Opus Deik Donapeako egitasmoa eten du
Alfonso Sanchez Tabernero, Nafarroako Unibertsitateko errektoreak Donapeako proiektuaren "adostasun eza" argudiatuta, Nafarroako Gobernuarekin sinatutako hitzarmena bertan behera utziko dutela iragarri du.
Hilabeteetako liskarrak eragin dituen auzia bertan behera geratu da, Opus Deiren unibertsitateak Donapeako lurrekiko interesa alboratu ostean. Iruñeko Lanbide Heziketako zentroaren orubea begiz jota zuen aspalditik Nafarroako Unibertsitateak, eta bertan hiru ikerketa zentro eraikitzeko proiektua adostu zuen Nafarroako Gobernuarekin 2011ko martxoan.
Egitasmoak iskanbila sortu du nafar jendartean eta Iruñeko Udalaren nahiz Parlamentuaren gehiengoa kontra izan du. Hala ere, oposizioko alderdien eskakizunei muzin eginez, UPNk aurrera egin du proiektuarekin. Donapeako irakasle, sindikatu, gizarte eragile eta udal agintari ohiak ere egitasmoaren kontrako jarrera erakutsi dute eta iragan urriaren 18an manifestazio jendetsua egin zen hiriburuan “Donapea ez dago salgai” lemapean.
Nafarroako Unibertsitateak akordiorik ez dagoela ikusita kontratua etetea erabaki du. “Inoiz egon nahi ez genukeen lekuan gaude, polemika politiko baten erdian” eman du aditzera Tabernero errektoreak eta haiek ez dutela liskar giroa hauspotu nahi gaineratu du.
Egitasmoa gelditzeko Bildu, Aralar-NaBai, Ezkerra eta Geroa Baiko parlamentarioek aurkeztutako lege-proposamena eztabaidatu behar zen gaur Nafarroako Parlamentuan. UPNk oso zaila zuen proiektua aurrera ateratzea oposizioa kontra izanda. Bada, Parlamentuaren iritzia jakin baino ordu batzuk lehenago iritsi da Opusen erabakia.
Erreakzioak
UPNko eledunek “albiste txartzat” jo dute Nafarroako Unibertsitateak hartutako ebazpena. Ustekabean harrapatu du berriak David Ardanaz Donapeako irakaslea, baina pozik agertu da erabakiaren aurrean. Berria kazetak jasotzen duen bezala, “haiek jakinen dute zergatik hartu duten ebazpen hori. Guk argi izan dugu, beti, Donapea tokiz aldatzeak kalte egiten diola zentroari, lanbide heziketari eta hezkuntza publikoari; horregatik egin dugu proiektu horren kontra”, esan du Ardanezek.
Egitasmoaren etorkizuna
Hitzarmena bertan behera uzteko adierazpenen ostean, ikerketa zentroekin zer egiteko asmoa duten galdetu diote Tabernerori eta honek “hausnarketa epea” hasiko duela adierazi du. Proiektua bere horretan geratuko da oraingoz, baina errektoreak esan duenez “Donapeari uko egiten diogu gaur, baina etorkizunean jendearekin solasean hasiko gara berriz, zein puntutan gauden ikusteko”.
Miravalles-Redin eta Irabia-Izaga ikastetxetako ikasleen guraso talde batek Nafarroako Gobernuko Hezkuntza Departamenduarekin hitz egin du ikastetxe pribatua sortzeko prozedura ezagutzeko.
Nafarroako Auzitegi Nagusiak azaroaren 3an emandako ebazpenak eragin du aldaketa. Segregazioa amaitu ezean bi eskolek ezingo baitute diru publikorik jaso 2025-26 ikasturtetik aurrera.
Hasi da ikasturtea eta milaka ikasle itzuli dira ikastetxeetara. Iruñean bazegoen jakin mina ea nola itzuliko ziren ikasleak sexu banaketa egiten duten El Redín edo Miravalles ikastetxeetara, edota Irabia-Izagara, guztiak Opus Dei erakundeari lotutako ikastetxeak.
Unibertsitatera sartzeko proba egitear da milaka ikasle. Gure gizarte desorekatuan, azken helduleku eta esperantza beti da hezkuntza: aukera berdintasunaren ikur, igogailu sozialerako amets. Errealitatean, baina, pribilegiatuak pribilegiatu eta zapalduak zapaldu mantentzen... [+]
Iruñeko ikastetxe kontzertatu ezagunak dira biak, eta Batxilergoko ikasleen notak puzten dituztela sumatuta, Arartekoak bi eskola horien jarduna azter dezala eskatu dio Nafarroako Hezkuntza Departamentuari.
Opus Deiren bi eskola pribatuk ikasleak sexuaren arabera bereizten jarraitzen dute Nafarroan. Biek finantziazio publikoa jasotzen dute, eta ez dute martxoan Nafarroako Gobernuarekin sinatutako akordioa betetzen. Eskolek legea bete dezaten bermatzeko zein neurri hartu aztertzen... [+]
Ikasleak sexuaren arabera segregatzen dituzten eta Opus Dei ultrakatolikoari lotuta dauden edo gertuko diren sei ikastetxe diru publikoz hornituko ditu Eusko Jaurlaritzak, tartean Gaztelueta ikastetxe polemikoa. Urtero ematen die dirua, aurten hamabi milioi euro. “Gutxi... [+]
Leioako Gaztelueta ikastetxean sexu abusuak egin zituen irakasleari hamaika urtetik bi urtera jaitsi dio espetxe-zigorra Espainiako Auzitegi Gorenak, eta oso haserre mintzatu da biktimaren aita. “Epaiak arrazoia ematen digu, semea sexu abusuen biktima dela onartzen du,... [+]
2009 eta 2011 artean adin txikikoen aurka etengabeko sexu abusuak egin zituela frogatuta geratu den arren, Espainiako Auzitegi Gorenak ez ditu sententzia areagotzen zuten bi gertakari kontuan izan.
Gastroenteritisaren jatorria ezagutzeko ohitura sexualak oinarrizko "datua" direla dio Nafarroako Unibertsitateko klinikaren gidak, "promiskuitatea/homosexualitea" nabarmenduz.
Noizbehinka, Nafarroan ale gehien saltzen dituen egunkariak erreportaje bat eskaintzen die Opusek gurean dituen ikastetxeei, Unibertsitateari edo Klinikari: zer-nolako emaitza onak lortzen dituzten ikasleek; puntako tresna bat ekarri dutela ez dakit zein eritasun inon baino... [+]
Adin txikiko ikasle bati sexu abusuak egiteagatik espetxe zigorra ezarri zion irakasle ohiari Bizkaiko Probintzia Auzitegiak. Asteazkenean jakinarazi denez, epaileak epaia eman artean aske jarraituko du auzipetuak. Epaia jakinarazi arteko tartea urtebetekoa izan daiteke.
Zigor horren alternatiba gisa, 20 hilabetekoa ere proposatu du.
12-13 urterekin maisuarengandik sexu abusuak jasan zituela salatu zuen Leioako Gaztelueta ikastetxe erlijioso kontzertatuko ikasle ohi batek eta salaketari sinesgarritasuna eman dio instrukzio epaileak: ostegun honetan abiatuko da epaiketa. “Semeak bizitako infernua”... [+]
"Pederastia" hitza ostiekin idaztea erlijio sentimenduen aurkako eraso gisa epaitua izan bada ere, Abel Azkona artistaren aurkako auzian deliturik ez dela esan du epaileak eta behin betiko itxi du kasua.