“Orduko eta oraingo” borroka aldarrikatuko dute Martxoak 3ko sarraskiaren 48. urtemugan
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.
Igandean 48 urte beteko dira Poliziak Gasteizen, hilabetetako greba eta borroka testuinguru batean, Pedro María Martínez Ocio, Francisco Aznar Clemente, Romualdo Barroso Chaparro, José Castillo García eta Bienvenido Pereda Moral hil eta ehunka herritar balaz zauritu zituenetik. Ondoren, elkartasun mobilizazioetan, Poliziak Juan Gabriel Rodrigo hil zuen Basaurin, eta Vicente Antón Ferrero Tarragonan.
Astelehen goizean prentsa agerraldia egin dute LAB, ELA, ESK eta STEILAS sindikatuek, igandeko mobilizazioa aurkezteko. Eguerdiko 12:00etan ekitaldia egingo dute Martxoak 3 plazaren monolitoan, eta bertatik abiatuko da manifestazioa 12:30tan, Atzo eta gaur borrokan, etorkizun justu baterantz lelopean.
“Borroka aldarrikatzen dugu, ordukoa eta oraingoa, eta etorkizun justu bat pertsona guztientzat”, azaldu dute sindikatuetako ordezkariek. 1976Ko borroka goraipatu dute, eta ondoren nagusitu zen ukazioa salatu: “Borroka hura gogor zapaldu eta estali zuen iruzurrezko trantsizio batek, egia, justizia eta biktimentzako erreparazioa ukatuz eta langileriaren esplotazioa bermatzen zuen sistema politiko, sozial eta ekonomiko bati eutsiz. Eta orduko egoeratik dator egungoa”. Memoriaren esparruan, aipatu dute “behingoz” erakundeak bat egin dutela, Martxoak 3 Memoriagunea sortzeko emandako azken urratsak direla eta (ARGIAri emandako elkarrizketan Martxoak 3 elkarteko kide Nerea Martínez oso kritiko mintzatu da erakundeen jarrerarekin).
Egungo egoera laburtzeko orduan, aipamena egin diote eskuin muturraren hazkundeari, kapitalismoaren garapenkeriari –“batzuetan berdez mozorrotuta baina edonola ere basati”– edo trantsizio ekosozialaren beharrari. Gogoratu dute greba feminista orokorra izan zela orain gutxi, eta emakumeek “funtsezko” parte hartzea izan zutela 1976ko greba mugimenduan. “Hortaz, dei egiten dugu borrokatzen jarraitzera zaintza-lanak duintzeko eta banatzeko eta zaintza-sistema publikoa, komunitarioa, unibertsala, doakoa, kalitatezkoa eta erantzunkidea lortzeko”.
Palestina gogoan
Hainbat aldarrikapen politiko, ekonomiko eta sozial egin dituzte sindikatuek, tartean desmilitarizazioarena, “gatazkara eta gerrara garamatzan mundu honetan”, eta aipamen berezitua egin diote Palestinari: “Ezin dugu ahaztu herri palestinarra bizitzen ari den genozidioa. Horren aurrean, Israelek genozidio hori gelditzea eta hemen Israelen gerra, okupazio eta genozidio estrategiarekin dauden konplizitate guztiekin amaitzea eskatzen dugu”.
Hainbat ekimen eta deialdi
Igande eguerdiko manifestazioa izango da 1976ko borroka omentzeko ekimen nagusia, baina urtero legez egun horren bueltan ekimen gehiago antolatu dituzte hainbat eragilek. Arabako Alea-k jaso ditu hurrengoak:
Martxoak 3 Elkartea
Martxoan zehar: Martxoaren 3ko kartelen erakusketa, Zaramagako Bizan zentroan. Aurkezpena martxoaren 1ean, ostiralean, 17:00etan.
Otsailak 27, asteartea, 18:30: hitzaldia Iortia Kultur Etxean (Altsasu). Ernaik eta Sortuk antolatuta.
Otsailak 27, asteartea, 18:30: Gasteizko sarraskia eta herri M3moria hitzaldia Landatxon. Ernaik eta Sortuk antolatuta.
LAB sindikatua
Martxoak 1, ostirala: 10:00etan ekitaldia, Aldabe gizarte etxean; eta 12:00etan mobilizazioa.
EH Bildu
Martxoak 3, igandea: 11:00etan ekitaldi politikoa Pello Otxandianorekin, Martxoak 3 plazan; eta 11:45ean lore eskaintza, monolitoan. Erabaki etorkizuna lelopean.
Gazte Blokea
Martxoak 3, igandea: 11:30ean gazte blokea, Hala Bedi tabernatik, Gazteok batuz, justizia borrokatu lelopean.
Mugimendu Sozialista
Martxoak 2, larunbata: 11:30ean solasaldia Imanol Satrustegirekin (itzulpena egongo da), Aldabe gizarte etxean; eta 13:00etan omenaldia, Martxoak 3 plazan.
Martxoak 3, igandea: 11:30ean bloke sozialista Santa Maria plazatik, Atzoko eta gaurko borrokaz, langile boterea eraiki lelopean.
Hiru bideo dira (albiste barruan ikusgai). Batak jasotzen du, grebak antolatzea leporatuta, Carabanchelen espetxeratu zituzten Jesús Fernandez Naves, Imanol Olabarria eta Juanjo San Sebastián langileak espetxetik atera ziren unea, 1976ko abuztuan. Beste biak Martxoak... [+]
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Martxoak 3ko sarraskiaren 49. urteurrena beteko da astelehenean. Grebetan eta asanblada irekietan oinarritutako hilabetetako borroka gero eta eraginkorragoa zenez, odoletan itotzea erabaki zuten garaiko botereek, Trantsizioaren hastapenetan. Martxoak 3 elkartea orduan... [+]
1976ko martxoaren 3an, Gasteizen, Poliziak ehunka tiro egin zituen asanbladan bildutako jendetzaren aurka, zabalduz eta erradikalizatuz zihoan greba mugimendua odoletan ito nahian. Bost langile hil zituzten, baina “egun hartan hildakoak gehiago ez izatea ia miraria... [+]
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
ELA, LAB, ESK eta STEILAS sindikatuek eta M3 elkarteak "herrikoia eta sozialki plurala" den memoria eguna "errepresiorik gabe" egitea eskatu dute. Eusko Jaurlaritzari zuzendutako eskaera da, "iaz ez bezala", aurten manifestatzeko eskubidea bermatzeko... [+]
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Otsaila hilabete garrantzitsua izan da Gasteizko Martxoak 3aren Memoriaguneari begira. Hiru urteko prozesuaren ondoren, hilaren 14ean sinatu zuen Martxoak 3 elkarteak hitzarmena Gogora institutuarekin. Egun bat beranduago, Martxoak 3 Memoriagunea fundazioaren sorrera argazkia... [+]
Gasteizko Zaramaga auzoko San Frantzisko eliza birmoldatzeko EH Bilduk Espainiako Gobernuarekin hitzartutako diru-partida ez du erabiliko Eusko Jaurlaritzak, ez delako eraikinaren "jabe ezta onuradun ere". Hala, Martxoaren 3ko Memoriaren Gunearen proiektuak aurten ere... [+]
Unai Isasi Azkarraga (Amurrio, 1998) gazte amurrioarra atxilotu zuen Ertzaintzak iragan ostiralean Gasteizen; 1976ko martxoaren 3ko sarraskia gogoratzen zuen manifestazioaren testuinguruan. Atxiloketaren inguruan mintzatu da Aiaraldea Komunikabidearekin.
Urtero legez milaka lagun batu zen ostiralean Gasteizko kaleetan, 1976ko Martxoaren 3an hildako langileak oroitu, bizi-baldintzen okertzea salatu eta langile borroka aldarrikatzeko. Kalez jantzitako polizia ugariek tentsioak sortu zituzten, eta bi gazte atxilotu.