Ordezkaritza berritu du Confédération Paysanne sindikatuak
Confédération Paysanne nekazari-sindikatuak kongresua egin zuen apirilaren 23an eta 24an Frantziako Nevers hirian. Han hartutako erabakiez mintzo da Mikel Hiribarren Confédération-eko Komite Nazionaleko kidea, Laborari aldizkariak plazaratu eta ARGIAk osorik jaso duen artikulu honetan.
Hiru laborari eta ELBko animatzaile bat egon gira Confédération Paysanneko kongresuan, apirilaren 23 eta 24an, Nevers hirian. Gurekin jina zen baitaere Michel Erbin biarnesa. Elgarrekin agertu badira laborantzako bozketan Biarnoa eta Euskal Herria, aspalditik bi departamendu bezala kontsideratuak gira sindikatean. Eta bi urtetarik egiten den kongresuak elgarretaratzen ditu Frantziako beste departamendu guzietako ordezkariak, Frantziaren menpe dauden ugartetakoak bezala.
Bi urtetarik berritzen dira buruzagiak
Departamenduek eta eskualdeek izendatzen dituzte beren ordezkariak, beren eremutan sindikatek daukaten indarraren arabera. Bi urtetako kongresu hortan bozka bidez deliberatuko da komite nazionaleko ordezkarien taldea, hogoita hamar laborariz gorakoa.
Urtean zazpi zortzi aldiz elgarretaratuko dira ordezkari hauk, beren esku izanen dutela, kongresuak erabaki norabidea atxikiz, sindikataren hautu nagusien eztabaidatzea eta trenkatzea. Astero bilduko delarik, zazpi ala bederatzi laborariz osatu taldea, Komite nazionalak hautatua. Eguneroko gora behera kudeatuko dute, eta hauk dira ministeritzarekin ala hedabideekin gehienetan agertzen.
Bi urtetarik aldatzen ahal da beraz sindikata eramaiten dutenen multzoa, eta gehienik zortzi urte du bakotxak egiten ahal nazional mailako ordezkaritza hortan. Aurten bada gidaritza talde horren berrikatze haundia, askok egonaldiaren muga betea baitute, eta kasik ordezkarien lauetarik hiru berriak izanen dira.
Negoziatuz bulegotan ala borrokatuz karriketan
Eztabaida frango izan da Nevers eko kongresuan, eta oraino ezin erran ordezkari berritzeak zer aldaketa ekarriko duen. Behin eta berriz erran eta ere, aurpegi frango dauzka Confédération paysanne sindikatak: desberdinak dira Bretania aldeko behi esne eremuak, Frantzia erdialdeko zereal ordokiak, beherago edo ekialdeago diren mendi eskualdeak, eta eskualde bakotxak badauka bere begitarte berezia, aipatu gabe Kortsikarena, euskaldunena ala urruneko ugarteena.
Gisa berean, desberdinak dira lurralde bakotxeko sindikataren ibilbideak, lekuan lekuko Confédération paysanne egin dutenen jatorriak eta iturriak. Marra lodiz laburbildu behar balitz batzu ala besten ezaugarria, erran ginezake konparazione Frantziako mendealdean, hots Bretainia eskualdean, oraiko gobernu sozialistak badaukala sustengu frango sindikata huntako ordezkarietan. Frantziako hegoaldean aldiz, hego ekialdean bereziki, gehienetan ordezkarien posturak erradikalagoak dira… Hitz pare batez erraiteko, lehendabizikoek nahiago izaten dute frangotan boterearekin bulegoetan negoziatu, bestek aldiz ekintzak eta borroka inportantago dauzkatelarik eskakizunen aintzinarazteko!
Nahikeria haundia politika aldatzeko
Nevers-eko kongresuak gure gostuko erakutsi du nahikeria handia dutela nundik nahiko militante laborariek Confederation Paysanne sendotzeko, eta laborantza herrikoia aintzina bultzatzeko. Urtarrileko bozkaldiak departamendu guzietan taldeak sustatu ditu, eta ondoko hilabetetan oldar berria atxeman behar dute lekuan lekuko borrokei buru egiteko, iraupenean. Gobernuarekin eta Europarekin izanen ditu ere Confédération paysannek ondoko hilabetetan garrantzizko hitzorduak. Alde batetik PAC negoziaketak beti mahain gainean daude, eta bestetik Frantziak laborantzarentzat “loi d’avenir” lege xede orokor bat moldatzen ari du. Zoritxarrez, orainarte, Frantzian ala Europan, bakarka solastatzen den politika arduradun frangok gure sindikataren analisa eta asmoetarik hurbil dagola aitortzen du, baina gehienetan liberalen eta produktibisten politika aplikatzen segitzen dute.
[Mikel Hiribarren, orain Confédération Paysanneko Komite Nazionaleko kidea, nekazari ari da Lapurdiko Itsasun eta ARGIAren aspaldiko kolaboratzailea da]
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
203 diputatu alde eta hiru aurka agertu dira martxoaren 11 gauean egin bozketan. Higiezinen agentziak haserre agertu dira, eta bi salaketa aurkeztu ditu FAIN Frantziako Higiezinen Federazio Nazionalak Europako Batzordean. Bata, lege-proposamenari esker botere gehiago jasoko... [+]
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Euskal Herriko Laborantza Ganbera elkartearen hogei urteak ospatu zituzten asteburuan Ainhize-Monjolosen. 2005eko urtarrilaren 15 hartan sortu zuten Lapurdi, Baxenabarre eta Zuberoako laborantzaren garapena –hori bai, iraunkorra eta herrikoia izan nahi duena–... [+]
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
18 urterako plan estrategikoa garatzeko Europako diru-laguntzak jaso ditu Euskal Sagardoaren Jatorri Deiturako proiektuak. Iparraldea batu da jada, eta Nafarroa zein Trebiñu sartzeko urratsak ematen hasiak dira.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]