ESIko zerbitzuburuek bost eskakizun egin dizkiote zuzendaritzari
Zuzendaritza ospitale barruko kideez osatzea, mahai teknikoa osatzea langileen ordezkaritzarekin, "behetik gorako" lan ebaluazioa, langileen egonkortzea eta Onkologikoaren hitzarmen berriaren inguruan azalpenak jasotzea. Bost puntu horietan ardaztu dituzte Donostialdeko ESIko zerbitzuburuek zuzendaritzari eginiko eskakizunak. Urtarrilaren 18an dute hurrengo bilera, eta bitartean astelehenero elkarretaratzeak egiten jarraituko dute langileek.
Ia hilabete da Osakidetzako zuzendaritzaren eta Donostialdeko ESI erakunde sanitario integratuko zerbitzuburuen arteko talkak eztanda egin zuenetik. Zuzendaritzak bi mediku zerbitzuburu kargugabetu zituen abenduaren hasieran: “Irizpide politikoak direla medio”, langileek salatu dutenez. Ordutik, zerbitzuburuek elkarretaratzeak egin dituzte eta gutun bateratu bat argitaratu irtenbideak eskatzeko.
Joan den astean elkarretaratzeak bertan behera utzi zituzten zuzendaritzarekin elkarrizketan hasi zirelako, baina asteon berriz ere bildu dira. Asteazkenean Cristina Calvo, Felix Zubia eta Manuela Perez Donostialdeko ESIko zerbitzuburuek bost eskaera zehaztu dituzte prentsaurreko batean, “langileen batzar baten” izenean.
Ospitale barruko zuzendaritza
Hasteko, “ospitaletik datorren zuzendaritza” ezinbestekotzat jo dute; alegia, ESIa “ondo eta barrutik” ezagutzen dutenek osatzea taldea. ESIaren lehen arretako kideak bertan egotea eskatu dute.
Donostialdeko ESIaren inguruan erabakitzeko, mahai tekniko horizontala exijitu dute
Bestetik, “langile guztiek” ordezkaritza izango duten mahai tekniko baten beharra nabarmendu dute. Berria-k jaso duenez, dekretuz, orain “kontseilu kliniko asistentzialak” egiten direla azaldu dute zerbitzuburuek. Ez dituzte nahikotzat ikusten, ordea; bakanak izan ohi direlako eta bertikalak, non langileek ahotsik ez duten.
Ildo beretik, aipatu dute beharrezkoa dela langileen ebaluazioa “goitik behera” egiten den gisan, “behetik gora” ere egitea; hau da, langileek ere ebaluatu ahal izatea goi kargudunak eta zuzendaritza.
%30-40ko behin-behinekotasuna
Profesionalen egonkortzearen harira, salatu dute %30-40k behin-behineko lanpostuak dituztela, eta horrek “arazo handiak” dakartzala. Informazio gardentasuna eskatu diete lan baldintzei dagokionez.
Azkenik, azalpenak exijitu dituzte Onkologikoaren antolakuntzaren inguruan. Osakidetzaren zerbitzu publikoen barruan “integralki” sartzea nahi dute, eta salatu dute Onkologikoak eta Osakidetzak findu berri duten hitzarmenak ez duela halakorik argi uzten.
Azaldu dute hurrengo bilera urtarrilaren 18an dutela, eta ordura arte astelehenero elkarretaratzeak egiten jarraituko dutela, Donostia ospitalaren atarian.
Satse Euskadiko Erizainen Sindikatuak deitu du greba, eta udako murrizketek eragindako lan karga arintzeko neurririk ez hartzea leporatu dio Osakidetzari.
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.
Osakidetzak jarritako helegitea ez du onartu Euskadiko Auzitegi Nagusiak. Azaroan gelditu egin zuen Gurutzetara lekualdatze prozesua Arabako epaitegi batek.
Osakidetzako sindikatu guztiek bat eginda, SATSEk, ELAk, LABek, SMEk, CCOOk eta UGTk deialdi bateratua egin dute abenduaren 22an zentro guztien atarian biltzeko. Opor garaiaren ondoren, protestak kalera eramatea ere aurreikusi dute.
Gidoi itxi-itxiarekin agertu da Osasun sailburua Legebiltzarrean, Donostia Ospitaleko egoeraren berri era xeheagoan ematera berez, baina galdera guztiak saihestu egin ditu. Oposizioko alderdi guztiek etengabe salatu dute lotsagarria eta larria dela jarrera hori izatea, eta... [+]
Minbiziaren aurka egiteko CAR-T terapia abian jarriko du Osakidetzak urte eta erdi barru; non eta Donostia Ospitalean soilik eskainiko da zerbitzua. Horregatik, zentroak erreferentzia galdu baino, irabazi egingo duela jakinarazi du Sagarduik. Dena den, oposizioko... [+]
Eguerdian iragarri dute erabakia, “elkarrizketan aurrera pausoak” ematen ari direla argudiatuta.
Politika egin eta Jaurlaritza edota EAJri min egitea ez dela osasun langileen asmoa, eta gatazka hau ez dela zentroen arteko lehia ere adierazi du Felix Zubia Donostia Ospitaleko ZIUetako buruak Euskadi Irratian.
Onkologikoa Osakidetzan saretu nahiak zeresana du kargugabetze, dimisio eta protesta olde honetan. Osakidetzaren jarrera "zentralizatu eta bertikala" salatu dute Donostia Ospitaleko profesionalek, uste baitute ez dela entzuten beraien iritzia zerbitzua kudeatzeko... [+]
Azken egunotan larriagotu egin da Osasun sistemako profesionalen eta zuzendaritzaren arteko talka. Donostiako Ospitaleko 28 zerbitzuburuk gutun ireki bat sinatu dute eta salatu zuzendaritza taldeak funtzionatzeko modu inposatzailea darabilkila luzaroan. Gainera, komunikazio... [+]
2018ko Lan Eskaintza Publikorako deialdian iruzurrak salatu zituen langiletako bati, egoera "jasanezina" egin zion orduan ESI Debagoienan zuzendari zen Agustin Agirrek. Orain, ESI Donostiako zuzendaritza kargua hartu du, eta Jaurlaritzako Osasun sailburuak esan du... [+]
"Zentzuzko" kargugabetzeak eta "antolakuntza-aldaketak" egin dira Gotzone Sagardui Osasun sailburuaren iritziz, "Osakidetzaren eta herritarren mesedetan". Organigramako eskala bakoitzak betebehar jakin batzuk dituela defendatu du sailburuak, eta ESI... [+]