Osasun asegurua du Araba, Bizkaia eta Gipuzkoako biztanleen ia laurdenak
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako kolektiboentzakoak dira.
Eustatek bi urtean behin egiten du aseguru pribatuen eboluzioaren inguruko azterketa eta 2023ko datuak eman berri ditu, EITBk jaso duenez. Batez beste Araba, Bizkaia eta Gipuzkoako herritarren %23,9k zeukan kontratatuta osasun asegururen bat. Herrialdeka banatuz gero, Bizkaian %30,7k dauka, Araban %19,4k eta Gipuzkoan %15ak. 2021etik 2023ra %4,1 igo zen osasun asegururen bat kontratatuta zeukan biztanleen kopurua. 2019tik 2021era, berriz, %6,4koa izan zen igoera, pandemia tarteko.
2023an, aseguru pribatuek 1,8 milioi kontsulta erregistratu zituzten. Ia kontsulten erdiak (%43,8) lau espezialitatetan bildu ziren: traumatologia (240.000), oftalmologia (191.000), obstetrizia eta ginekologia (184.000) eta dermatologia (158.000). Lehen mailako arretan askoz kontsulta gutxiago izan ziren: familia medikuntzakoak 129.000 eta pediatriakoak 87.000. 2023ko iraileko albiste honetan irakur daiteke, besteak beste, Osakidetzaren traumatologia eta oftalmologia sailetan zeudela itxaron zerrenda luzeenak (Itxaron zerrendak murrizteko Urkulluren plana: paziente multzoak ospitale pribatuetara).
Emakumeek gizonek baino apur bat gehiago kontratatu zituzten aseguruok (%52,8 eta %47,2, hurrenez hurren). Adin tarte nagusia 45 eta 64 urte artekoa da (%34,8), eta ondoren 25 eta 44 urte bitartekoa (%26,1).
2023an aseguru etxeek 398 milioi euro jaso zituzten, 2021ean baino %8,7 gehiago. %69,9 bizkaitarren patriketatik atera zen, %19,3 gipuzkoarrenetatik, eta %10,8 arabarren poltsikoetatik.
Gehienak aseguru kolektiboak izan ziren (%61,3), enpresentzakoak edo beste kolektibo batzuentzakoak. %33,9 banakakoak eta familiakoak izan ziren, eta %4,8 Espainiar Estatuko Administrazio Zentraleko funtzionarioen mutualitate publikoak. 2021etik 2023ra aseguru kolektiboak izan ziren gora gehien egin zutenak (%5,2), banakakoek eta familiakoek %4 egin zuten gora, eta, aldiz, mutualista publikoek behera egin zuten %8.
Gauez ia aste osoan ateak itxita izaten ditu Donibane Lohizuneko osasun zentro horretako larrialdi zerbitzuak. Herri Berri udal oposizio taldeak deituta, mobilizazioei ekin diete herritarrek eta jadanik 3.000 sinadura bildu dituzte zerbitzu "iraunkor eta eraginkorra"... [+]
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
.jpg)
Sánchez, 2019tik 2024ra Plangintza, Antolamendu eta Ebaluazio Sanitarioko zuzendaria izan zena, azaroan hasi zen Mutualia enpresako mediku-zuzendari gisa. 2024ko udan kargua utzi eta hiru hilabete eskasera egin zuen jauzia enpresa pribatura, Jaurlaritzaren oniritziarekin.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.