Orkoiengo Udalak euskararen ordenantza aldatu eta “edukiz hustu” nahi duela salatu dute
Udalak (PSN) indarrean jarri nahi duen neurri berriak euskararen erabilera murrizten duela diote Orkoiengo bizilagunek; izan ere, testu berriak euskara “ahal den heinean” soilik erabiliko dela dio. Neurri berriak proposatu eta erregistratu dituzte, Hizkuntz Eskubideen Behatokiarekin batera.
Azaroaren 29an Orkoiengo Udalaren webgunean egun indarrean dagoen euskararen ordenantza aldatzeko prozesuari ekin zioten, ordenantza “murriztaileago” bat proposatuta. Udalean euskara eta gaztelera erabiltzea jasotzen du oraingo testuak; berriak, berriz, euskara “ahal den heinean” erabiliko dela dio. Abenduaren 29ra arte herritarrek beraien iritzia helarazteko aukera izan zuten eta desadostasun garbia azalerazi zen. “Gehiengo handi batean eskubideen eta iritzien kontra hartuko du erabakia alkateak”, adierazi du Cristina Indaberea EH Bilduko Orkoiengo zinegotziak, Euskalerria Irratian. Alex Lopez sozialista da alkatea, UPNren eta Juntos por Orcoyen taldearen babesarekin.
“Ordenantza berriarekin euskara zokoratu eta edukiz hustu nahi du Udalak”, azaldu du Indabereak; izan ere, euskararen erabilera murrizteak hizkuntza beraren gutxiespena ekarriko duela ziurtatu du.
Orkoiengo bizilagunek “neurriak hartzea” eskatu diete Udalari zein Nafarroako gainerako erakunde publikoei: herritarren hizkuntza eskubideak bermatu eta euskararen irakaskuntza eta erabilera sustatzea eskatu dute; baita hizkuntza eta herritarren arteko berdintasun eta bizikidetzaren alde egitea ere.
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
"Etorkizuneko zubiak" eraikiz, azpimarratu dute "garai nahasi hauetan" euskararen aldeko aldarriak ozen entzun behar direla aurrerantzean: "Bada garaia euskarari dagokion tratamendua, lekua, emateko".
Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.
Zestoan (Gipuzkoa), 2024ko irailaz geroztik, baliabide ekonomiko urriko haur eta gazteak bost kultur eta kirol ekintzen artean bat aukeratu, eta horretan doan aritu daitezke. Udalak dirulaguntzen araudia berritu du, haurren aisialdia eskubide bat dela argudiatuta. Aldaketarako... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
.jpg)
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Antolatzaileek Biltzar Nagusian harturiko erabakia da: aurten ez dute Lapurtarren Biltzarrik antolatuko Uztaritzen. Motibazio eskasa da erabakiaren oinarrian dagoen arrazoia.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Urtea amaitu baino lehen gehiengo politikoaren oniritzia lortu nahi du udalak
Hezkuntza Departamentuak Oibarko ikastetxe publikoan D eredua ezarriko dutela iragarri du. Hilabeteetako protesten ondoren, euskarazko lerroa ezartzea lortu dute.