Osakidetzaren irtenbide bakarra lanaldia luzatzea dela kritikatu dute ELA, LAB eta CCOOk
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Osakidetzaren murrizketek ez dute etenik eta gaur egungo egoera larriari aurre egiteko neurriak ez dira nahikoak ELA, LAB eta CCOOrentzat. Astelehenean, ekainaren 10ean, Osasuneko Mahai Sektorialak egindako bileran Osakidetzak eta Erizainen Sindikatuak (SATSE) adostutako neurrien aurrean, erantzunak ez dira positiboak izan. Larrialdietako mediku eta erizainekin aparteko orduen negoziazioa egin du Osakidetzak eta sindikatuak erabakiarekin kritikoak izan dira. Epe laburrekoak eta gutxiegiko neurriak direla nabarmendu dute eta gaur egungo arazo askoren aurrean egon den plangintza eskasa salatu dute. Aurtengo udan izango diren murrizketen artean, 44 zentro itxita egongo dira egun batzuetan, hamar zentrok uda osorako itxiko dute eta 72 zentrok ixteko ordua aurreratuko dute.
ELAk “legealdi galdu baten aurrean gaudela” salatu du Osasuneko Mahai Sektorialak egindako bileraren ondoren, legegintzaldi berrirako egun gutxi falta direnean. ELAk salatu du Osakidetza duela lau urte baino egoera larriagoan dagoela gaur egun eta Osasun Sailak 30 urte daramatzala aparteko orduen ordainketaren irtenbide bakarra planteatuta. Aparteko orduak ordaindu beharrean langile gehiagoren kontratazioa eskatu dute ELAko kideek eta Osakidetzaren lan-baldintzekin lan egin nahi duen profesionalik ez dagoela ohartarazi dute. Ondorioa “langileen etengabeko ihesa” da, profesionalek tentsio eta estres-egoera larriak jasan baitituzte gainkargaren ondorioz.
LABek desadostasuna adierazi du mahai sektorialean hartutako erabakiekin. Epe laburreko neurriak hartzeak urtez urte narriadura handiagoa izatea eragiten duela azpimarratu du. Gogorarazi du udan Lehen Mailako Arreta zentroen %40k bakarrik funtzionatuko dutela normaltasunez, eta kritikatu du egoeraren aurrean “autokontzertazioa – aparteko orduetan oinarritzea – eta deribazioak/pribatizazioak” planteatu dituela zuzendaritzak. Plangintza eta konponbiderako borondaterik eza dela eta, LABek desadostasuna erakutsi du mahai sektorialean hartutako erabakiekin lau ideia aipatuta: egoerari “koiunturaltasun” izaera emateak neurri sakonik ez hartzea eragiten duela, adostutako neurriek profesionalen lanaren eta bizitza pertsonalaren arteko kontziliazioa zapuzten dutela, zuzendaritzaren gaitasunik eza plangintza iraunkor bat gauzatzeko eta proposamena erabat “diskriminatzailea” eta “arbuiagarria” dela, erizaintza eta medikuak bakarrik hartu direlako kontuan.
CCOOk azpimarratu du Osakidetzak sakoneko neurriak hartu beharrean epe-laburrekoak proposatu dituela aparteko orduen negoziazioaren bitartez. Epe laburreko, erdiko eta luzeko neurriak eskatu dituzte eta zenbait akordioren negoziaketa, esaterako, 2009. urtetik berritu ez den lan-baldintzak arautzen dituen akordioa edo 2016. urtean amaitu zen Osakidetzako Giza Baliabideak Antolatzeko Plana. 2023. urtean 31 milioi euro baino gehiago Erakunde Sanitario Integratu (ESI) guztietako autokontzertaziora bideratu zirela erakutsi dute eta Etengabeko Arreta Guneen (EAG) 855 txanda gaur egun bete gabe daudela.
Satse Euskadiko Erizainen Sindikatuak deitu du greba, eta udako murrizketek eragindako lan karga arintzeko neurririk ez hartzea leporatu dio Osakidetzari.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.
Osakidetzak jarritako helegitea ez du onartu Euskadiko Auzitegi Nagusiak. Azaroan gelditu egin zuen Gurutzetara lekualdatze prozesua Arabako epaitegi batek.
Zuzendaritza ospitale barruko kideez osatzea, mahai teknikoa osatzea langileen ordezkaritzarekin, "behetik gorako" lan ebaluazioa, langileen egonkortzea eta Onkologikoaren hitzarmen berriaren inguruan azalpenak jasotzea. Bost puntu horietan ardaztu dituzte... [+]
Osakidetzako sindikatu guztiek bat eginda, SATSEk, ELAk, LABek, SMEk, CCOOk eta UGTk deialdi bateratua egin dute abenduaren 22an zentro guztien atarian biltzeko. Opor garaiaren ondoren, protestak kalera eramatea ere aurreikusi dute.
Gidoi itxi-itxiarekin agertu da Osasun sailburua Legebiltzarrean, Donostia Ospitaleko egoeraren berri era xeheagoan ematera berez, baina galdera guztiak saihestu egin ditu. Oposizioko alderdi guztiek etengabe salatu dute lotsagarria eta larria dela jarrera hori izatea, eta... [+]
Minbiziaren aurka egiteko CAR-T terapia abian jarriko du Osakidetzak urte eta erdi barru; non eta Donostia Ospitalean soilik eskainiko da zerbitzua. Horregatik, zentroak erreferentzia galdu baino, irabazi egingo duela jakinarazi du Sagarduik. Dena den, oposizioko... [+]
Eguerdian iragarri dute erabakia, “elkarrizketan aurrera pausoak” ematen ari direla argudiatuta.
Politika egin eta Jaurlaritza edota EAJri min egitea ez dela osasun langileen asmoa, eta gatazka hau ez dela zentroen arteko lehia ere adierazi du Felix Zubia Donostia Ospitaleko ZIUetako buruak Euskadi Irratian.
Onkologikoa Osakidetzan saretu nahiak zeresana du kargugabetze, dimisio eta protesta olde honetan. Osakidetzaren jarrera "zentralizatu eta bertikala" salatu dute Donostia Ospitaleko profesionalek, uste baitute ez dela entzuten beraien iritzia zerbitzua kudeatzeko... [+]
Azken egunotan larriagotu egin da Osasun sistemako profesionalen eta zuzendaritzaren arteko talka. Donostiako Ospitaleko 28 zerbitzuburuk gutun ireki bat sinatu dute eta salatu zuzendaritza taldeak funtzionatzeko modu inposatzailea darabilkila luzaroan. Gainera, komunikazio... [+]
2018ko Lan Eskaintza Publikorako deialdian iruzurrak salatu zituen langiletako bati, egoera "jasanezina" egin zion orduan ESI Debagoienan zuzendari zen Agustin Agirrek. Orain, ESI Donostiako zuzendaritza kargua hartu du, eta Jaurlaritzako Osasun sailburuak esan du... [+]
"Zentzuzko" kargugabetzeak eta "antolakuntza-aldaketak" egin dira Gotzone Sagardui Osasun sailburuaren iritziz, "Osakidetzaren eta herritarren mesedetan". Organigramako eskala bakoitzak betebehar jakin batzuk dituela defendatu du sailburuak, eta ESI... [+]