“Osasun aldetik hobeto egon arren, nutrizionistak esan zidan ez nuela hobetu ez nintzelako argaldu”
Nutrizionista batetik bestera ibili da Maddi, eta salatu du orokorrean oso jarrera lodifoboak dituztela: “Elikadura nahasmenduak sustatzen dituzte”.
Elikagaiak ongi xurgatzeko arazoak dituenez, nutrizionista batetik bestera ibili da Maddi. Orokorrean oso esperientzia txarra izan duela kontatu du. Maddi asmatutako izen bat da gogorra egiten zaiolako gertatutakoaz mintzatzea eta soilik gertukoek ezagutzen dutelako bizitakoa.
"Duela bost urte energia arazoak izaten hasi nintzen; oso nekatuta nengoen eta ez nintzen ia etxetik ateratzen", kontatu du. Oraindik ez daki oso ongi zergatik den, baina ez dituenez elikagaiak ongi xurgatzen, bitamina falta eta anemia arazoak ditu Maddik. Medikuaren bidez ez zuenez irtenbiderik aurkitzen, nutrizionista pribatu batera joatea erabaki zuen.
Lehenengo saioa "oso gogorra" izan zela kontatu du: "Hasieran kontatu nion nire helburua energetikoki berriz ongi egotea zela, baina berak ez zidan kasu handirik egin eta segituan biluzteko eta pisatzeko eskatu zidan". Hortik aurrera "oso deseroso" sentitu zela nabarmendu du: "Lodiegi nengoela esan, eta argaldu beharra nuela agindu zidan". Horretarako, dieta "zorrotz" bat prestatu zion.
Hilabete batzuetara, kontsultara itzuli zen, eta nutrizionistak nola sentitzen zen galdetu zion: "Egia esan, ez dakit oso ongi zergatik, baina energetikoki oso ongi nengoen. Orduan, esan nion gustuko ditudan gauzak egiteko gogoa nuela berriz". Nutrizionistak biluzteko eta pisatzeko eskatu zion berriz: "Osasun aldetik hobeto egon arren, esan zidan ez nuela hobetu ez nintzelako argaldu, baina nire helburua ez zen hori". Orduan, nutrizionistak berriz dieta aldatu, eta “askoz zorrotzagoa” zen dieta bat jarri zion.
Ordura arte Maddi “oso ongi” sentitzen zen bere gorputzarekin eta ez zion garrantzi handirik ematen loditzeari edo argaltzeari. Hala ere, egun horretatik aurrera fisikoarengatik kezkatzen hasi zen: "Hasieran esaten nuen dieta jarraitzen nuela osasuntsuagoa zelako eta energia gehiago nuelako, baina gerora ikusi dut faktore horrek nire inguruan dauden beste faktore askorekin batera eragin handia izan zuela nigan eta ordutik etengabe argaldu nahi nuela eta elikadura nahasmendu bat garatzen ari nintzela".
"Ikusi nuen ordutik etengabe argaldu nahi nuela eta elikadura nahasmendu bat garatzen ari nintzela"
Pare bat kontsulta gehiago izan zituen nutrizionista horrekin, baina urte baten ostean uztea erabaki zuen: "Janariaren bidez kudeatzen hasi nintzen nutrizionistak eragiten zidan antsietatea". Hortaz, nutrizionistak esandako gauzekin eta interneten aurkitutako edukiarekin bere kabuz jarraitu zuen: "Oso ongi ezagutzen nuen teoria, baina hala ere, lodifobiaren tranpan erori nintzen".
Nutrizionista asko probatu ditu, baina orokorrean antzeko jarrerak dituztela salatu du: "Batzuetan disimulatzen saiatzen diren arren, haien helburua beti da zuk argaltzea". Gaineratu du lehenengo kontsultetan faltan botatzen dituela galdera asko: "Ez didate galdetzen nola sentitzen naizen jaten dudanean, emozioek zer-nolako eragina duten nire elikaduran, zer-nolako ohiturak ditudan, ea pisatu nahi dudan edo ez, ea elikagairen batek beldurra ematen didan eta beste gauza asko".
Kontsulta batzuetan nutrizionista batzuek alor emozionalean interes handiagoa jarri duten arren, bigarren saiotik aurrera pisuan "asko" zentratzen direla uste du: "Behin, oso pozik atera nintzen nutrizionista batetik jateko ohiturei lotutako galdera asko egin zizkidalako, baina bigarren saiotik aurrera bere interes bakarra nik argaltzea zen".
Horregatik erabaki du ez duela deus jakin nahi nutrizionisten inguruan. Urte batzuk pasa dira erabaki hori hartu zuenetik, eta gaur egun Maddiren helburua da janariarekin duen harremana lantzea eta jateko ohiturak aldatzea: "Lagunen eta psikologoaren laguntzari esker lasaiago bizitzeko urratsak ematen ari naiz".
Sexologian eta zoru pelbikoan aditua den Juncal Alzugaray Zurimendi fisioak zenbait gako eman ditu klimaterioa eta menopausia hobeto ulertzeko.
Igeriketa, patinetean ibiltzea eta irakurtzea gustuko ditu Leire Manzanares Etxeberriak (Donostia, 2005). Garapenaren nahasmendua dauka eta Zereginak Ikasteko Gelan (ZIG) dago. Gurasoekin batera informazioa bilatzen aritu da ikasten jarraitzeko aukerak aztertzeko, baina oztopoz... [+]
Garbiñe Larreak Kosmetikoak sendabelarrekin liburua aurkeztu du azaroaren 7an Donostian. Azala, ilea eta gorputzeko hainbat atal garbitzeko eta zaintzeko behar ditugun produktuak guk geuk egiteko argibide eta informazio osoa ematen du liburuak. Auzi hau ez da azalekoa,... [+]
Artea eta zientzia elkarrengandik oso urrun egon daitezkeela dirudien arren, biak gustuko ditu Maider Mimi (Maider Triviño) zientzialari eta artistak (Aretxabaleta, Gipuzkoa, 1997). Ikerkuntzan, antzerkian, musikan, bakarrizketetan, poesian eta beste gauza askotan dabil... [+]
Xumea, alaia eta energia handikoa da Olga Garate (Iruñea, 1964). Bizikletan ibiltzea dauka pasio eta familia da bere lehentasuna. Erizain laguntzailea da, eta lana “izugarri” gustuko duen arren, behin betiko lanerako ezintasuna eman diote, minbizi kronikoa... [+]
Sortzez Hazparnekoak (Lapurdi) ez badira ere, berrogei urte baino gehiago daramatzate Étienne Arburua haltsuarrak eta Cathy Arrotcarena hoztarrak Hazparnen bizitzen, eta urteak dira elkar ezagutzen dutela. Itsuak dira biak, eta larunbatero Angelura (Lapurdi) joaten dira... [+]
Sarean lan egiteko elkar entzutea eta errespetatzea “nahitaezkoa” da Aitor Bedialaunetarentzat (Ondarroa, Bizkaia, 1991). Euskal Gorrak, Pertsona Gorren Elkarteen Euskal Federazioko presidentea zeinu hizkuntzaren kalitatea zaintzearen garrantziaz mintzatu da. Salatu... [+]
Sentsibilizazio saioen, hitzaldien eta sare sozialen bidez aktibismo antikapazitista egiten du Juncal Cepedak (Irun, Gipuzkoa, 1986). Txikitan ez du erreferente desgaiturik izan, eta besteei laguntzeko eta erreferenteak sortzeko egiten du dibulgazioa. Sare sozialen bidez,... [+]
Lehen aldiz, ikerketa bat egin dute tanpoiek metalak ote dituzten ikusteko. Izan ere, metal batzuk toxikoak dira, baina AEBetako, Europako eta Erresuma Batuko legediek ez dute horri buruzko araudirik.
Kirol ugari egin ditu Mercedes Ortega Barrenak (Bilbo, 1967); hala nola atletismoa, paddel surfa eta orain arrauna. Hondarribiko HS2 Surf Center eskolako Dragon Boat taldeko kidea da. Batik bat minbizia duten edo izan duten emakumez osaturiko taldea da. Barrenak nabarmendu du... [+]
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Aktibista intersexa* eta DJa da Marikarmen Free (Baena, Espainia,1984). 2003. urtean sistema psikiatrikoaren kontrako borrokan hasi zen, eta gaur egun bide beretik doa Insania kolektibokoekin. Martxoan, Iruñeko Katakraken egindako “Zapalkuntza psikiatrikoa eta... [+]
Batzuentzat ikusezina eta sinesgaitza bada ere, fibromialgia existitzen da, eta berrehun sintoma baino gehiago daude gaitzari lotuta. Horietako batzuk jasaten ditu Edurne Iribarrenek (Otsagabia, Nafarroa, 1954) eta nabarmendu du eragin “handia” dutela egunerokoan:... [+]
Etxean sartuta dago gurekin sentituko dugun txoko bat, gauaren nekean besarkatzen gaituen gune bat, negarra askatzeko espazio sentituko dugun hori, goxotasunarekin konektatuko gaituen etxekoitasuna, bakardadean konpainia egingo gaituena. Mugimenduan diren bizitza askok ez dute... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]