“Oraindik zaila egiten da kamerarekin egiten dugun hori kazetaritza ariketatzat hartzea”
"Susmoa nuen, eta dut, orokorki, kazetaritzara dedikatzen garenon artean ere, fotokazetaritza ez dagoela kazetaritza bezala onartua. Agian, galdetuz gero, ehuneko handi batek baietz, kazetaritza dela esango dute, baina eguneroko martxan ikusten da hori ez dela egia", aitortu du Gari Garaialdek, saria jaso ostean.
Fotokazetaritza aintzat hartua izan delako pozik agertu da Garaialde, eta euskal kazetaritzan kameraren atzean daudenek duten lekuaz egin du gogoeta. Izan ere, "badakit gauzak ez direla gehiegi aldatu, eta oraindik ere zaila egiten dela kamerarekin egiten dugun hori, bere horretan, kazetaritza ariketatzat hartua izatea, baina hau pausotxo bat bada. Izan daiteke".
Gari Garaialdek irudien bidez egiten du kazetaritza, historiak kontatzen ditu, gizartearen eta garaiaren isla diren historiak, eta zehazki, azken boladan kontatu dizkigun historiengatik saritu dugu: jaioterritik Europara migrazio bidaia luzea egitera kondenatuta daudenak ekarri ditu paperera, eta haien nekea, etsipena, esperantza, babesa, elkartasuna, noraeza, aterpea, ametsak... bikain narratu dizkigu, argazki bidez.
Urtarrilaren 31n bilduko gara Usurbilgo Atxega jauregian Argia Sariak banatzeko. ARGIAko lantaldea ari da balizko saridunen zerrenda osatzen. Hala ere, irakurleon proposamenak beso zabalik jasotzen ditugu urtero.
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.
Guggenheim Urdaibai Stop plataformak jaso du 2023an egindako komunikazio kanpainarik onenaren saria. Aspalditik datorren borroka bati bultzada berria emateagatik, eta ingurumena eta herritarrak erdigunean jartzeko lanean aritzeagatik eman dio ARGIAk saria. Antton Mendizabalen... [+]