Onintza Enbeita: “Erasotzailea inpunitate osoz mugitzen den bitartean, biktima beldur da kalera bakarrik ateratzeko”
Mario Lopezek lau herritarri jarritako salaketa artxibatu egin du epaileak. Sare sozialak eta kaleak protestaz bete ziren, saskibaloi jokalari batek salatu zuenean Lointek Gernikako kirol entrenatzaile Mario Lopezek sexu gehiegikeriak egin zizkiola. Bueltan, Lopezek lau herritarren kontrako salaketa jarri du, tartean Onintza Enbeitaren kontra, sare sozialetan jazarri zutela argudiatuta. Enbeita elkarrizketatu du ARGIAk: "Jomuga da biktima eta jomuga gara biktima zalantzan jarri ez dugun jendea".
Onintza Enbeita bertsolaria, Asier Musatadi musikaria eta izenik eman nahi ez duten Busturialdeko beste bi herritar hartu dituzte jomugan Mario Lopezek eta saskibaloi taldeko zuzendaritzako kide ohi batek: kasua argitara atera zenean Lopez eta zuzendaritzako kidea sare sozialetan seinalatu eta jazarri izana egotzi diete. Astearte honetan joan dira deklaratzera lau herritarrak eta egun bat geroago kasua artxibatu dela jakinarazi dio Enbeitak ARGIAri.
Sare sozialetako komentarioengatik salatu zaituztete. Txio asko idatzi ziren, bai Mario Lopezen aurka, bai klubak harekin harremana mantentzen zuela salatzeko. Baina soilik zuek lauak salatu zaituztete. Zergatik zuek?
Biktima gure lagun mina da eta salaketa hau bada bere ingurua estutzeko nahi bat; “zu ausartu zinen gu salatzera, ez dugu hain erraz amore emango” esateko modu bat. Batetik, ahalegin bat dago erasotzailea biktima bihurtzeko (“begira ze gaiztoak diren, ez dute errugabetasun printzipioa errespetatu”), eta bestetik, biktima berbiktimizatzeko nahia dago, bere inguru hurbilera jotzeko nahia. Bestela ez da ulertzen zergatik gu lauak, jakinda gainera justu gure txioetan ez dela izen-abizenik aipatzen.
"Biktimak dio 13 urterekin bortxatu zuela Mario Lopezek lehen aldiz. Ezin duzu horrelako zerbaitetan beste alde batera begiratu; ez ziren hasieratik biktimaren alde lerratu, nola ez jarri zalantzan klubaren jarrera? Nik eta Gernika erdiak!"
Salaketaren jomuga orduan ez zarete zuek izan, biktima baizik?
Jomuga da biktima eta jomuga gara biktima zalantzan jarri ez dugun jendea. “Ez bazaudete isilik, zuen aurka joango gara” mezua ere baduelako atzean salaketak. Guk hasieratik sinetsi diogu eta hasiera haietan, klubaren eta Mario Lopezen inguruaren aldetik bazegoen halako kutsu bat, biktima zalantzan jartzekoa (“urte asko pasa dira, errugabetasun printzipioa errespetatu behar da…”).
Hain zuzen, klubaren jarrerak eta klubak Mario Lopezekin harremana mantendu izanak ere soka ekarri du.
Lauon kasuan, txioak erabat dira klubaren jarrera salatzen, izen-abizenik gabe, eta orduan esandakoa pentsatzen jarraitzen dut. Klubak bere burua gezurretan harrapatu zuen [adierazi zuen ez zuela sexu gehiegikerien berri eta sare feministak gero argitu zuen kluba jakinaren gainean jarria zuela], eta hori da publikoki dakiguna. Gurasoekin, klubeko kideekin… hitz eginez gero, konturatzen zara gehiagotan begiratu zuela beste aldera, eta hori sutsuki salatuko dut: biktimak dio 13 urterekin bortxatu zuela Mario Lopezek lehen aldiz eta hiru urtez jarraitu zuela. Bada, ezin duzu horrelako zerbaitetan beste alde batera begiratu; ez ziren hasieratik biktimaren alde lerratu, Lopezekin harremana mantendu zuten, nola ez jarri zalantzan klubaren jarrera? Nik eta Gernika erdiak!
Jokaldia ez al zaio kontra etorriko Mario Lopezi? Salaketa honek ez al du aurkakotasun handiagoa sorraraziko herrian?
Lau salatuok argi genuen (nahiz eta bik anonimatua mantendu nahi duten) apirilean jaso genuen salaketa hau publikoki esan behar zela, jendeak jakin dezan hemen biktima bat dagoela herrian bakarrik paseatzera ateratzeko beldurrez bizi dena eta erasotzaile bat herrian inpunitate osoz mugitzen dena, poteoan eta beste, bizitza normala egiten, baita gure aurkako salaketak jartzen ere. Gutxienez auzi honek aukera eman digu gaia berriro ere kalera ateratzeko, jendeak ez dezan ahaztu.
Nola dago biktima?
Esan dudan moduan, erasotzailea inpunitate osoz mugitzen den bitartean, biktima beldur da kalera bakarrik ateratzeko. Aspaldi egin zuen salaketa eta asko luzatzen ari da afera, epaiketa lehenbailehen egin dadila, kapitulu hau itxi eta aurrera segitzeko bidea aurkitu dezan.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Biktimak 13 urte zituenean, 1998 eta 2001 artean, Lointek kirol taldeko Mario Lopez entrenatzaile ohiaren parteko sexu abusuak jasan zituen. Emakumeak duela urtebete salatu zuen, eta epaiketa 2025eko urtarrilaren 14tik 16ra egingo da, Bizkaiko Auzitegian. Mugimendu... [+]