“Osakidetza desegiten ari direla” salatuz mobilizazioa deitu dute sindikatuek 26rako
SATSE, ELA, LAB, CCOO, UGT eta ESK sindikatuek manifestazioa deitu dute ekainaren 26 goizerako, Bilbon, "Jaurlaritza Osakidetza desegiten ari dela" salatzeko. Lehen Mailako Arreta "kinka larrian" dagoela azpimarratu dute sindikatuek, eta gogorarazi dute Osasun sailburu Gotzone Sagarduik planteatutako murrizketa asko aspaldikoak direla.
Osasun arloko sindikatuek elkarrekin deitu duten manifestazioa ekainaren 26an, igandea, 11:00etan abiatuko da Jesusen Bihotzetik. Lehen Mailako Arreta "kinka larrian" dagoela azpimarratu dute sindikatuek, eta gogorarazi dute Osasun sailburu Gotzone Sagarduik planteatutako murrizketa asko aspaldikoak direla: udako itxierak, ordutegien murrizketa, edo zerbitzuen murrizketa eta zentralizazioa.
Ekainaren 22an mobilizazioak Lehen Mailako Arretako ordutegi murrizketak salatzeko
Ekainaren 22an ere hainbat mobilizazio egingo dituzte, Lehen Mailako Arretako zentroetan ezarriko diren ordutegi murrizketak salatzeko: elkarretaratzeak eta itxialdiak egingo dituzte 17:00etan, Salburuako Osasun Zentroan (Gasteiz); Amara Prim Osasun Zentroan (Donostia); eta Deustuko Osasun Zentroan (Bilbo).
Osasun sailburuaren eta Lehendakariaren hitzei erantzunez
Ekainaren 8an, Gotzone Sagardui Osasun sailburuak adierazi zuen artatuak izateko herritarrek gehiago eta maizago mugitu beharko dutela. Sindikatuen iritziz, "adierazpen horiek agerian utzi dute Eusko Jaurlaritzaren estrategia: Lehen Mailako Arreta desegitea eta gainerako asistentzia mailak prekarizatzea, pribatizazioaren, zerbitzu publikoen aurkako erasoaren eta osasu aseguru pribatuen negozioaren bidez. Sailburuak argi eta garbi azaldu zuen kontsultategiak itxiko direla; batzuetan erizaintzako langileak bakarrik arituko direla; ospitaleetako espezializazioan sakontzen jarraituko dutela, edo, bestela esanda, gaur egun dauden zerbitzuak itxiko dituztela, EAE osoan ospitale bakar batean eskaintzeko; eta herritarrak gehiago eta maizago lekualdatu beharko direla. Sailburuak dio kultura aldaketa dela, baina funtsean osasun sistema publikoa desegitea da, herritarrei eskaintzen zaien osasun zerbitzua prekarizatzea eta langileen lan baldintzak okertzea. Eusko Jaurlaritzak dio murrizketak beharrezkoak direla profesional falta dagoelako, baina hori bere erabaki politikoen emaitza da".
Ekainaren 17an, Lehendakariak Legebiltzarrean adierazi zuen Eusko Jaurlaritzak Lehen Mailako Arreta indartuko duela eta plantillak handitu, berritu eta sendotuko dituela, baina sindikatuek zera erantzun dute: “Urkullu gezurretan ari da. Beste behin, Osakidetzak udan osasu zentroak itxiko ditu; beste batzuen ordutegia murriztuko du; ez ditu profesional askoren oporrak ordezkatuko; are gehiago zamatuko ditu aldi horretan zerbitzuak ematen dituzten langileak; eta prekarizatu egingo du herritarrei eskaintzen zaien arreta”.
Gainera, azpimarratu dute "aurten egoera are larriagoa dela, Osakidetzak ordutegiak murriztea planteatu duelako, baita langileak ados jarri diren osasun zentroetan ere, zerbitzua ordutegi osoan betetzeko, murrizketarik egin gabe".
Sindikatuek diote "Osakidetzak ez duela inolako borondaterik behin-behinekotasun tasa altuak behingoz ezabatzeko. Osakidetzan 24.600 langile baino gehiago daude aldi baterako kontratuarekin; hala ere, Eusko Jaurlaritzak 3.700 plazako LEPa baino ez du planteatzen, eta horrek esan nahi du behin behinekotasun-tasa %50ean mantenduko dela".
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Ikasturte osoan inork aipatu ez dituen kontuetan aritu ondoren, aktualitatearen erdigunera eraman nau, ustez, pneumonia batek, nola definitu ez dakidan hartuemana izan baitut Osakidetzarekin. Eta lehen deitik, ai ene, esperimentu batean egotearen sentsazio zirraragarria,... [+]
Satse Euskadiko Erizainen Sindikatuak deitu du greba, eta udako murrizketek eragindako lan karga arintzeko neurririk ez hartzea leporatu dio Osakidetzari.
Bilboko magistratuak adierazi du ez dagoela froga nahikorik langileak delitu hori egin zuela egiaztatzeko eta ez dagoela “lekukorik” hori frogatu duenik. Horrelako 300 sabotaje salatu ditu anbulantzien zerbitzua esleitua duen enpresak.
Istripu eta larrialdiei erantzutea eta gaitz kronikoak dituzten ikasleak artatzea lirateke, besteak beste, erizainak eskolan lituzkeen funtzioak, gaur egun gehienbat irakasleen bizkar geratzen dena. Eskoletan erizain batek egon behar duela aldarrikatzen urteak daramatza SATSE... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]
Jaioberriaren orpoan zizta eginez, hainbat gaitz aztertzen ditu osasungintza publikoak. Osakidetzak 14ra igo berri du aztertzen diren gaitzen kopurua, baina beste lurralde batzuekin konparatuta, atzeko postuetan dago EAE: Nafarroan 28 gaitz aztertzen dituzte, Galizian 33,... [+]
Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.
Eusko Jaurlaritzak 277 milioi euro bideratuko ditu ospitaleak handitzeko, eta ESK sindikatuak “desegokitzat” jo du erabakia.
Astelehenean, otsailaren 19an, EAEko anbulantzietako langileek greba mugagabeari ekin diote.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Zerbitzutik zortzi erizain eta bi erizain laguntzaile kendu dituztela salatu du sindikatuak. Larrialdi horietara herritar bereziki zaurgarriek jotzen dutela azpimarratu du, eta agintariei eskatu diete “pertsonak zenbaki soiltzat hartzeari uzteko”.