Ortega izango da berriz ere Nikaraguako presidente, zenbatutako lehen botoen arabera
Bozken %71,3 eskuratu du Daniel Ortegak, mahaien %66,3 zenbatuta. Maximino Rodríguez izan da bigarrena, eta José del Carmen Alvarado hirugarren. Presidenteordea, Asanblea Nazionala eta Erdialdeko Amerikako Parlamentuko ordezkariak ere hautatu dituzte herritarrek.
Lehen botoen arabera, Nikaraguako presidente izango da berriz ere Ortega. Bozken %71,3 eskuratu du, mahaien %66,3 zenbatuta.
Inkestek ere aurretik kokatu zuten Ortega, Nazio Askapenerako Fronte Sandinistako (FSLN) gerrillari izandakoa. Errepublikako presidentea izan zen 1985etik 1990era, eta gobernuburu hautatu zuten berriz ere 2006ko hauteskundeetan. Aurtengoei dagokienez, Nikaraguak Irabazi Aliantzan aurkeztu da FSLN.
Zenbatutako botoek adierazi dutenez, Maximino Rodríguez Alderdi Liberal Konstituzionalistako (PLC) kidea izan da bigarrena, bozken %16,4 eskuratuta. Eta José del Carmen Alvarado Alderdi Liberal Independenteko (PLI) hautagaia hirugarren, %4,5 jasota. Parte hartzeari dagokionez, %65,3ekoa izan da.
Horrez gain, Rosario Murillo hautatu du Nikaragua Irabazi Aliantzak presidenteorde izateko. Horrek haserrea eragin du oposizioan. Militante sandinista, idazlea eta irakaslea izateaz gain, Ortegaren emaztea baita Murillo. Nepotismoa leporatu diote, eta baita estatuko egiturak FSLNren mesedetan erabiltzea.
Nikaraguako egungo presidenteak bosgarren agintaldia izango du, FSLN bere alderdiak lortu baitu babes handiena momentuz. Hauteskunde Auzitegi Gorenaren arabera, %64eko parte hartzea egon da. Hedabide batzuek zabaldu dute hauteslekuak hutsik egon direla.
Ignacio Ellacuría saria jasotzeak Estatu-errepresioaren aurkako borrokari eusteko indarra eta egungo eskubide urraketen berri emateko aukera eman dio Nikaraguako Artikulazio Feministari. 155 preso politikok tortura-baldintzak bizi dituztela salatu dute, baita... [+]
Nikaraguan emakumeen eskubideen alde eta bakegintzan egiten duten jardunagatik saritu dituzte.
Nikaragua iparraldeko Mayagna Sauni As komunitateak sei buruzagi indigenen hilketa eta hamarren bahiketa salatu zuen urtarrilaren amaileran. Komunitateko gainontzeko biztanleek alde egin behar izan dute, erasotzaileek –80 pertsona armatutik gora, komunitateak azaldu... [+]
Aurreko mendeko ziklo neoliberala atzean utzita, Abya Yalako edo Hego eta Ertamerikako politikaren grabitate zentroa ezkerrean egon da 2000. urtetik. Mugimendu eta protesta herritar eraginkorrak, kontinente mailako aliantza berriak, gobernu ezkertiar edo aurrerakoiak herrialde... [+]
Madrilen jaioa da Geni Gómez López, baina 90eko hamarkadan Nikaraguara jo eta han eman ditu 27 urte. Ekintzaile feminista, Articulación Feminista de Nicaragua (Nikaraguako Artikulazio Feminista) eta Red de Mujeres de Matagalpa (Matagalpako Emakumeen Sarea)... [+]
Tantaka eta lerroburuka heltzen dira, Euskal Herrira, Nikaraguan azken hilabeteotan gertatzen ari direnak. Herri-matxinada baketsua defendatzen dute batzuek, eta estatu kolpea egotzi, besteek, eta gatazkaren hiru bertsio daude gutxienez, mahai gainean: Daniel Ortegaren eta... [+]
Poztu ninduen Madrilen Nikaraguarekiko elkartasun ekitaldi bat antolatu zutela jakiteak. Bilbon egindako lehenengo elkarretaratzean, nire neskalaguna eta biok izan ezik, Moyua plazara hurbildutako guztiak Nikaraguako etorkinak ziren. Ekitaldi horretan abestu behar zuen musikari... [+]
Daniel Ortega Nikaraguako presidenteak elkarrizketarako deia egin dio oposizioari gizarte segurantzaren erreforma bertan behera utzi berritan. Joan den asteazkenetik 30 manifestari hil ditu poliziak eta ugariak izan dira denden arpilatzeak. Manifestariek kalean jarraitu dute.
Askapena erakunde internazionalistak hiru hamarkada daroatza Euskal Herriaren eta munduko herrien artean elkartasun zubiak eraikitzen. Ezin uka, aldaketa ugari dakartela 30 udaberrik; are gehiago, borrokan murgildurik dauden lurraldeez edo herri zapalduez mintzo bagara. Horretaz... [+]
10.000 lagunetik gora atera dira kalera larunbatean Nikaraguako Juigalpa hirian, gobernuak egin nahi duen kanalaren aurka protesta egiteko. 44 mila milioi euroko kostua izango duen makro proiektuak beren lurretatik bota nahi dituela salatu dute.
Atlantikoa eta Ozeano Barea lotuko dituen kanala egiteko obrak hasi dira Nikaraguan. Kritikak eta zalantzak sortu ditu proiektuak, kanala fenomeno meteorologikoek kaltetutako gune batean egin nahi dutelako.