“2006ko 600 eurotik 2016ko 1.200 eurora pasatu ziren erresidentzietako emakumeak”
Onintza Iruretak astearte arratsaldean eskaini zuen "Berdea da more berria" liburua Iruñeko Katakrak liburudendan 16 pertsonaren aurrean. Bizkaiko erresidentzietan emakumeek egindako borroka gogorraren testigantza biltzen du liburuak.
Bizkaiko zaharren erresidentzietako sektorean 2.000 bat langile dira eta horietatik %95 emakumezkoak. 2016-2020ko lan hitzarmena lortzeko emakume hauek 378 greba egun egin zituzten. Iruretak azaldu zuen guztiz sektore prekarizatua dela, baina borrokaren ondorioz hobekuntza oso agerikoak lortzen ari direla. Esate batera, 2006an 600 euro kobratzen zuen zeregin horretan ari zen langileak –ARGIAko kazetariak azaldu zuenez "sektoreko patronalak soldata osagarritzat hartzen zuen"– eta 2016an 1.200 euro.
Liburua bi zatitan banatua dago, batean 2003tik eta gaurdainio sektoreko lan hitzarmenean ematen diren borroka eta hobekuntzez dihardu. Borroka hau ELA sindikatuak bideratutakoa da. Zati hau klabea da ikusteko borrokaren ondorioz lortutako hobekuntzak. Bigarren zatian, zortzi emakumeren testigantzak jasotzen dira; klabea da ulertzeko urtebeteko greba honetan emakumezkoek nola borrokatzen duten, nola sufritzen duten, eta nola ahalmentzen diren, ez bakarrik beren lan esparruan baizik beren bizitza osoan ere bai. Liburuaren edukiari hobeto eta sakonago heltzeko, hemen otsailaren 20an Bilbon egindako aurkezpenaz Estitxu Eizagirrek egindako kronika .
Grebaren aurkari klasiko eta modernoez
Amaieran, Ikusleen artean zen Mitxel Lakuntza ELAko Nafarroako koordinatzaileak eskerrak eman zizkion Iruretari borroka hau kontatzeagatik. "Grebetan beti kontatzen da –zehaztu zuen Lakuntzak– irabazi ala galdu egin den, eta liburu honetan kontatzen da nola egin den bide hori. Sindikatuan bagenuen gabezia hori, borroka horietan diren sentimenduez ere hitz egitea, hemen egiten da hori".
Grebaren aurkariei buruzko hausnarketa txiki bat ere egin zuen Lakuntzak: "Grebak badu etsai klasiko bat, patronala, eskuina eta gisakoak, baina azken boladan ezkerretik ere kolokan jartzen da tresna hau, esanez grebak ez duela balio gizartea aldatzeko, iraultza etxeko besaulkietatik Twitterrez egingo balitz bezala. Gure ustez ez dago greba baino osagai eraldatzaileagorik". Apirileko ezohiko kongresuan ELAko idazkari nagusi izendatuko dute Lakuntza.
Liburua ARGIAk eta Manu Robles Arangiz Institutuak sortu dute elkarlanean eta, besteak beste, Azokan eros daiteke.
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.