Murrizketak egingo dituzte udan Osakidetzaren lehen mailako arretako zentroen herenean
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
Uda hastear da eta, hori dela eta, urtero bezala Osakidetzak osasun-zentroetarako udako plana prestatu, eta sindikatuei aurkeztu die sektoreko mahaian. Osakidetzak iragarri duenez, Araban, Bizkaian eta Gipuzkoan dauden lehen mailako arretako zentroen %5,10ek murrizketaren bat izanen dute. Hau da, 339 zentroetatik 126k. Horrez gain, baliteke zentro gehiagotan eragitea murrizketek, oraindik zehaztu gabe dagoelako 58 zentrotako behin betiko lanaldien eta ordutegien plangintza. Plana aste honetatik aurrera martxan jartzeko asmoa dauka Osakidetzak.
Murrizketek lanaldiei eta ordutegiei eragingo diete. Izan ere, 72 zentrok ixteko ordua aurreratuko dute; hortaz, 20:00etan itxi beharrean 17:00ak arte eskainiko dute zerbitzua. Horrez gain, 44 zentro itxita egongo dira udako egun batzuetan, eta hamar itxi egingo dituzte uda osoan. Osakidetzaren arabera, uda osoan itxiko duten zentroek astean ordubetez eskaintzen dute zerbitzua.
Osakidetzak dioenez, udan eskaria "jaitsi" egiten denez, eta lehen mailako arta sareari, EAG etengabeko arreta guneei, larrialdietarako zerbitzuei eta etxez etxeko arretari esker, zerbitzua "bermatuta" dago: "Kalitatezko osasun-laguntza profesionalen atsedenarekin eta negua gainditu ondorengo zerbitzu-eskaera txikiagoarekin bateragarri egiteko egin dugu plana".
Murrizketak: "betiko bidea"
Sindikatuek murrizketak kritikatu dituzte. ELAk, esate baterako, salatu du "geroz eta handiagoak" direla, denbora-tarte "handiagoa" hartzen dutela eta zentro "gehiagori" eragiten diotela: "Ez dago bermatuta EAG etengabeko arretako guneak ekipo guztiarekin irekiko direnik". Gaineratu du ez direla kontuan hartu Eusko Legebiltzarrerako hauteskundeetan alderdiek egindako zenbait proposamen, eta "betiko bidetik" jo dutela; hau da, murrizketen bidetik. Sindikatuak salatu du langileen lan-karga "handitzen" eta herritarrei zerbitzua "murrizten" jarraitzen dutela eta ez dutela Lehen Mailako Arretaren “egiturazko arazo larriei” aurre egiteko planik.
Plana behin behinekoa denez eta argitu gabe dagoenez zenbat lanpostu bete gabe dauden EAGetan, CCOOk argia ez izatea leporatu dio Osakidetzari: "Bete gabe dauden lanpostuak mila baino gehiago izan daitezke; eta ez dute argitu zentroek profesionalen lantalde osoak izango ote dituzten. Horrez gain, hutsik geldituko diren lanpostuak betetzeko langileei aparteko orduak egitea proposatu diete; hau da, autokontzertazioa".
Satse Euskadiko Erizainen Sindikatuak deitu du greba, eta udako murrizketek eragindako lan karga arintzeko neurririk ez hartzea leporatu dio Osakidetzari.
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.
Osakidetzak jarritako helegitea ez du onartu Euskadiko Auzitegi Nagusiak. Azaroan gelditu egin zuen Gurutzetara lekualdatze prozesua Arabako epaitegi batek.
Zuzendaritza ospitale barruko kideez osatzea, mahai teknikoa osatzea langileen ordezkaritzarekin, "behetik gorako" lan ebaluazioa, langileen egonkortzea eta Onkologikoaren hitzarmen berriaren inguruan azalpenak jasotzea. Bost puntu horietan ardaztu dituzte... [+]
Osakidetzako sindikatu guztiek bat eginda, SATSEk, ELAk, LABek, SMEk, CCOOk eta UGTk deialdi bateratua egin dute abenduaren 22an zentro guztien atarian biltzeko. Opor garaiaren ondoren, protestak kalera eramatea ere aurreikusi dute.
Gidoi itxi-itxiarekin agertu da Osasun sailburua Legebiltzarrean, Donostia Ospitaleko egoeraren berri era xeheagoan ematera berez, baina galdera guztiak saihestu egin ditu. Oposizioko alderdi guztiek etengabe salatu dute lotsagarria eta larria dela jarrera hori izatea, eta... [+]
Minbiziaren aurka egiteko CAR-T terapia abian jarriko du Osakidetzak urte eta erdi barru; non eta Donostia Ospitalean soilik eskainiko da zerbitzua. Horregatik, zentroak erreferentzia galdu baino, irabazi egingo duela jakinarazi du Sagarduik. Dena den, oposizioko... [+]
Eguerdian iragarri dute erabakia, “elkarrizketan aurrera pausoak” ematen ari direla argudiatuta.
Politika egin eta Jaurlaritza edota EAJri min egitea ez dela osasun langileen asmoa, eta gatazka hau ez dela zentroen arteko lehia ere adierazi du Felix Zubia Donostia Ospitaleko ZIUetako buruak Euskadi Irratian.
Onkologikoa Osakidetzan saretu nahiak zeresana du kargugabetze, dimisio eta protesta olde honetan. Osakidetzaren jarrera "zentralizatu eta bertikala" salatu dute Donostia Ospitaleko profesionalek, uste baitute ez dela entzuten beraien iritzia zerbitzua kudeatzeko... [+]
Azken egunotan larriagotu egin da Osasun sistemako profesionalen eta zuzendaritzaren arteko talka. Donostiako Ospitaleko 28 zerbitzuburuk gutun ireki bat sinatu dute eta salatu zuzendaritza taldeak funtzionatzeko modu inposatzailea darabilkila luzaroan. Gainera, komunikazio... [+]
2018ko Lan Eskaintza Publikorako deialdian iruzurrak salatu zituen langiletako bati, egoera "jasanezina" egin zion orduan ESI Debagoienan zuzendari zen Agustin Agirrek. Orain, ESI Donostiako zuzendaritza kargua hartu du, eta Jaurlaritzako Osasun sailburuak esan du... [+]
"Zentzuzko" kargugabetzeak eta "antolakuntza-aldaketak" egin dira Gotzone Sagardui Osasun sailburuaren iritziz, "Osakidetzaren eta herritarren mesedetan". Organigramako eskala bakoitzak betebehar jakin batzuk dituela defendatu du sailburuak, eta ESI... [+]