Oriako Itxian legez kanpoko hondakin gehiago ari dira pilatzen
Eguzki Talde Ekologistak salatu du duela urtebete eman zuela arazoaren berri, baina zabor pilaketa larritu baino ez dela egin. Orian, Villabonan eta Agaraitzen 1.160 kilogramo hondakin batu dituzte azken bi hilabeteetan, Ekologistak Martxan taldearen arabera.
Eguzki Talde Ekologistak salatu duenez, Oriako Itxian (Lasarte-Oria) geroz eta legez kanpoko hondakin gehiago ari dira pilatzen. Ekologistek duela urtebete eman zuten arazoaren berri, eta abuztuan salatu dute arazoa konpondu gabe egoteaz gain, lehen baino zabor gehiago dagoela. Igandean sare sozialetara igo duten bideo batean erakutsi dute ingurua nola dagoen, 2020ko azaroko egoerarekin alderatuz.
Lasarte-Oriako Oria auzotik gertu dagoen eremua izan arren, Donostiako udalerriaren parte da ingurua. Ekologistek 2020ko abuztuan eman zioten Udalari arazoaren berri, eta esku har zezan eskatu zioten. 2020ko azaroan salaketa publiko bat jarri zuten, eta abenduan jaso zuten erantzuna: hondakinak lur pribatuetan zeudenez, administrazioak errekerimendu bat bidali behar zien jabeei, eta bete ezean, Udalak bere gain hartu beharko zuen garbitzearen ardura.
Garbiketak Orian, Villabonan eta Agaraitzen
Ekologistak Martxan taldeak emandako informazioaren arabera, Amasa-Villabonako Udalak aurten jarri du martxan ibai, erreka eta ingurune naturalak garbitzeko plana. Urzain taldeko langileek Oria ibaiaren inguruan, Villabonako herri guneetan eta Agaraitz industriagunean egin dituzte garbiketak.
Uztailaren 19tik 23ra bitartean egin dute lehena, eta 712 kilogramo hondakin atera dituzte. Bigarren garbiketa lana abuztuaren 16 eta 20 artean egin dute, 446 kilogramo zabor kenduz. Bildutako materialak –1.160 kilogramo, guztira– frakzioetan sailkatu eta Tolosako eta Andoaingo bi Garbigunetara eraman dituzte.
Ekologistak Martxanek esan duenez, aurkitutako hondakinek “beste behin, agerian uzten dute hainbat pertsonen axolagabekeria eta ingurumenarekiko errespetu eza”. Mota guztietako zaborra bildu dute: egurra (280,5kg), plastiko gogorra (234kg), metalezko latak (161,66kg), eraispeneko obra handiak (71,5kg), beira (34,8kg) zein neumatikoak eta kautxo hondarrak (20kg). Bestalde, pilak, errefusa, arropa, musukoak eta toallitak ere aurkitu dituzte.
Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Pertsonen eta txakurren testikuluetan mikroplastikoak topatu dituzte maila esanguratsuetan. Eta ikertzaileek ohartarazi dute litekeena dela horrek eragina izatea ugalkortasunaren jaitsieran. Toxicological Sciences aldizkarian argitaratu dute ikerketa.
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Astelehenean egindako inspekzioaren ostean hartu da erabakia, azken asteetan izan diren istripuen harira.
Aixa Barbarin López urpeko arkeologoa da, eta, aitortu duenez, txiki-txikitatik izan nahi izan zuen arkeologoa. Hortaz, unibertsitatera joateko garaia iritsi zitzaionean, historia ikastea hautatu zuen, EHUn, eta arkeologian murgildu zen. Urpeko arkeologian aritzea, ordea,... [+]
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Euskal Herrian 28 ikastetxe-ingurune aztertu dituzte: 28ek Osasunaren Mundu Erakundeak segurutzat duen kutsadura maila baino kutsadura handiagoa dute eta %75ak ez du lortzen Europako Batzordeak berak onargarritzat duen kutsadura maila. Maiatzaren 10ean kalera aterako dira... [+]
York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.
40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]