Ongietorriak deslegitimatu ditu Jaurlaritzak Udaberri bizikidetza planean
Maiatzean aurkeztu zuten zirriborroari hainbat puntu gehitu dizkiote, eta ongietorriak “de facto indarkeriaren kultura politikoaren gorespena” direla adierazi dute. ETAren biolentzia erabili eta justifikatu dutenei “gogoeta kritikoa” eskatu diete.
Eusko Jaurlaritzaren Gobernu Kontseiluak asteartean onartu du Udaberri 2021-2024 bizikidetzaren, giza eskubideen eta aniztasunaren plana. Maiatzean aurkeztu zuten lehen zirriborroa, eta EAEko alderdi politikoekin –VOXekin izan ezik–, biktimen elkarteekin eta beste erakunde batzuekin “kontraste prozesua” egin ondoren, behin betiko testua aurkeztu dute aste honetan.
Egindako aldaketen artean, “oraindik gure inguruan sortzen diren indarkeria, intolerantzia eta sektarismo adierazpenak” deslegitimatzea dago. Terrorismoaren eta indarkeriaren biktimei zor zaien errespetuaren eta aitorpenaren aurka egiten diren hainbat ekintzaren inguruan jardun dute adierazpenean, eta horien artean aipamen berezia egin diete ongietorriei.
Beatriz Artolazabal Berdintasun, Justizia eta Gizarte Politiketako sailburuak azaldu duenez, ekitaldi horiek “gizatasunetik harago, jendearen eta familiaren goxotasuna adierazteko diren arren, de facto indarkeriaren kultura politikoaren gorespen sinbolikoa eta biktimen bidegabekeria eta berbiktimizazioa dira”. Modu horretan, ETAren biolentzia erabili edo justifikatu dutenei “gogoeta kritikoa” egiteko eskatu diete, arlo politiko eta sozialean “indarkeriaren kultura” alde batera uzteko.
Beste hainbaten artean, biolentzia horren erakusletzat aipatu dituzte kaleko pintadak, mehatxuak, indarkeria fisikoak eta hitzezkoak zein Ertzaintzari egindako erasoak. Indarkeria armatuaren garaian hautsitako bizikidetzara bueltatzeko, “aniztasuna zaindu eta bultzatzea” planteatu dute testuan, eta sektore guztien eskubideak benetan babesten direla bermatzeko —"batez ere biktimenak eta sektore ahulenak” — ekintza horiei muga jarri behar zaiela zehaztu dute.
Terrorismoaren legea
Bizikidetza planaren helburu gehigarrietan, Jaurlaritzak aurreratutako hainbat xederi buruz mintzo dira. Terrorismoaren Biktimen Euskal Legea aldatzeko eztabaida plazaratu dute, baita ETAren biktimen lekukotzak jaso, txostenetan bildu, horren inguruko hezkuntza programak antolatu eta elkarteei laguntzak bideratzeko planak egitea ere. Bestalde, Poliziaren indarkeria jasan duten biztanleei aitorpena emateaz dihardute, eta Euskadiko Memoria Historiko eta Demokratikoaren Legea onartzeko lehen pausoak egin nahi dituztela bildu dute.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.