Ontziratutako platerak, sasoiko eta hurbileko produktuz eginak
Nafarroan sortutako ekimen berria da Ondalankoop, burujabetzaren aldeko eragilea eta herri mugimenduko tresna izan nahi duena. Egitasmoaren helburua herritarrei asteroko menuak eskaintzea da: ontziratutako otorduak izanen dira, baina kalitatezko produktuekin osatuak.
“Astero menua aldatzen joanen da, eta bertan emanen ditugun elikagaiak sasoikoak, hurbilekoak eta ekologikoak izanen dira”, dio proiektuaren bultzatzaileetakoa den Maider Ondarra-k. Jose Javier Oses “Jotas” du bidelagun eta Daniel Fernandez sukaldaria arituko da haiekin batera.
Hiru herritan frogak
Elikadura burujabetzaren eta ekonomia sozial eraldatzailearen inguruan lanean zebiltzan lehenagotik kooperatibako bi kideak Udalbiltza eta Olatukoopen eskutik, eta kontsumoaren bidez jendartea eraldatzeko tresna berri bat sortzea dute asmo. Garatzen ari diren egitasmoa urrian jarriko dute martxan, hasteko, hiru herritan: Unx, Tafalla eta Burlatan. Nola funtzionatuko dute asteroko menuek? Astero hamasei ontzi ezberdin eginen dituzte, eta astea bi multzotan banatuko: astelehen-astearte-asteazken blokea, eta ostegun-ostiral-larunbat blokea.
Astean bitan egingo dute sukaldean, eta hiru herrietan ontziak biltzeko puntuak egonen dira: lehen blokekoak igandean 18:00etatik aurrera, eta bigarrenekoak asteazkenean 18:00etatik aurrera. Barazki eta lekaleen ontziak lau euroan egonen dira, eta haragi eta arraina sei euroan. “Ondalankoopetik aterako diren etekin guztiak burujabetzaren alde lan egiten duten proiektuetara bideratuko dira”, azaldu du Ondarrak.
Egitasmoa babesteko diru bilketa
Itsulapikoa plataforman diru bilketa kanpaina dute abian OndalanKoopeko kideek: sukaldean beharrezkoa den makinaria ordaintzeko bideratuko dute. “Etxetik at jaten duten pertsonak genituen hasieran buruan, baina segituan ohartu gara jende asko dagoela honetan interesatua: adineko jendea, sukaldean aritzeko denbora gehiegirik ez eta haurrak dituztenak, lantegietako langileak…”.
Dena den, erosotasunarekin bakarrik ez, ongi jateko eskubidearekin ere lotzen dute egitasmoa. Ongi jateko eskubidea denona behar lukeela aldarrikatzen dute, eta horretarako ere ari dira lanean: hainbat herritako gizarte zerbitzuekin harremanean daude, eta OndalanKoopek ontziratutako platerak beharra duten pertsonei iritsaraztea ere bada beraien helburua. Egitasmoari iraunkortasuna emateko, nahitaezkoa izanen da jendearen parte hartzea eta bazkidetza. Informazio gehiagorako eta proiektuari ekarpena egiteko ondalankoop.eus webgunea sortu dute.
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
2022an Nafarroako Liburutegien Sareak martxan jarritako proiektu berezia da hazien liburutegia. Clara Flamarique Goñi da Nafarroako Gobernuaren liburutegi zerbitzuko proiektuen arduraduna, eta honela gogoratu ditu hastapenak: “Zaragozako liburutegian martxan zuten... [+]
Joxe Blanco Gomez laudioarra Lamuzanaturgunea blog-aren bultzatzaile eta Laudiokolore ekimeneko kidea da. Urteak daramatzate Laudion basa landareen inguruko sentsibilizazioa eta formazioa egiten, eta maiatzean, Arraño mendiko baso orkideen inguruko jardunaldiak egin... [+]
Urteak daramatza Cederna Garalur landa garapenerako elkarteak elikaduraren eta lehen sektorearen inguruko lanketa egiten Nafarroako Mendialdean. Elikadura osasuntsurako eta kontsumo jasangarriago baterako bidea egitea da asmoa, eta bide luze horretan, egitasmo berria gauzatu du:... [+]
Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Arabako Bionekazaritza elkartearen eta Euskadiko Hazien Sarearen arteko lankidetzatik sortu zen duela urte pare bat Agroekoop kolektiboa. “Arabako agroekologiaren bueltako elkarteak lotzeko eta indartzeko, eta sinergiak sustatzeko asmoz sortu genuen”, adierazi du... [+]
Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]
Urteak daramatzate Atxondoko Biezko baserrian bizitzen eta lanean Aner Garitaonandiak eta Oihane Lekunberrik. “Kaletarrak ginen gu, nik enpresa eta turismo ikasketak egin nituen, baina mundu hori ez zitzaidan gustatzen…”, azaldu du ekoizleak. Lekunberrik,... [+]
2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
Elkea proiektuan produktu asko eta desberdinak ekoizten ditu David Ruiz de Galarreta Azpilikueta ekoizle amezkoarrak. Olibondoekin hasi zen, baina fruta arbolek, lekaleek eta zekaleek ere beren tokia egin dute proiektuan urteotan. Eta, orain, jarduera berri bat gehitu die... [+]
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]