Jaurlaritzaren “propaganda” salatu dute LAB eta ELAk, Osakidetzako plantillaren zabaltzearen harira
Osakidetzak iragarri du 2.109 lanpostu egonkortuko dituela eta beste 358 sortu. LAB eta ELA sindikatuek erantzun dute itxurakeria kanpaina bat dela, behin behinekotasuna baimendutako %8 baino altuagoa delako oraindik ere.
Osakidetzan 2.109 lanpostu egonkortu eta beste 358 sortuko dituela iragarri du Eusko Jaurlaritzak asteartean. Alegia, orain arte behin behinekoak ziren 2.109 lanpostu egiturazko egingo dira, eta 358 berriak lehen arreta indartzeko izango direla adierazi du. BERRIAk jaso duenez, abenduaren 31 baino lehen deituko dute postu horietarako lan eskaintza publikoetara. Gotzone Sagardui Osasun Sailburuak goraipatu du “azken 20 urteetan Osakidetzaren plantillan izan den gehikuntzarik handiena” dela.
LAB eta ELA sindikatuek, ordea, azkar eman diote buelta irakurketari. Behin behineko lanpostuak egonkortzeari dagokionez, sindikatuek gogorarazi dute ez dela borondate kontua, baizik eta Iceta Legeak mugatzen duela kontratu osoen %8 izan behar direla gehienez behin-behinekoak. LABek salatu duenez, egiturazko 2.109 plaza berriekin ere, Eusko Jaurlaritzak kontratu mota horien muga gainditzen du Osakidetzan. Zehaztu duenaren arabera, 3.723 postuk dute egonkortzeko beharra, Jaurlaritzak iragarritakoak baino 1.256 gehiagok.
ELAk propaganda kutsua hartu dio “plantillaren gehikuntza handienaren” berriari. Haren ustez, 2.109 langile gehiago egongo direla "saldu" nahi izan du Jaurlaritzak, eta ezkutatu lanpostu horiek dagoeneko existitzen direla, baina haien atzean zeudela “egiturazko funtzioei erantzuten dieten behin behineko langileak”. ELAk adierazi du are gehiago direla egonkortu gabe daudenak, 5.000 inguru, eta beraz, iragarritako plaza berriak ez direla nahikoak prekarietatearekin amaitzeko.
Modu berean, lehen arretarako sortuko dituzten 358 lanpostuak ere gutxiegi direla uste du ELAk, kontuan harturik kolektibo horretako langileek “lan karga oso handia” sufritzen dutela. Sindikatuak elegitea jarriko dio neurriari.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Larrialdietan bukatu ohi duena ez da 20 kilometroko lasterketa egiteko prestatuta ez dagoelako; alderantziz, kirola egitera ohituta dauden 25-35 urteko gizonak dira gehiengoa, marka egin nahian topera joateagatik. Hala ziurtatu digu Donostiako ospitaleko mediku batek... [+]
Amurrioko anbulatorioko Etengabeko Arreta Gunean ez zen medikurik egon joan den igandean, Aiaraldeak informatu duenez. Hain justu, hainbat bizilagunek sinadura bilketa abiatu dute eskualdean: “Erabat normalizatu da Laudioko zein Amurrioko Etengabeko Arreta Guneetan mediku... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Osakidetzako lan eskaintza publikoen eredua "berrikustea" eta kontsolidazio prozesuak "bukatzea" galdatzen duen ekimen parlamentarioa adostu dute hiru alderdiek.
Osakidetzako administraria eta ZIU mugikorreko medikua dira Sara Ruilope eta Uruko Blanco, hurrenez hurren. Osakidetzako Larrialdi Zerbitzuen egoeraren inguruan hausnartu dute Aiaraldea Komunikabidearekin.
Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa... [+]
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Imanol Pradales lehendakariak eta Alberto Martínez sailburuak gidatuta ostegun honetan bildu zen Bilbon osasun publikoari buruzko mahaia. Bertan izan ziren, halaber, osasunaren sektoreko eta euskal gizarteko eragile ugari.
Astelehen arratsalde eta gauean ez zen medikurik egon Laudioko Etengabeko Arreta Gunean. Irailean ere ez da bermatuta egongo mediku baten presentzia egunero Laudio eta Amurrioko Etengabeko Arreta Guneetan, gabezia aurreko hilabeteetan bezain nabarmena izango ez den arren.