Osakidetzako azpikontraten langileek mobilizazioak egingo dituzte, sistema publikoan integrazioa eskatzeko
Urriaren 1ean eta 3an kalera aterako dira osasungintza sektoreko beharginak, Hego Euskal Herriko sindikatu nagusiek deituta.
Osakidetzan azpikontratatutako enpresetako langileek manifestazioak egingo dituzte urriaren 1ean eta 3an, jasaten dituzten lan-baldintza kaxkarrak salatzeko. Garbiketa, anbulantzia eta jantoki zein kafetegietako langileek elkarretaratzeak deitu dituzte Gurutzeta, Donostia eta Txagorritxuko ospitaletan, lehena 11:00etan egingo dira urriaren 1ean.
“Lan-gainkarga, baliabide-falta, behin-behinekotasuna, kontratazioen partzialtasuna eta segurtasun-neurrien falta gure osasun-sistemaren egiturazko arazoak dira. Gaur egun, birusaren bigarren olatu hasiberri baten aurrean gaude, eta egoera horrek are larriagoa egiten du baliabide faltaren arazoa”, nabarmendu dute ELA, LAB, CCOO, UGT eta ESK sindikatuen sinadura daraman ohar batean.
“Egoera are larriagoa da zerbitzu jakin batzuk interes pribatuen esku jartzen direnean, hala gertatzen da garbiketa, anbulantzia eta Osakidetzako sukalde eta kafetegien kasuan”, kexatu dira. Hori ez ezik, osasun-sistemaren atal bat negoziora bideratuta egoteak berau kudeatzen duten enpresak “euren etekinak optimizatzeaz enplegu eta zerbitzu segurua bermatzeaz baino gehiago” arduratzea dakarrela salatu dute beharginek. Bidenabar, Osakidetzan baliabide falta “ohikoa” dela aitortu dute, eta azpikontraten sektorean, bereziki, arazoa “larriagotu” egiten dela. Hori horrela, pandemiak dirauen bitartean, gabezia horrek “langileen, erabiltzaileen eta gure familien osasuna arriskuan jartzea” eragiten duela salatu dute.
Elai Serbitzuak azpikontratatutako enpresako langileek 115 eguneko greba egin dute eta behin akordioa lortuta bertan behera utzi dute. Langileen akordioa “oso positibotzat” jo du ELAk.
Martxoaren 20an hasi eta bi aste iraungo du sindikatu guztiek deitutako grebak. Lehen egunean mobilizazioak egin dituzte Araban, Bizkaian eta Gipuzkoan.
Kantabrian, obra publikoen kontratazioetako ustezko ustelkeria sarean nahasita egoteagatik atxilotu zuten API Movilidad enpresako Jose Luis Blanco, beste hainbat pertsonarekin batera. Enpresa horri, besteak beste, errepideak mantentzeko kontratua esleitu dio Gipuzkoako... [+]
Aste osoan egingo dute greba. LAB sindikatuak jakitera eman duenez, hainbat langile zauritu dituzte eta euretako bat larrialdietara eraman behar izan dute. Sindikatuaren arabera, lau langile identifikatu eta bi atxilo hartu dituzte.
Osakidetzako garbikeetan, jatetxeetan, sukaldeetan eta anbulantzietan lan egiten duten beharginak batuko dira datozen egunetan egingo den grebara. ELA, LAB, CCOO, UGT eta ESK sindikatuek egin dute deialdia.
AHTaren zati batean, adibidez, langileak “egunean hamaika orduz” jarduten dira, sindikatuaren arabera. Horrez gain, “azpikontratazioaren bidezko amarruak” ere salatu dituzte.