Oroimen historikoaren alorreko legedia bete dezala eskatu dio CNTk Jaurlaritzari
CNT sindikatuak Ondare Historikoa arautzen duen 4/1986 Legea onartu baino lehen konfiskatu zieten ondarea itzultzea eskatu dio Eusko Jaurlaritzari. Horretarako, elkarretaratze bat egin dute ostiralean Eusko Jaurlaritzaren Bilboko egoitza aurrean.
2015. urtean, CNTk Eusko Jaurlaritzari bilera bat eskatu zion konfiskatutako errotatibaren gaia aztertzeko. Hala ere, hainbat bilera egin arren, sindikatuak azaldu duenez exekutiboaren aldetik ez dute inolako erantzunik jaso. Eusko Jaurlaritzako Giza Eskubideen Batzordearen aurrean azaldu ziren 2018ko azaroaren 14an. Aho batez eskatu zen Eusko Jaurlaritzak CNTk egindako eskaerari erantzutea (11. espedientea, 11\00\10\00059).
“Erantzun bat itxaroten ari gara”, esan du CNTk. Hori dela eta, “Lehendakaria oroimen historikoaren ekitaldi honetara etorri dela aprobetxatzen dugu”, Nazio Batuetako kontalariaren txostenak dioena aplikatzea eskatzeko, Giza Eskubideen arloko printzipioak ezartzen dituen 60/147 ebazpenean adierazten den bezala. Josu Erkoreka bozeramailearekin honen ingurua hitz egiteko aukera izan dute.
Eusko Jaurlaritzak berak eskatu du erregimen frankistak Parisen konfiskatutako ondasunak itzultzea (Cervantes Etxea, Eusko Jaurlaritzaren egoitza erbestean). Sindikatuak hori zerbait logikotzat eman du eta euren babesa helarazi die.
Hala ere, kexu dira exekutiboak ez duelako CNTren ondarearen aurrean berdin jokatzen. Hori eskatzeko elkarretaratzea egitea erabaki dute.
Albiste hau Uriolak argitaratu du eta CC-by-sa lizentziari esker ekarri dugu ARGIAra.
Elkarte memorialistek kritikatu egin dute Iruñeko Udalak Erorien Monumentua eraisteari uko egiteko hartutako erabakia. Memoria Demokratikoaren Legea “oker interpretatzea” egotzi diote Joseba Asiron alkateari, eta mobilizazio batera deitu dute urtarrilaren... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.