Epsilon enpresaren kudeaketa txarrarengatik oposizioak azalpenak eskatu dizkio Jaurlaritzari
Epsilon automobilgintza enpresak iruzur ekonomikoa egin duela frogatu ostean, EH Bildu, PSE, PP eta UPyD alderdiek kontuak argitzeko exijitu diete jeltzaleei.
EAJren ekinez indartu zen Epsilon Euskadi, Juan Jose Ibarretxeren agintaldian. Lehendakari ohiak esan zuen proiektua “estrategikoa” zela eta babes ekonomikoa eta politikoa eskaini zion.
Lau urteren buruan, baina, gaia hautsak harrotzen ari da: 16 milioi euroko zorra hartu du bere gain Eusko Jaurlaritzak Epsilonen porrotaren ondorioz.
Gainera, bi hari mutur dauzka auziak. Batetik, duela hiru egun, epaileak esan du Joan Villadelprat gestoreak “gaizki” kudeatu zuela, eta isuna ezarri dio.
Bestetik, Euskal Autonomi Erkidegoko Kontuen Ganberak datorren urteko martxoan entregatuko du Epsiloni buruzko txostena, eta Villadelpratek eta haren kide Philip Paynerek deklaratu beharko dute.
Porrota, iruzurraren ondorio
Orain, EAJko kideei dagokie azalpenak ematea, oposizioko alderdien iritziz. Gasteizko Parke Teknologikoan eta Industria sailean dauden goi karguen argibideak eskatu dituzte.
Arazoa EAJren politikaren “emaitza” dela esan du EH Bilduk. Era berean, kritikatu du jeltzaleek diru publikoa ekimen pribatuetara “desbideratzea”. Dioenez, egungo eredu ekonomikoaren “gabeziak” agerian uzten ditu Epsilonen porrotak.
Ikerketa Batzordea sortzea eskatzen dute PPk eta UPyDk. Carmelo Barrio popularrak adierazi du kasuak “itzal berriak” aurkezten dituela EAJren jokabidean. UPyDko Gorka Maneiro ere kexu azaldu da: “Diru publikoa xahutu dute”.
PSEk, ordea, batzorderik ez, baina hiru politikariri azalpenak eskatuko dizkie: Arantza Tapia egungo Industria Kontseilariari; Ana Agirre Industriako kontseilari ohiari eta Garapen Industrialerako zuzendari Alejandro Lópezi.
Villadelprat kondenatzen duen sententziak galderak airean uzten ditu; izan ere, zalantzan jartzen du zergatik orduko Jaurlaritzako arduradunek ez zuten gaia gertutik jarraitu, laguntza ekonomikoa eman eta gero.
Hiriko auto elektrikoa sustatu zuen konpainiako arduradunak enpresaren kiebraren erruduntzat jo ditu Gasteizko merkataritza-epaitegiak. Jesus Echave, Iñigo Antia, Jose Luis Bengochea eta Fernando Achaerandiok 530.000 euroko indemnizazioa ordaindu beharko diete... [+]
Fiskalak 8 urteko kartzela zigorra eskatu du Joan Villadelprat Epsilon automobilgintza enpresako gestore izandakoarentzat. Iruzur ekonomikoa egin zuela hiru urte atzera izandako epaiketan erakutsi zen, eta orduan 900.000 euro ordaindu behar izan zituen.
Diru zuriketa eta iruzurra leporatzen die, Espainiako Gobernuak eta Eusko Jaurlaritzak emandako 17,7 milioi euro bidegabe xahutzeagatik.
Epsilon eta Hiriko auziengatik EAEko Legebiltzarrean egin den ikerketa batzordearen ondorioak onartu ditu Legebiltzarrak. 2007an karguan zeuden Jaurlaritzako eta hiru diputazioetako zenbait kideri erantzukizun politikoa eskatu zaie, automobilen industriari lotutako bi... [+]
Epsilon eta Hiriko auzien Ikerketa Batzordeak behin betiko ebazpena onartu du, EAJren kontrako bozkekin. Oposizioko alderdien arabera, erakundeen inplikazioak bi proiektuetan diru-kutxa publikoetan eragin du, eta, beraz, erabakiak hartu zituzten jeltzaleek “erantzukizun... [+]
Hirikok hondoa jo zuen, eta berarekin desagertu ziren administrazio publikoetatik jasotako 17 milioi euro, baina Iñigo Urkidi arduradunaren hitzetan proiektua arrakastatsua izan zen: “Ez dakit dirua hartu den hala ez, baina I+G proiektua egin da eta zoragarria... [+]
EAEko Legebiltzarreko Batzordeak uztailaren 10ean aurkeztuko ditu Epsilon eta Hiriko enpresen kudeaketa ekonomikoaren inguruko ikerketaren ondorioak, EAJ eta PSEren babesarekin. Azken bi legegintzaldien ikerketarik azkarrena izango da, eta UPyD alderdiak sozialista eta... [+]
Eusko Legebiltzarreko ikerketa batzordea EAJren kontrako botoekin osatu da; jeltzaleak izan ziren egitasmoen sustatzaile nagusiak. Eusko Jaurlaritzak eta Espainiako Gobernuak 60 milioi euro eman zituzten automobilgintzako bi proiektuentzat. Batak zein besteak kiebra jo dute.
Eusko Legebiltzarrak 63 kontu-ikuskaritza eskatu dizkio Herri Kontuen Euskal Epaitegiari 2013rako. Alderdi guztiek egin dituzte proposamenak, eta denak aho batez onartu dira. EH Bilduk 26 azterketa eskatu ditu, PSE-EEk 17, UPyDk 13, EAJk 6 eta PPk bakarra.
EAJ izan ezik Eusko Legebiltzarreko talde guztiek babestu zuten Epsilonen finantzazioarekin gertatutakoa ikertzeko PPk egindako proposamena.
Eusko Jaurlaritzak Sprilur sozietate publikoaren kapital handitzea onartu zuen atzo, guztira 939.700 eurokoa. Diru horrek kapitalizatuko du Sprilurren zuloa estaltzeko eskatutako mailegua. Zuloa nola sortu zen jakiteko berriz, 2004ra joan behar da: Epsilon Euskadi auto... [+]
