Orain Erein “etxeko hazien” inguruko jardunaldiak egingo dira urrian Ipar Euskal Herrian
Biharko Lurraren Elkarteak biodibertsitatearen hilabetea antolatuko du Ipar Euskal Herrian. “Biodibertsitatea erein dezagun Akitanian” programaren 20. urteurrena ospatzeko, hainbat kolektibok udazkenean antolatuko dituzten ekitaldien parte da ekimena.
Orain Erein goiburupean, hainbat hitzaldi, topaketa eta tailer egingo dira urrian. Helburua “ereiten den biodibertsitatea” bultzatzea eta haren inguruan kontzientzia eta ezagutza zabaltzea da. Dendetan saltzen diren haziak ereitearen aurrean, laborantza mota honek nekazari bakoitzak bere lurretan landatu dituen laboreetatik datozen haziak erabiltzea proposatzen du.
Elkarteak urriaren 4tik aurrera antolatuko ditu ekintzak. Ate irekietan, etxaldeetara bisitak egingo dituzte, baita laborariekin zine-eztabaidak eta etxeko haziekin jarduten duten nekazari eta elkarteekin topaketak ere. Tekniko egunak izenekoetan, berriz, ALEKA hazi egileen elkartera bisita egingo dute eta hainbat laboreren haziak hautatzen ikasteko tailerrak ere eskainiko dituzte.
Urriaren 16an, Orain Erein eguna egingo da Izuran. Bio laborarien merkatua egongo da ikusgai, eta haien lekukotasunak entzuteko aukera ere izango da. Haurrentzako txokoa eta animazioak eskainiko dira, eta piknik bat antolatuko da etxeko taloak dastatzeko. Ekintza gehienetan izenik eman gabe hartu daiteke parte, sarrera librea izango baita. Informazio gehiagorako, Biharko Lurraren Elkartearen webgunea kontsultatu edo +336 34 99 39 15 zenbakira dei daiteke.
Zergatik erabili “etxeko haziak”?
Egun, Ipar Euskal Herrian 100 etxalde inguruk baino ez dute “ereiten den biodibertsitatearekin” lan egiten. Izan ere, Biharko Lurraren Elkarteko kideen hitzetan, komertzioetan multinazionalek saltzen dituzten haziak landatzea errazagoa da hautaketa prozesua egitea baino: batetik, merkatuko haziak produktiboagoak direlako, eta masan ekoitzi daitezkeelako; bestetik, beren ezaugarri genetikoek komertzializazio sailaren irizpideei (neurriak, homogeneitatea…) hobeto erantzuten dietelako, eta errentagarriagoak direlako.
Halere, “elikadura burujabetzarantz” jotzeko bidea eta tokian tokiko biodibertsitatea babesteko modua etxean ekoitzitako haziak erabiltzean datzala dio elkarteak. “Hazi herrikoiek” laborariei autonomia ematen dietela argudiatu dute, bai ekonomikoki (ez dituztelako haziak urtero erosi behar), bai kontserbatzeko moduan ere. Bestalde, erabakietan askatasun osoa eskaintzen die nekazariei hazi hauek erabiltzeak, “beren barietateen irizpideak” aukeratzeko eskumena dutelako.
Laborari bakoitzak bere landareak nolakoak izango diren aukeratuz gero, espezieen artean dibertsitate genetikoa egotea bultzatzen da. Hain zuzen, barietate ezberdinak izatea da hazi mota hauen ezaugarri eta abantaila nagusia: landareak klima larrialdiagatik etengabe aldatzen ari den ingurunera egokitzea ahalbidetzen du, produktu kimikorik erabili gabe, eta ingurune hori kutsatzea ekidinez. Era berean, etorkizuneko erronkei aurre egiteko laborantza mota dela ere nabarmendu izan da, haziek egokitzeko duten ahalmenagatik, gero eta jende gehiago elikatzeko bide direlako.
.jpg)
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Euskal Herriko Laborantza Ganbera elkartearen hogei urteak ospatu zituzten asteburuan Ainhize-Monjolosen. 2005eko urtarrilaren 15 hartan sortu zuten Lapurdi, Baxenabarre eta Zuberoako laborantzaren garapena –hori bai, iraunkorra eta herrikoia izan nahi duena–... [+]
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
18 urterako plan estrategikoa garatzeko Europako diru-laguntzak jaso ditu Euskal Sagardoaren Jatorri Deiturako proiektuak. Iparraldea batu da jada, eta Nafarroa zein Trebiñu sartzeko urratsak ematen hasiak dira.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Via Campesinako ordezkaritza bat Palestinan izan da abenduaren 8tik 18ra, bere kide den Palestinako Lan Komiteen Batasuna-k (UAWC) gonbidatuta. Bidaia horrekin herri palestinarrari elkartasuna adierazi nahi izan diote, "Gazan egiten ari diren genozidioaren erdian eta... [+]
Euskal Sagardoa Jatorri Deiturak erronka ezarria dio bere buruari: Euskal Herri osoko sagar eta sagardogileak biltzea. “Sagardoaren kultura lurralde osoan dago, eta lurralde osoan mantendu dira sagardotarako sagarrak”, esan digu Unai Agirrek, sor-markaren... [+]
“Aterako dut sagar zuku bat?”. Galdera horrekin hasi da Barrundiako Ekonomatoko kide Koldo Lopez Borobia, Susana Lopez de Ullibarri eta Santi Txintxurretarekin izandako elkarrizketa. Sagar zukuaren bueltan eta sagarrondoz inguratutako lorategian elkartu gara. Hau ez... [+]
