Osakidetzari egindako kexa eta erreklamazioek gora jarraitzen dute: %10 irailera arte
7.709 kexa eta 28.352 erreklamazio jaso ditu Pazienteak eta Erabiltzaileak Atenditzeko Zerbitzuak 2023ko lehen bederatzi hilabeteetan. Kopurua dagoeneko handiagoa da aurreko urteetan urte osoan jasotakoa baino.
Osakidetzak ematen duen zerbitzua geroz eta kexa eta erreklamazio gehiago eragiten ari da. Osasun sailburu Gotzone Sagarduik —EH Bilduren galdera parlamentarioaren ondorioz— emandako datuen arabera, 2023ko lehen bederatzi hilabeteetan Pazienteak eta Erabiltzaileak Atenditzeko Zerbitzuak 28.352 erreklamazio eta 7.709 kexa jaso ditu, 36.060 guztira. 2022ko lehen bederatzi hilabeteetan erregistratutako 32.691 intzidentziekin alderatuz, %10,3 igo dira aurten kexa eta erreklamazioak. Zorion-adierazpenei dagokienez, 2022an jaso zituen gehien: 2.010.
Nabarmentzekoa da 2023ko lehen bederatzi hilabeteetan egindako kexa eta erreklamazio kopurua handiagoa dela 2017tik 2021era bitartean urte osoan egindakoen guztizko kopurua baino. Urte horietan, zifrak honako hauek izan ziren: 2017an 34.501, 2018an 35.834, 2019an 32.446, 2020an 29.801, eta 2021ean 34.956.
Naizek jaso duenez, EH Bilduko legebiltzarkide Rebeka Uberak eskatu zion erreklamazio eta kexen inguruko informazioa Osasun sailburuari. Uberak adierazi du neurriak “behingoz” hartzen hasteko balio behar dutela datuek: "Osakidetzak azken urteotan izan duen etengabeko okertzearen eta behar eta merezi duten arreta jasotzen ez dutela ikusten duten pertsonen ezinegonaren beste froga bat dira".
“Indartu dezagun Osakidetza” manifestazioak
Osasungintza Publikoaren Aldeko Herri Plataformak Osakidetzaren “egoera larria” salatzeko manifestazioak egingo ditu larunbat honetan: “Guztiz publikoa den osasun sistema bat egituratu behar da, kalitatezko eta bidezko irisgarritasun unibertsala bermatuko duena”.
Dozenaka euskal sindikatu eta eragilek bat egin dute manifestazioekin, besteak beste, LAB, ELA, ATH-ELE, ESK, Eman Eskua eta Osakidetzako Langileen Sareak. LAB sindikatuak parte hartzeko deialdia zabaldu du: “Sistema publikoa indartzea eskatzeko eta diru publikoa osasungintza pribatura desbideratzeari ezetz esateko”.
Mobilizazioak larunbatean, azaroaren 11n egingo dira EAEko hiru hiriburuetan: Bilbon (12:00etan, Jesusen Bihotzetik), Donostian (17:00etan, Boulevardetik) eta Gasteizen (12:00etan, Bilbo plazatik) izango dira.
Iazko Gabonetan, hamabi ordurainoko itxaronaldiak izan ziren. Urtean 180 egunetan ezartzen ditu nolabaiteko murrizketak Osakidetzak.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Larrialdietan bukatu ohi duena ez da 20 kilometroko lasterketa egiteko prestatuta ez dagoelako; alderantziz, kirola egitera ohituta dauden 25-35 urteko gizonak dira gehiengoa, marka egin nahian topera joateagatik. Hala ziurtatu digu Donostiako ospitaleko mediku batek... [+]
Amurrioko anbulatorioko Etengabeko Arreta Gunean ez zen medikurik egon joan den igandean, Aiaraldeak informatu duenez. Hain justu, hainbat bizilagunek sinadura bilketa abiatu dute eskualdean: “Erabat normalizatu da Laudioko zein Amurrioko Etengabeko Arreta Guneetan mediku... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Osakidetzako lan eskaintza publikoen eredua "berrikustea" eta kontsolidazio prozesuak "bukatzea" galdatzen duen ekimen parlamentarioa adostu dute hiru alderdiek.
Osakidetzako administraria eta ZIU mugikorreko medikua dira Sara Ruilope eta Uruko Blanco, hurrenez hurren. Osakidetzako Larrialdi Zerbitzuen egoeraren inguruan hausnartu dute Aiaraldea Komunikabidearekin.
Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa... [+]
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Imanol Pradales lehendakariak eta Alberto Martínez sailburuak gidatuta ostegun honetan bildu zen Bilbon osasun publikoari buruzko mahaia. Bertan izan ziren, halaber, osasunaren sektoreko eta euskal gizarteko eragile ugari.