Osakidetzak uda honetan ere murrizketak egingo ditu
Udan osasun langileen oporrak ordezkatzeko murrizketak egingo ditu Osakidetzak, aurreko urteetan bezala: Lehen Arretako ordutegia murriztuko du eta telefono bidezko kontsultak lehenetsiko ditu. ELA sindikatuak salatu du "arreta-murrizketak ez direla pandemiaren balizko berragerpenerako prest egoteko modua" eta oroitarazi du 5.000 langile direla behin-behinekoak Osakidetzan eta "plantilla handitu, indartu eta egonkortzeko" beharra dagoela.
"Osakidetzak Lehen Arretarako deseskalada plana eta udako plangintza aurkeztu ditu. Eta esan dezakegu irtenbidea betikoa dela, arreta-murriztea, ordutegiak murriztea eta Lehen Arreta ez indartzea". Horrela azaldu du ELA sindikatuak ekainaren 18an Osakidetzarekin izandako Mahai Sektorialeko bileran jaso zuten informazioa eta gehitu du Osakidetzaren plantilla ez dela nahikoa: "Hori handitu, indartu eta egonkortzeko beharra dago. Eta hori arreta-maila guztietan, ez bakarrik Lehen Arretan. Gainera, egoera honetan, arreta-murrizketak ez dira pandemiaren balizko berragerpenerako prest egoteko modua".
Sindikatuak adierazi duenez, Osakidetzaren dokumentuak dio "arreta-eredu berri" batera bidea egin behar dela, baina sindikatuak ohartarazi du "Koronabirusa ezin dela bihurtu osasun publikoa desegiten jarraitzeko aitzakia".
Telefonozko kontsulta lehenetiko da
Sindikatuak adierazi duenez, "telefono bidezko edo bideokonferentzia bidezko kontsulta lehenetsiko" du Osakidetzak. Salatu du horrek badituela bere albo-kalteak: "Profesionalen lana zailtzen du, gainkargatzen ditu eta eten digital handiena jasaten duten eremu edo kolektiboak egoera larrian jartzen ditu kalitatezko osasun-arreta jasotzeari begira".
Udan, beste behin, murrizketak
Koronabirusak ez du ekarri udan medikuen oporrak ordezkatzeko beste urtetan baino baliabide gehiago jartzea, eta urteetako politikari jarraituz, murrizketak egingo dituzte: zentroak ixtea dago aurrikusia (Zumarragako Etengabeko Arreta Gunea adibidez) eta Lehen Arretako zentroetako arreta-ordutegia murriztea, ELA sindikatuak jakinarazi duenez. Salatu du murrizketa horiek ekartzen dutela beste arreta-maila batzuk gainkargatzea, "hala nola ospitaleko larrialdiak eta Etengabeko Arreta Guneak.
5.000 langile baino gehiago behin-behineko egoeran
Sindikatuak jakinarazi duenez, Osakidetzan 5.000 behin-behineko langile baino gehiago daude egiturazko-plaza bati atxikita ez daudenak, "eta horiek zerbitzuak eskaintzen dituzte ohikotasunez eta egituraz, haien lana ezinbestekoa baita. Beharrezkoa da, gutxienez, 5.000 lanpostu berri sortzea Osakidetzako plantillan".
Osakidetzari "propaganda" egitea leporatu dio: izan ere, Mahai Sektorialeko bilera horretan Osakidetzak Lehen Arretarako 110 lanposturekin plantilla handitzeko espedientea onartu du, baina sindikatuak adierazi duenez, "aurtengo urtarrilean eman zen plaza horien sorreraren berri, eta beraz, ez gaudela planteamendu berri baten aurrean. Gainera egindako proposamena ez da nahikoa, are gehiago kontuan hartzen badugu gaur egun lanean ari diren profesionalak egonkortzea ahalbidetuko duela praktikan, baina ez duela ekarriko langile gehiago egotea benetako langileen kopuru osoan".
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]
Nafarroako Gobernuak bart gauerditik aurrera indargabetu ditu COVID-19aren aurkako neurri murriztaile gehienak. Kalean eta ikastetxeetako patioetan ez da derrigorrean maskararik erabili beharko, gaueko aisialdiak eta ostalaritzak pandemia aurreko ordutegiak berreskuratuko... [+]
"Osasun Sailaren immobilismoaren eta konponbide ezaren aurrean", otsailaren 25ean greba deitu dute lehen arretan ELA, SATSE, LAB, CCOO eta UGT sindikatuek eta otsailaren 28an Osakidetzako esparru guztietan. Horrez gain, otsailaren 26an manifestazioak egingo dituzte... [+]
Zizt! Hor dator berriz ere, bularraldean sentitu dut goizean goiz, arraroa da benetan ziztada hau.
Zizt! Jertsearen gainetik bihotzaldea igurtzi dut, emeki. Ea pasatzen den, esan dut baxu, inork ez entzuteko moduan. Gaur egun kontuz ibili behar da nork-zer entzungo duen... [+]
La Bogue da Frantziako Limousin (okzitanieraz Limosin) eskualdeko hedabide alternatiboa. Kolektibo autonomo batek kudeatua, boluntarioek egina eta militantea, bere burua kokatzen du mugimendu anti-autoritarioaren baitan. Bertan agerturiko artikulua itzuli dugu euskarara.
“Proba bat egin ostean, COVID-19an positibo eman dut. Ondo nago, sintoma arinekin. Hurrengo egunetarako aurreikusitako agenda publikoa atzeratu eta konfinamendutik lanean segituko dut”. Kendu agenda publikoaren zera hori erditik, eta edonorenak izan zitezkeen... [+]
Igande eguerdian milaka lagun atera dira Donostia, Bilbo eta Gasteizko kaleetara gehiengo sindikalak deituta, kalitatezko osasun publikoaren alde eta Lehen Arreta jasaten ari den kolapsoaren aurka. Oso gogor mintzatu dira Iñigo Urkullu buru duen Jaurlaritza osasun... [+]
Osakidetzaren azken protokoloak dio positibo baten kontaktu estua izanagatik COVID-19a azken 180 egunetan pasatu duenak, txertatuta egon edo ez, ez duela etxean berrogeialdirik egin beharrik, baldin eta ez badauka sintomarik.
Txertoaren hirugarren dosia abian da herrialde aberatsetan eta laugarren dosia ere ezarriko zaie arrisku taldekoei. Denborarekin txertoek eragindako antigorputzak galdu egiten dira, eta horiek gehitzeko errefortzu dosiak jartzea da gobernuen estrategia. Baina txertoen alde... [+]
Zientzia politika publiko bihurtzen den modua kalkulu politiko eta ekonomikoek gidatzen dute, baita politikariek, alderdiek eta aholkulariek dituzten konpromiso moral eta ideologikoek ere”. Hala zioen Jana Bacevic soziologoak 2020ko apirilean The Guardian-en.
Denok... [+]