Osakidetzako zuzendaritzako kide Xabier Balerdik ere dimisioa eman du
Oposizioen iruzurraren auzia hasi zenetik dimititzen duen laugarren zuzendaritzako kidea da. Osakidetzaren barne ikerketa zuzendu zuen Balerdik. Sindikatuek lehiaketa sistemaren eredua aldatu beharra nabarmendu dute.
Astelehenean argitaratu du EAEko aldizkari ofizialak Xabier Balerdiren dimisioa. Giza Baliabideetako zuzendariordea zen Balerdi. Iaz mediku espezialisten lan lehiaketetan iruzurrak salatu ostean, Osakidetzak bera izendatu zuen barne ikerketaren arduradun. Ekainaz geroztik Tolosako udaleko zinegotzia ere bada Balerdi EAJren ordezkari bezala, lanaldi osoan.
Iruzurrak salatu zirenetik Osakidetzako zuzendaritzan dimisioa ematen duen laugarren arduraduna da Balerdi. Osasun sailburu Jon Darpónek, Giza Baliabideetako zuzendari Juan Carlos Sotok, eta Osakidetzako zuzendari María Jesús Mujikak dimititu dute aurretik. Iruzurraren ikerketa zabalik dago Gasteizko Epaitegietan.
Sindikatuak, kritiko
Fiskaltzak iruzur zantzuak hamaika espezialitateetan antzeman ditu. Proba nahikorik ez dagoelakoan, ordea, akusazio zehatza hiru espezialitateetara mugatu du, eta espezialitate bakoitzeko epaimahaikide bana ari da ikertua izaten. Osakidetzako arduradunik ez dago akusatuen artean. Akusazioaren parte diren ELA, LAB eta ESK sindikatuek, ordea, iruzurra aspaldikoa eta egiturazkoa dela salatu dute hasieratik.
Kritiko agertu dira Balerdiren dimisioaren aurrean. “Berandu heltzen da”, adierazi du ESK-k; “aurpegi aldaketa hutsa” da ELAren ustez; dimisio berriak izango direla iragarri du LABek. Dimisio eta ikerketa pertsonaletatik harago, lehiaketa sistemaren eredu osoa aldatu beharra azpimarratu dute hiru sindikatuek.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.
Osakidetzako 2018ko oposizioetan atzeman dituzten irregulartasunen sokari tiraka, azterketara aurkeztu ziren beste 30 mediku eta epaimahaikide jardun zuten bi bokal inputatzeko eskatu du ESK sindikatuak. Hainbat froga aurkeztu dituzte eta leporatu diete erantzunak aurrez eskatu... [+]
Anestesista espezialitaterako lan eskaintza publikoan azterketen filtrazioengatik “onurak” jaso zituztela, susmoa du sindikatuak. Datozen egunetan 24 lagunek epaitegietan beren lekukotza emango dute Osakidetzako 2016-2017ko lan eskaintza publikoan jazotako iruzur... [+]
Irailaren 1etik 7ra 16 lagun epaile aurretik igaroko dira lekuko gisa, 2018ko Osakidetzako oposizioetan izandako ustezko irregulartasunak ikertzeko abiaturiko auziaren barruan.
Epaileak ikerketapean zegoen Neurokirurgia arloko presidentea inputatu du, eta hogeita lau lekuko deklaratzera deitu.
Ituarte EAJ alderdiarekin Santurtziko alkate izatera iritsi zen. Ondoren, Osakidetzan aritu zen lanean, arduradun ekonomiko bezala. Bere anaiak 2018ko oposaketan, anestesia arloan, azterketa praktiko perfektua egin zuen 100 puntu lortuz. 2019ko urtarrilan, Osakidetzako bere... [+]
Aurtengo martxoan dimititu zuen Jon Darpon Eusko Jaurlaritzako Osasun sailburuak, Osakidetzako oposizioetan detektatutako irregulartasunak medio. Ondoren, enpresa pribatura pasa zen. Orain, Darpon "fitxatu" zuen enpresak eta haren ingurukoek jasotako diru publikoa... [+]
Gasteizko Santiago ospitalean, 2016tik “gastuen bikoizketa” egon dela jakinarazi du sindikatuak, ikerketa batean oinarrituta.
Marta Machok, Osakidetzako oposizioen iruzurra salatu zuenetariko batek, jakinarazi du formula berriak zaharrak baino kontrol gehiago eman diezaiekeela zerbitzu-buruei.
Alderdi Popularraren abstentzioa salbu, gainerako talde politikoek babestu dute EH Bilduk mahai gainean jarritako proposamena.