Ongi Etorri Errefuxiatuak (OEE) plataformaren taldea sortu gura dute Leioan; aurkezpena asteazkenean, hilaren 30ean, izango da, Leioako Sakoneta kiroldegiaren erabilera anitzeko aretoan, 19:00etan.
Aurkezpenaren sarrera gisa, berbaldi-eztabaida antolatu dute: "Europa eta pertsona errefuxiatuak. Gure gizarteak ez du amore ematen". Luisa Menéndez Aguirre, OEE plataformaren aktibista eta Andoni Louzao militante ekologista eta OEE plataformaren kidea izango dira ekitaldiko hizlariak.
OEE taldeko kideek adierazi dutenez, "aberastasunaren eta baliabide naturalen jabetze okerraren, ezberdintasun ekonomiko eta generoaren, goseteen eta gerrateen ondorio da errefuxiatuen eta euren herrietatik desplazaturiko migratzaileen krisi humanitarioa".
"Europak ere du ardura horretan, baina bere erantzuna harresiak, hesiak, atxiloketak, kanporatzeak, CIESak, bazterketak eta xenofobia dira. Turkia, Libia eta giza-eskubideak etengabe urratzen dituzten beste herrialdeakaz egindako akordio lotsagarriak eta indarrez Europarantz desplazaturiko pertsonen mugimendua galaraztea da ere Europaren erantzuna", OEE osatzen dutenen ustez. Horrexegatik eskatzen dute eguneroko gertaera horien aurrean "erreakzionatzea eta gure elkartasunagaz erantzutea, eta giza-eskubideen errespetua exijitzea gure inguruan, gure herrialdean eta gure hirietan".
Plataformako kideek esan dutenez, "OEE-Bizkaia kontzientziatu eta sentsibilizatzeko jaio da", eta "migranteak eskubideak dituzten pertsonak direla" defendatzeko.
Beharrezkotzat jotzen dute errefuxiatuak kokatzea eta giza-eskubideen inguruko itun eta Europako araudiak bete daitezen exijitzea. Gainera, salatu dute Estatu espainiarrak 18.000 pertsona jasotzeko zeukan konpromisoa ez duela bete eta errefuxiatu eta migranteen babeserako politika oso murriztailea dela ere.
OEE plataformako kideek adierazi dutenez, "emakumeek eta umeek jasaten duten berezko bortizkeria ikustaraztea eta ibilbide ziurra bermatuko dizkieten neurriak hartzea exijitu gura dugu, eta instituzio denei urratsak eman eta ekimenak abiarazi ditzaten eskatzen dizkiegu".
Plataformak mundu mailako tragedia horren aurka borrokatzeko prest dagoen pertsona edo talde orori zabalik dagoela esan du eta leioaztarrei gonbidapena egin die eguaztenean izango den aurkezpenera hurbildu daitezen.
Ekitaldiaren kartela
Albiste hau Hirukak argitaratu du eta CC-by-sa lizentziari esker ekarri dugu ARGIAra.
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.
2005. urtean 6,5 milioi euroko aurrekontua zuen Mugen eta Kosten Europako agentziak. 2022. urtean, berriz, 750 milioi eurotik gora jaso zituen erakunde publikoetatik. Migratzaileen kanporaketak gauzatzera bideratutako diru-partidak %480 handitu dira azken bi urteetan.