EAJren barne prozesuan ez du bere burua aurkeztuko, nahiz eta garaile irten den orain arteko bozketetan. Itxura guztien arabera, Aitor Esteban izango da EBBko buruzagi berria.
Urtearen hasieran ekin dio EAJk buruzagitza zentrala (EBB) berritzeko prozesuari. Hiru fasetan banatuta dago prozesua, eta bigarrenean sartzear dira aste honetan. Lehenbiziko fasean hautagaiek eurek ez dute haien burua era ofizialean aurkeztu, eta batzoki orotan egin dira hasierako bozketak, izenak proposatze aldera. Sorpresarako, Andoni Ortuzarrek eskuratu bazituen ere boto gehien, Aitor Estebanek ezustea eragin zuen alderdiaren barruan. Bazirudien lehendik ere Ortuzarren ordezko aukera aproposa izan zitekeela, baina ez zen inondik ere espero horrelako babesa jasotzea. Estebanek, sare sozialetan, aditzera eman zuen barne prozesuaren lasterketan sartuko zela: "Hunkiturik eta eskertuta nago konfiantza eta babesagatik. Alderdikideen garaia da. Alderdia. Aberria".
Ez du bestelako adierazpenik egin asteotan, eta ikusmina sortu du horrek. Izan ere, Andoni Ortuzarrek aurrez esana zuen laugarrenez aurkeztuko zela EBBko buru izateko lehiara. Dena dela, azken aste honetan adierazi du "alderdiaren esanetara" egongo zela. Are, terrenoa prestatuta zegoela zirudien Ortuzarrentzat: duela bi aste, Bizkaiko EAJren buru Iñigo Ansolak irratian esan zuen "aldatu, aldatzeagatik, ez dela zertan ona" izan. Alegia, Ortuzarrek jarrai zezakeela lider izaten.
Ziklo aldaketaren atarian
Urtebete baino lehenagotik dator "ziklo aldaketaren" olatua. Eusko Legebiltzarreko hauteskundeen testuinguruan hasi zen EAJ "aldaketa berria" iragartzen. Lehen mugimendua 2023ko azaroaren hondarrean heldu zen, orduantxe ezagutarazi baitzen, filtrazio bidez, Iñigo Urkulluk ez zuela lehendakari izaten segituko eta Imanol Pradalesek hartuko zuela lehendakarigai postua. "Belaunaldi aldaketa baterako proposamena" izango zela iragarri zuen EBBko presidente Andoni Ortuzarrek. Ikusteko zegoen zer gertatuko zen; jakina zen buruzagitza territorialak berritzea zegokiola alderdiari epe laburrean.
Lurraldekako buruzagitzetan, oro har, aurpegi aldaketak eman dira. Ordura arte bigarren lerroan zeudenek, salbuespenak salbuespen, hartu dituzte ardurak: Arabakoa Jone Berriozabalek hartu du, Bizkaikoa Iñigo Ansolak, Gipuzkoakoa María Eugenia Arrizabalagak, Nafarroakoa Unai Hualdek eta Ipar Euskal Herrikoa Pantxoa Binboirek.
"Aldaketaren" ideia, beraz, ari zen gauzatzen. Baina EBBkoa falta zen, eta Ortuzarrek aurrera segitu ahal izateak ez ditu jeltzale guztiak konbentzitu, dagoeneko hamabi urte baitaramatza EBBko buru izaten, aurrez lau urtez Bizkai Buru Batzarrean egon ondotik. Estebanen aukera errealki gauzagarritzat ikusten hasi denean, nahiz Ortuzarrek irabazi pasa berri diren lehen bozketak, bazirudien Esteban zela aurrera egin ala ez jakinarazi behar zuena, Ortuzarrena egintzat ematen zelako. Bada, azkenean, Ortuzar izan da atzera egitea erabaki duena. Beraz, bidea libre utzi dio Estebani.
PPrekin eta EH Bildurekin negoziazioetan porrot egin ondoren etorri da Ahal Dugurekin adostutako akordioa. Indar politiko honek aitortu duenez, maximalismoak atzean utzi eta errealitateari heldu diote, errenta baxueneko herritarren aldeko akordioa lortuta.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Joan den asteartean La Vanguardia-n argitaratutako artikuluan egin zuen proposamena Txema Montero abokatu bizkaitarrak. 30 urtez Deia egunkariko kolaboratzailea izan da eta lehenik hara bidali zuen bere artikulua, baina egunkariak ez zion argitaratu.
Trantsizio Energetikorako Ministerioak Donostiako Udalaren alegazioei baiezkoa eman ondoren, 1.750 etxebizitza eraiki ahal izango dituzte bertan. Udalak Urumea ibaitik hogei metrora ezarri du auzo berria eraikitzeko babes lerroa.
"Adostasun zabaleko gutxieneko programa amankomun bat" oinarrian izatea posible da, EH Bilduren esanetan. Zerrenda bateratuak osatzea lehenetsiko du Espainiako eta Europako hauteskundeetan, Frantziako Estatuko Fronte Herritar Berriaren tankera hartuta.
Aitor Esteban izango da EAJko EBBko hurrengo lehendakaria eta jeltzaleek salduko dute horrela, zuzendaritza berrituta, buruzagitza berria prest dagoela alderdiaren berrikuntza prozesuarekin jarraitzeko.
Epaitegietan hamar urte bete ditu auziak, eta azkenean EAEko Auzitegi Nagusiak ebatzi du beste epaitegi txikiagoek ikusten ez zutena: ez zela baserri zaharra "eraberritu", baizik eta askoz ere eraikin handiagoa altxatu zela eta behar zuen lekutik urrunago. Legez kanpo... [+]
Hamarkada askotako eskaeraren ostean, Parisko Marceau etorbidearen 11. zenbakian dagoen jauregi historikoa EAJren esku geratu da azkenean. Jeltzaleentzat, balio monetariotik harago, balio sinboliko itzela du eraikin horrek, erbestearekin eta faxismoaren kontrako borrokarekin... [+]
Euskal Herriko eta Kataluniako indar eskuindarrek bat egin dute PPrekin eta Voxekin, zerga ez luzatzeko.
Abian da EAJren barne prozesua. Lehen fasea urtarrilaren 20tik otsailaren 2ra bitartean egingo da. Gaurtik aurrera, Ortuzarrek alderdiaren buru izaten jarraituko duen erabakitzeko aukera izango dute EAJko afiliatuek.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
Pantxoa Bimboire Haritxelar, Ipar Euskal Herriko Eusko Alderdi Jeltzaleko arduradun berria da azarotik. Ipar Euskal Herriko ekonomia munduko pertsona ezaguna da.
Guggenheimaren patronatuakbi urteko epea jarri dio bere buruari proiektuaren alderdi guztietan lan egiteko, “zalantzarik gabe” hartu behar baita kontuan biosfera erreserba batean kokatuko dela. Pello Otxandianok zalantzan jarri du proiektuari 500 milioi euro... [+]
Abenduaren 3an alderdi eta eragile politikoek euskararen inguruko beren irakurketa politikoak argitaratzen dituzte. EAJk ere egin du berea Euskara, Euskal Herriaren izana izenburupean. Urte askoan Araba, Bizkaia eta Gipuzkoako hizkuntza politiken ardura izan duen, eta egun ere... [+]
