Osasun Publikoaren Aldeko Herri Ekimenak 1.000 erreklamaziotik gora aurkeztu ditu
Abenduaren 14an Osasun Publikoaren Aldeko Herri Ekimenak 1.000 erreklamaziotik gora aurkeztu ditu Donostiako Eusko Jaurlaritzako Osasun sailean, bereziki Lehen Arreta eta oro har osasungintza publikoa indartzeko eta duintzeko eskatuz: "Osasun sistema publiko, doako, kalitatezko eta unibertsal bat bermatzeko beharrezko baliabideak jar ditzala eskatu diogu". Plataforman parte hartzeko deia eta hitzordua zabaldu diete herritarrei.
"Gaur euskal osasun sistema publikoa jasaten ari den narriadura salatu nahi dugu, bereizik Lehen Arretarena. Egunetik egunera gero eta egoera okerragoa bizitzen ari gara langile eta sistemaren erabiltzaile garen herritar guztiok: telefonoak kolapsatuta, pertsona helduen zailtasunak tramiteak web orrialdearen bidez egiteko, hitzorduen atzerapenak, aurrez aurrekoaren murrizketak... egun aurkitzen ditugun arazoetako batzuk besterik ez dira" azaldu dute plataformako kideek.
"Pandemia osasun sistema are gehiago okertzeko baliatu dute"
Plataformak azaldu duenez, 2008ko krisialditik ari da "narriadura progresiboa" bizitzen Osakidetza. Haien ustez, Gobernuak "pandemiarekin aukera paregabea izan zuen behingoz gauzak ondo egiteko. Aldiz, osasun sistema are gehiago okertzeko aukera gisa baliatu dute. Azken aste hauetako egoera eta positiboen kopuru altua kontuan izanda, bi pandemia urteren ondoren, zaila egiten zaigu pazienteen arretaren planifikazioan eta osasungintzako zerbitzu eta baliabideen antolaketan hobekuntzarik egin ezin denik sinistea".
Europar Batasunean osasungintzara BPGaren %7a, Euskal Herrian %5
Osasun publikoaren aurrekontuetako datuak xehe aztertu ditu plataformak: "Europar Batasunak osasungintzara bideratutako gastua BPG-aren %7an kokatzen du, hemen, Euskal Herrian bideratzen den gastua baino %2 gehiago. Datorren urteko EAEko aurrekontuen bidez osasunera bideratutako gastua handituko dela esan digute. Ez digutena esan ordea, zera da: errealki, hau da, hamarkada honetako austeritate
politikek eragindako eros ahalmen galera dela eta, igoera horrekin ere, inondik inora ez dela berreskuratuko 2009ko gastuaren maila, are gutxiago iritsiko gara Europako bataz bestekora. Horregatik, osasungintzara BPG-aren %7a bideratzea aldarrikatzen dugu, eta Munduko Osasun Erakundearen irizpideei jarraituz, Lehen Arretara horren %25a bideratzea".
Lehen Arreta indartzearen alde eta pribatizazioaren aurka
"Frogatuta dago", berretsi du plataformak, "Lehen Arreta ardatz duen osasun sistemak jendartean osasun maila hobeak eskuratzen dituela. Herritarrentzako seguruagoa da, albo kalte gutxiago eragiten ditu, proba ezbeharrezkoak edota ospitaleko urjentziak ekiditen ditu eta jendartearentzako irisgarriagoa bilakatzen da, gehien bat sektore zaurgarrienentzat: pertsona helduak, paziente kronikoak, osasun mentalekoentzat, migratuentzat...".
"Osasun sistemaren pribatizazioaren aurka posizionatzeko unea da" aldarrikatu du. Pribatizazioa bi bidetatik gertatzen ari dela azaldu dute: "Batetik, bizitzen ari garen narriadura planifikatu honen ondorioz, erabiltzaileak behartu egiten dira seguru pribatuak kontratatzera, jakina den bezala, denon eskuragarri ez dauden seguruetara jotzera, alegia; bestalde, 'kolaborazio publiko-pribatu' delakoaren ondorioz, gure osasunerako eskubidearekin negozio ateak irekitzen dituzte. Honela, osasun sistemaren hainbat zerbitzu azpikontratatuz (zerbitzu 'ez-sanitarioak' gehiengoan, garbiketa, labanderia, mantenua, telefonia...) zerbitzuen kalitatea eta lan baldintzak okertu eta osasunarekin negozio egiten duen kolaborazio mota sustatzen dute. Gaur osasun sistema bere osotasunean %100 publikoa behar duela aldarrikatzeko elkartu gara".
Bilera irekia abenduaren 17an
Osasun publikoaren alde aktibatzeko eta plataforman parte hartzeko deia egin diete herritarrei, eta gonbidapena luzatu dute abenduaren 17an, ostiralez, 18:00etan Groseko Okendo Kultur Etxean egingo duten bilera irekirako.
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]
Lehen mailako arretak “kolapso egoeran” jarraitzen duela uste dute, ospitaletako arretak bizi duen gainkarga salatu nahi dute, eta egoerari aurrea egiteko neurriak eskatzen dituzte ELA, SATSE, LAB, CCOO eta UGT sindikatuek.
Abenduaren 20an eman zuen jakitera Olentzeroren Lagunak elkarteak 2021ean ere ez zela Olentzero Iruñeko kalez kale ibiliko, pandemiaren egoerak horretara bultzatuta. Urtarrilaren 4an, aldiz, Iruñeko Errege Magoen Kabalkadaren Elkarteak adierazi du aurten kaleetara... [+]
COVID txertoa hartu edo ez, norberaren hautu bat da, legezkoa, eta batak bezala besteak errespetu bera merezi duena. Ez da derrigorra, baina behartzeko erreminta ezarria dago Euskal Herri osoan: Europar Batasunak bidaiatzeko udan jarri zuen QR pasaportea. Zer dakar QR... [+]
Honela adierazi du Gazte Koordinadora Sozialistak zabaldu duen oharrean: "Zentzu sanitariorik gabeko neurriak hartzen jarraitzen dute politikari profesional despotikoek". Berriki hartutako hiru neurriak salatu dituzte zehazki: COVID ziurtagiriaren zabalpena, aire... [+]
Osakidetzaren lehen mailako arretaren egoera "jasanezina" dela salatuz Araba, Bizkai eta Gipuzkoako osasun etxeen aurrean elkarretaratzeak egin dituzte. "Lehen olatua izan eta urte eta erdira, osasungintza urria, nekatua eta baliabiderik gabea daukagu",... [+]
LAB sindikatuak honako irakurketa plazaratu du: "COVID kutsatzeen olatu berria dela eta, Eusko Jaurlaritza, Nafarroako Gobernua eta Frantziako Gobernua COVID ziurtagiriaren ezarpena erabiltzen ari dira euren kudeaketaren hutsuneak ezkutatzeko. Bost ardatzetan neurriak... [+]
Urtero Bilboko Konpartsek San Tomas egunaren harira argitaratzen duten egutegiaren etekinak Etxaldeko Emakumeei emango dizkiete aurten.
Abenduaren 18 arratsaldean Donostian jendetzak hartu ditu kaleak, Bizitza plataformak deituta egin den manifestazioan. "COVID pasearen inposaketari ez" lemak elkartu ditu.
Gazte Koordinadora Sozialistak deituta, protestara jo dute ostiralean Bilbon, Donostian eta Gasteizen. 'Covid ziurtagiriari ez! Burgesiaren ofentsibari aurre egin' izan dute aldarri milatik gora lagunek.
Gazte Koordinadora Sozialistak (GKS) “COVID ziurtagiriari ez! Burgesiaren ofentsibari aurre egin” lemapean elkarretaratzeak deitu ditu abenduaren 10ean Donostian, Bilbon eta Gasteizen, 19:30ean. Bertako kide bat elkarrizketatu dugu.