Osasun arloko 200 langilek babesa adierazi diote Asuncion Klinika salatu duen medikuari
Asuncion Klinikaren aurkako salaketa jarria du Arroyo hematologoak, bertan 12 urte lanean aritu ondoren. Fiskaltzak ikerketa martxan jarria du homologatu gabeko mediku espezialisten kasua ikertzeko. Tolosaldeko Atariak landu du gaia.
Osasun arloko 200 langilek babesa azaldu diote Arroyo doktoreari, sinadura bilketa bidez. Aldi berean, Tolosaldeko herritarrek bizi duten egoera salatu dute: "Sinatzaileok gure babesa azaldu nahi diogu gure kide den Arroyo doktoreari. Aldi berean, Tolosaldeko herritarrak bizitzen ari diren egoera salatu nahi dugu, tratu desberdina jasotzen ari baitira, Gipuzkoako eta Autonomia Erkidegoko beste herritarrekin alderatuta".
Sinatzaileek "irregulartasunak" aipatu dituzte Asuncion Klinikan, espezialitate titulurik ez duten medikuak lan horretan ari direla azalduz. Horren aurrean, Eusko Jaurlaritzako (EAJ-PSE-EE) Osasun Sailari "egoera larri" hori berehalakoan konpontzea eskatzen diote: "Osasun sailari exijitzen diogu egoera berehala konpontzea. Badakigu aspalditik gaiaren jakitun dela, salaketen eta fiskalaren ikerketaren aurretik. Egoera larri honek Tolosaldeko herritarrak arriskuan jartzen ditu".
Fiskala ikertzen ari den gaiak, mediku espezialistenak, Inviza SA (Asuncion Klinika) eta Osakidetzaren arteko hitzarmenean ere badu aipamena (3.3.1 eta 3.3.4 artikuluetan). Horregatik, hitzarmenean jartzen duena betetzeko eskatzen diote sinatzaileek Osasun Sailari: "Hitzarmenean argi jartzen du espezializazio zerbitzua titulua homologatua duten mediku espezialistek eman behar dutela Tolosaldean. Hori betetzen den edo ez ikustea Tolosaldeko Erakunde Sanitario Integratuaren eta Osakidetzaren lurralde ordezkaritzaren esku dago. Hitzarmena betetzen ez baldin bada, Osakidetzak akordioa bertan behera uzteko eskumena dauka".
Amaitzeko, ondorengoa gaineratzen dute sinatzaileek: "Ez dugu zehaztu gabe utzi nahi gaiaren arduradunak jakinaren gainean jarriak direla, eta ez dutela ezertxo ere egin egoera konpontzeko".
Homologatu gabeko tituludun medikuen afera
Honela azaldua du Tolosaldeko Atariak Asuncion Klinikan fiskaltzak zabalik duen ikerketa:
Fiskaltzak ikerketa bat abiarazi du Asuncion klinikan lanean ari diren medikuen egoera aztertzeko. Izan ere, atzerriko medikuak ari dira lanean bertan, baina ez dute Espainian homologatutako titulurik.
Komunikabide batek argitaratu duenez, EAEko fiskal nagusiak, Carmen Adanek, 2019an Asuncion klinikako medikuen inguruko salaketak jaso zituen, eta hori dela eta gaia Gipuzkoako Fiskaltzara bideratu du. Fiskaltza intrusismo ustezko delitu bat ari da ikertzen, Asuncion klinikan Espainian homologatuta ez dauden tituluak dituzten medikuak ari direlako lanean. Tolosaldea Osasun Publikoaren Alde koordinakundeak ere salatu izan du egoera hori.
Fiskaltzak pasa den abenduan ireki zuen auzibidea, eta jada lekuko batzuk pasa dira Donostiako Epaitegitik.
Komunikabideak argitaratu du, Osakidetzak ez duela gairi buruz hitz egin nahi izan, eta ez duela ikerketaren berri.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Bilbo, Donostia eta Gasteizen mobilizazioak egin dituzte larunbatean, Osasungintza Publikoaren Aldeko Herri Plataformek deituta.
“IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHU Euskal Herriko Unibertsitate publikoko langileek administraziotik jaso duten mezuak, ARGIAk eskuratu duen... [+]
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Naiz eta El Diario Vasco agerkariek eman dute berria. Eskuratu duten informazioaren arabera, Osasun Sailak plan bat prestatu du ebakuntzetako itxaron zerrendak murrizteko. Bi adar nagusi ditu planak: batetik, ospitale publikoetatik gaixo multzoak bideratuko dituzte ospitale... [+]
Josefina Arregi Klinikaren irekieran Gorka Urtaran jarduneko alkatea ere egon da.
CCOO, UGT, CEOE, CEPYME eta AENCeren arteko akordioa salatu du Nafarroako Osasun plataformak. Akordioaren xedea da gaixoen baimen arruntak mutualitateek kudeatzea.
Mila lagun bildu zituen larunbatean Irunen Osasun Bidasoa plataformak. Bidasoaldeko osasungintza publikoaren "okertze progresiboaren aitzinean" arrapostu bat galdegiten diote Eusko Jaurlaritzari. Osasun zerbitzuen gainbehera, hogei urteotako inbertsio eta aitzinikuspen... [+]
Tolosaldea Osasun Publikoaren Alde plataformak deituta, bi mila lagun atera dira kalera, antolatzaileen arabera. EAEko gainerako eskualdeen pareko osasun zerbitzua aldarrikatu dute. Greban dauden Asunción ospitaleko langileak ere batu dira mobilizaziora.
LABek jakinarazi du, Iruñean eginiko prentsaurrekoan, Nafarroako Gobernuko Osasun Departamentuak IdiSNA fundazio pribatuaren esku utzi duela osasun ikerketa publikoaren kudeaketa. Sindikatuari bidalitako salaketa anonimo baten bitartez jakin dute akordioaren berri... [+]