Parisko klimaren bilkurako mobilizazioei eusteko deialdia: #OnLacheRien
Azkar etorri da gizarte mugimenduen erreakzioa, Frantziako Gobernuak debekatu ostean COP21aren inguruko kaleko manifestazio handiak: "On lâche rien!" (Ez eman ezertan amore) leloa zabalduz, mobilizazioei eusteko deia egin dute.
ATTAC mugimendu altermundialistak jarri du lehen harria. Parisko sarraskien ondoren, François Hollande presidenteak Frantzia gerran dagoela deklaratu zuenean, ATTACek "Gerra hau ez da gurea" egin zion arrapostu. Gobernuak gerraren logikan urrats berriak eman dituenean, Parisko prefetaren debekuari erantzuten ere lehenengoetakoa izan da erakunde hori: "Klimaren aldeko herritarren mobilizazioei eusteko deia" barreiatu du berehala.
Gero Alternatibak hartu du lekukoa eta firma bilketari ekin dio, agintarien epelkeriaren aurrean herritarrek iritzia azaltzeko eskubidea eduki dezaten eskatzeko. "On lâche rien!" manifestuak 10.000 sinadura bilduak zituen ostegun (19) goizerako. Ondoko egunetan ikusiko da nola eta zein formulatan uztartzen diren agintarien debeku irmoak eta gizarte mugimenduen kalera ateratzeko erabakia.
Esloganak aipatzen du "On lâche rien!" kanta -euskaraz itzuliko genuke "Ez dugu utziko ezer bazterrean" edo "Ez dugu amore emango"- HK & les Saltimbanks taldeak egina eta mugimendu altermundialistak aspaldi honetan beretzako hartuta daukana.
Mobilizazioei eusteko deialdia Edgard Morin soziologo patriarka ezkertiarraren hitzokin amaitzen dute: “Gaur egun zeri egin behar diogu kontra? Bi barbarieren aurrean erresistitu behar dugu: bata ezagutzen dugu eta bere burua erakusten du atentatuekin eta klase guztietako fanatismoekin; eta bestea da kalkuluaren, diruaren eta interesaren barbariea. Gaur denok egin beharko genieke biei aurre".
Bihar, larunbatean, deituta daude mobilizazio jendetsuenak. Ikasleek eskola eguna bertan behera utziz hasitako protestei segida emanen diote herritarrek, mobilizazio zabalekin.
Mobilizazioak abian dira Frantziako Estatuan. Goizean lizeoetako ikasle asko kalera atera da. Frantziako Gobernuak gaiaz eztabaidatzera eta kontzientzia hartzera deitu dute. Ikasleek harago joan nahi dute. Bihar larunbatean, nazioarteko mobilizazioek segituko dute karriketan.
Atzo, otsailaren 21ean, Action Non-Violente-COP21 eta bizi mugimenduek, Frantziako Errepublikaren presidente Macronen argazkiak eraitsi zituen Paris, Lyon, Uztaritz eta Biarritzeko Herriko Etxeetan. Macronen gobernuak klimaren arazoaren aurrean daraman politika geldia salatzeko... [+]
Bizi! mugimenduaren iritziz, 2015eko COP21aren karietara hartu ziren engaiamenduek ez dute inolaz ere klimaren egonkortasuna segurtatzen. Galdera da: klimaren borroka galtzen ari ote gara?
Iaz Parisen egindako klimaren gailurrean lortutako akordioa ospatu zutenek akordio horretan AEBak sartu izana nabarmendu zuten ospatzeko arrazoien arte. Aurtengo gailurra hasi eta bigarren egunean, hara zer den bizitza, estatubatuarrek presidente aukeratu dute klima aldaketa... [+]
Azaroaren 7an hasiko da Marrakexen klima aldaketari buruzko COP22 gailurra. Helburu nagusia 2015ean adostutako Parisko Hitzarmena nola beteko den zehaztea da. Momentuz, 72 estatuk berretsi dute hitzarmen hori, baina gas emisoak murrizteko aurkeztu dituzten planak ez dira nahikoa... [+]
Klima aldaketari buruzko lehenbiziko nazioarteko akordio globala utzi zigun 2015ak: Parisko Hitzarmena. Mugarri hori historikotzat joa izan zen, eta hala ospatu zuten adostu zutenek, baina ezin esan aurrerapausoa izan zenik, kontrakoa baizik. Aurreko hamarkada biak alferrik... [+]
Mangladiak, itsas bazterrean marea beteak gerriraino estaltzen dituen eta bajamarrean sustraiak airean erakusten dituzten zuhaitzezko oihanak, suntsitzen ari gara planetako bazter guztietan. Guztietan? Ez: badira tropiko guztietan elkarte eta jendeak zuhaitz ... [+]
Bi gradu, gradu eta erdi, funtsa berdea, erabaki loteslea ala lotzen ez duen asmoa, herrialde garatuak eta garapen bidean daudenak… Kontzeptu ugari erabili dituzte abenduaren lehen hamabostaldian Parisen. Mundu osoko herrialde eta mandatari ugari aritu dira... [+]
Joan Martinez Alier (Bartzelona 1939) Ekonomia Ekologikoaren aitzindarietakoa da, Ecología Política aldizkariaren sortzaile eta zuzendaria, eta katedratikoa Bartzelonako Unibertsitate Autonomoan. Parisen COP21a amaitzean, Mexikoko La Jornada egunkarian plazaratu du... [+]
NASAko zientzialari ohi James Hansen oso kritiko agertu da Parisen egin zen COP21 bilerako akordioarekin. The Guardian kazetari adierazi dionez, karbono dioxido isuriak murrizteko lorturiko hitzarmena “iruzurra” izan da, “konpromiso hutsalak” besterik... [+]
Avaaz elkarteak COP21 klimaren goi-bileran parte hartzen ari diren zazpi “presio-taldetako” kideen argazkiak zabaldu ditu asteon Parisen, klima aldaketaren aurkako akordio eraginkorra oztopatzearren egiten duten lana salatzeko asmoz. Zazpi pertsona horien dosier bana... [+]
Mundu guzia Frantziari eta Parisko hiriari begira dago azken denbora hauetan. Bazterrak harriturik utzi ditu azaroaren 13 gauan gertatu zen sarraskiak. Adin gordineko hainbeste gizon ala emazte gazte hilik edo larriki zauriturik izan zen. Erokeria beroaren ondorio gordina han... [+]
Parisen Danoneren egoitza nagusian ekintza egin dute Via Campesinako kideek. Multinazional frantziarra mundu osoan nekazaritza industrialaren bidez "nekazariak hiltzen" ari dela salatu dute. Lerro gorria marraztu diote atean bertan.
Milioika lagun ari dira mundu osoan mobilizatzen, baita Euskal Herrian ere, lurraren berotzeak sorturiko klima aldaketak mehatxaturik dagoen gure planetaren defentsan. Askoz garbiagoak eta jasangarriagoak diren energia berriztagarrien aurrean, erregai fosilak sustatzen... [+]