari gisa. 2024ko udan kargua utzi eta hiru hilabete eskasera egin zuen jauzia enpresa pribatura, Jaurlaritzaren oniritziarekin.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.