Osasun etxera iristea, desgaitasunen bat dutenen zailtasun handia
Desgaitasunen bat dutenei arreta emateko eta haien eskubideak bermatzeko lege bat onartu du Nafarroako Gobernuak. Prozesuan parte hartu dute Rafa Ardanazek, Juan Luis Garciak eta Manolo Palok.
Garun kaltea daukaten pertsonekin lan egiten du Nafarroako Adacen fundazioak; bertako erabiltzaileak dira Rafa Ardanaz, Juan Luis Garcia eta Manolo Palo. Nafarroako Parlamentuak lege bat onartu berri du desgaitasunen bat dutenei arreta emateko eta haien eskubideak bermatzeko, eta Ardanazek, Garciak eta Palok legea sortzeko prozesuan parte hartu dute. Legeak arlo asko hartzen ditu kontuan, baina osasun publikoan jarri dute arreta. Kontent dira jasotzen duten arretarekin, baina garraioaren arabera nekez iristen dira hitzorduetara.
Urratsez urrats kontatu dute nolakoa den osasun arreta publikoa; hitzordua eskatzeko prozesuaz mintzatu dira lehenik, hortik abiatzen delako irisgarritasuna. Kontatu dute orokorrean ez dutela zailtasunik izaten telefonoz hitzordua eskatzeko; hala ere, Ardanazek esan du soilik telefonoz artatzen dutela, eta ez zaiola egokia iruditzen: “Erraz lortzen dut hitzordua, baina ganoraz eta aurrez aurre artatzea nahi dut”.
Palok aldiz, aurrez aurre izaten ditu hitzorduak. Astrain herrian bizi da, eta ostegunetan joaten da medikura; gainerako egunetan Zizur Nagusira joan behar da. Gehienetan arrebak deitzen dio medikuari; hala ere, berak deitzen duenean ez du arazorik izaten: “Telefonoz deitzen dudanean poliki hitz egiten badut dena ulertzen dute”.
Behin hitzordua hartuta, zailtasunik handiena osasun-etxera iristea dela kontatu dute. Ardanaz oinez joaten da osasun-etxera: “Etxe parean dago”. Palo eta Garcia ordea, autoan edo gurpil aulkian joaten dira; normalean ez dute arazorik izaten desgaitasuna daukaten pertsonentzako lekuetan autoa uzteko.
Beste garraio batzuk erabiltzeko aldiz, trabak izaten dituztela salatu dute. Taxiei dagokienez, Iruñerrian osotara 315 taxi daude, eta horietatik 24 baino ez dira irisgarriak desgaitasuna daukaten pertsonentzat. Urtearen hasiera honetan Eurotaxientzat hogei lizentzia berri egonen dira. “Behin medikura oso berandu iritsi nintzen Eurotaxia ez zelako iristen”, kontatu du Palok. Ez da kasu bakana, Ardanazek azaldu du kexa orokorra dela: “Jende asko kexatzen da asko itxaron behar dutelako eta berandu iristen direlako; gehienetan ordu bat egon behar zara esperoan”.
Horrez gain, garraio publikoa erabiltzeko ere zailtasunak izaten dituztela azaldu du Garciak: “Billabesako maldak ez du ia inoiz funtzionatzen. Atzo berriz gertatu zitzaidan, eta gidariak aurreko atetik sartu ninduen, baina hortik zailagoa da mugitzea”.
Osasun-etxeetako sarbideen irisgarritasunari dagokionez, “finkoa” izan behar dela nabarmendu du Palok: “Malda bat jartzen dute soilik gu joaten garen egunetarako, baina aulkiarekin egunero sartzeko egokituta egon beharko litzateke”. Malda finkoak askatasunez mugitzeko aukera eskaintzen diela esan du Garciak: “Nahi dugunean joan gaitezke, eta ez gaude malda ateratzen duenaren menpe”.
Arretari ere erreparatu diote, eta “oso ona” dela nabarmendu du Garciak: “Oso ongi artatzen naute beti, eta medikuak oso ongi azaltzen ditu gauzak; hizkuntza aldetik ere irisgarria da, primeran ulertzen da dena”. Bat egin dute horrekin Palok eta Ardanazek, eta azpimarratu dute “oso garrantzitsua” dela osasun publikoari erreparatzea. “Legeaz hitz egin genuenean garrantzi handia eman genion osasunari”, esan du Ardanazek.
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Sexologian eta zoru pelbikoan aditua den Juncal Alzugaray Zurimendi fisioak zenbait gako eman ditu klimaterioa eta menopausia hobeto ulertzeko.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Igeriketa, patinetean ibiltzea eta irakurtzea gustuko ditu Leire Manzanares Etxeberriak (Donostia, 2005). Garapenaren nahasmendua dauka eta Zereginak Ikasteko Gelan (ZIG) dago. Gurasoekin batera informazioa bilatzen aritu da ikasten jarraitzeko aukerak aztertzeko, baina oztopoz... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Irakasleei oinarrizko yoga formazioa eman, gero gelan ikasleekin aplikatu dezaten, horretan dihardu Maite Eizmendik. Ikasle-irakasleak "lo" iritsi direla eskolara? Jolas-orduaren ostean ezin kontzentratuta daudela? Presio akademikoak itota dituela? Aktibatzeko,... [+]
Larrialdietan bukatu ohi duena ez da 20 kilometroko lasterketa egiteko prestatuta ez dagoelako; alderantziz, kirola egitera ohituta dauden 25-35 urteko gizonak dira gehiengoa, marka egin nahian topera joateagatik. Hala ziurtatu digu Donostiako ospitaleko mediku batek... [+]
Amurrioko anbulatorioko Etengabeko Arreta Gunean ez zen medikurik egon joan den igandean, Aiaraldeak informatu duenez. Hain justu, hainbat bizilagunek sinadura bilketa abiatu dute eskualdean: “Erabat normalizatu da Laudioko zein Amurrioko Etengabeko Arreta Guneetan mediku... [+]
Garbiñe Larreak Kosmetikoak sendabelarrekin liburua aurkeztu du azaroaren 7an Donostian. Azala, ilea eta gorputzeko hainbat atal garbitzeko eta zaintzeko behar ditugun produktuak guk geuk egiteko argibide eta informazio osoa ematen du liburuak. Auzi hau ez da azalekoa,... [+]