Ordiziako alkateak maskara erabiltzea derrigorrezkoa izan dadila espero du
Uztailaren 7 arratsaldean Zumarragako ospitalean bildu ziren Ordizia, Beasain, Lazkao eta Idiazabalgo alkateak, Jaurlaritzako Osasun eta Segurtasun saileko kideekin. Nekane Murga Osasun sailburuak bileraren ostean adierazi du 1.700 PCR proba egin dituztela eta ordura arte aztertutako 1.000 probetan 35 pertsona atzeman dituztela kutsatuta. Baztertu egin du konfinamendua berriz ezartzea baina hainbat neurri indartuko dituzte, gaur iristea espero den instrukzio batean. Adur Ezenarro alkateak bilera horren aurretik adierazi du Osasun Sailak ez dizkiola Udalari kutsatuei buruzko datuak ematen eta badaezpadako neurriak hartu dituztela lehen unetik: asteazkenetako azoka eta Udal udalekuak bertan behera utzi dituzte eta jolas parkeak itxi dituzte, baita Majori kiroldegia, herri antzokia, liburutegia eta eraikin publikoak ere.
Adur Ezenarro alkateak lehen unetik "transmisio komunitarioaz" hitz egin du, hau da, beren artean harreman zuzenik ez duten pertsonen arteko transmisioa izan dela. Izan ere, uztailaren 5etik Udalaren webguneak publiko egina du Osasun sailetik jaso zuten oharra, hori azaltzen duena. Eta horren aurrean prebentzio neurriak hartzearen alde egin du, baina ezinbestean "itsu-itsuan", Naiz-eko elkarrizketan adierazi baitu Osasun sailak ez dituela kutsatuei buruzko datuak Udalarekin partekatzen, eta hedabideekin batera jakiten dituela. Udalak hartutako neurri horietan lehenetakoa, igandean Etxezarreta kaleko hiru taberna ixtea izan zen (Haka, Miami eta Kebab), Jaurlaritzako Osasun sailetik jakin zuenean bertako taberna bat izan zitekeela COVID-19aren berragerpen honen fokuaren sorrera. Atzo herritarren deien bidez jakin zuen alkateak taberna horretako langileek negatibo eman dutela PCR probetan.
Aipatutako jarduera eta zerbitzu publikoak itxi ditu Udalak; PCR proba egin duten eta emaitzaren zain dauden herritarrei etxetik ez irteteko eskatu die eta maskaren erabilera beharrezkoa dela gogorarazi die herritar denei.
Neurri gehiago espero dira
Atzoko bileran datu gehiago ezagutu ostean, Udalak orain arteko neurriak birplanteatuko ditu eta aurrera begira hartuko dituenak aztertu. Diario Vasco-k jaso duenaren arabera, aztergai dago ea jolas parkeak zabalduko dituzten, gaueko aisialdiari lotuta ikusten baitute foku honen zabalpena. Izan ere, Nekane Murga Osasun sailburuak asteartean Zumarragako ospitalean egindako bileraren ostean adierazi du Ordiziako kutsatze kasuak aisialdi giroan eta gazteen artean eman direla. Goierriko Hitza-k jaso du bilera osteko agerraldiaren berri. Murgaren hitzetan, “18-35 urte arteko jendeaz ari gara, eta sintoma gutxi badituzte ere, adinekoei pasa diezaiokete gaitza”. Arrazoi nagusia, gehiegizko gertutasuna eta neurririk hartu ez izana direla dio sailburuak. Hala, distantziak mantentzearen eta maskara erabiltzearen garrantzia azpimarratu du, aktibitate guztietan.
Momentuz ez dute neurri zehatzik iragarri, baina “alor juridikoan hainbat neurri aztertzen” ari direla jakinarazi du Murgak. Diario Vasco-ren arabera, hauek izan daitezke lantzen ari diren neurriak: tabernetako edukiera murriztea, gaueko aisialdia murriztea, barran ezin eskatu ahal izatea, terrazetan eserita kontsumitu behar izatea, eta abar. Radio Euskadin gaztelaniaz elkarrizketa egin diote Zumarragako bileraren ostean Ordiziako alkateari. Konfinamendurik ezaz galdetuta, erantzun du: "Hala esan du kontseilariak, eta beraz, hala izango da". Hartu beharreko neurri berriez adierazi du asteazkenean espero dutela ostalaritzako zehaztasunak jasotzea, eta maskaren erabilera orokortuko duen neurriei buruzko zehaztasunak jasotzea. Adierazi du astelehenetik "megafoniaz ari garela herri osoan behin eta berriz errepikatzen, mesedez, herritar denek maskara erabili dezaten. Guk orain arte gomendatu egin dugu, espero dugu asteazkenean jasoko dugun agindua irmoa izango dela maskaren erabileran, eta une honetan Ordizian behintzat derrigorrezkoa izan dadila".
Radio Euskadiko elkarrizketan ere azpimarratu du garrantzitsua dela datuen gardentasuna, "erabakiak hartu ahal izateko". "Ez dakigu kutsatu kopuruak zehazki nongoak diren, foku honek adar anitz baititu, baina bai, foku nagusia Ordizian dago, 19 kutsaturekin. Gauza berezi bat gertatzen ari da: goitik jaso nahiko genukeen informazioa eta faltan nabari duguna, behetik iristen ari zaigu. Herritarrek emaitzak jakin dituzten orduko, izan positibo edo negatibo, komunikatu egin dizkigute. Eskertuta gaude horregatik, baina oraindik kezkatuta gaude, PCR-ren emaitza asko prozesatzen ari direlako eta ez dugulako argazki osorik oraindik".
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]
Nafarroako Gobernuak bart gauerditik aurrera indargabetu ditu COVID-19aren aurkako neurri murriztaile gehienak. Kalean eta ikastetxeetako patioetan ez da derrigorrean maskararik erabili beharko, gaueko aisialdiak eta ostalaritzak pandemia aurreko ordutegiak berreskuratuko... [+]
"Osasun Sailaren immobilismoaren eta konponbide ezaren aurrean", otsailaren 25ean greba deitu dute lehen arretan ELA, SATSE, LAB, CCOO eta UGT sindikatuek eta otsailaren 28an Osakidetzako esparru guztietan. Horrez gain, otsailaren 26an manifestazioak egingo dituzte... [+]
Zizt! Hor dator berriz ere, bularraldean sentitu dut goizean goiz, arraroa da benetan ziztada hau.
Zizt! Jertsearen gainetik bihotzaldea igurtzi dut, emeki. Ea pasatzen den, esan dut baxu, inork ez entzuteko moduan. Gaur egun kontuz ibili behar da nork-zer entzungo duen... [+]
La Bogue da Frantziako Limousin (okzitanieraz Limosin) eskualdeko hedabide alternatiboa. Kolektibo autonomo batek kudeatua, boluntarioek egina eta militantea, bere burua kokatzen du mugimendu anti-autoritarioaren baitan. Bertan agerturiko artikulua itzuli dugu euskarara.
“Proba bat egin ostean, COVID-19an positibo eman dut. Ondo nago, sintoma arinekin. Hurrengo egunetarako aurreikusitako agenda publikoa atzeratu eta konfinamendutik lanean segituko dut”. Kendu agenda publikoaren zera hori erditik, eta edonorenak izan zitezkeen... [+]
Igande eguerdian milaka lagun atera dira Donostia, Bilbo eta Gasteizko kaleetara gehiengo sindikalak deituta, kalitatezko osasun publikoaren alde eta Lehen Arreta jasaten ari den kolapsoaren aurka. Oso gogor mintzatu dira Iñigo Urkullu buru duen Jaurlaritza osasun... [+]
Osakidetzaren azken protokoloak dio positibo baten kontaktu estua izanagatik COVID-19a azken 180 egunetan pasatu duenak, txertatuta egon edo ez, ez duela etxean berrogeialdirik egin beharrik, baldin eta ez badauka sintomarik.
Txertoaren hirugarren dosia abian da herrialde aberatsetan eta laugarren dosia ere ezarriko zaie arrisku taldekoei. Denborarekin txertoek eragindako antigorputzak galdu egiten dira, eta horiek gehitzeko errefortzu dosiak jartzea da gobernuen estrategia. Baina txertoen alde... [+]
Zientzia politika publiko bihurtzen den modua kalkulu politiko eta ekonomikoek gidatzen dute, baita politikariek, alderdiek eta aholkulariek dituzten konpromiso moral eta ideologikoek ere”. Hala zioen Jana Bacevic soziologoak 2020ko apirilean The Guardian-en.
Denok... [+]