“Hizkuntza da biderik onena hemen integratzeko”

  • 'Hondar Ahoak' teleisailean agertzen da astero Omar Diop 24 urteko gazte berriatuarra. Senegaletik heldu, eta Ondarroako Zubi Zahar Herri Ikastolan hasi zen euskara ikasten. AEKn ere aritu zen.


2020ko azaroaren 20an - 14:52
Zelan sortu zitzaizun Hondar Ahoak telesailean aritzeko aukera? Euskaraz dakiten 20 urtetik gorako senegaldarrak behar zituzten, eta Txintxua Films ekoiztetxekoek Ondarroako udaletxean galdetu zuten. AEK-ko nire irakaslea izandako Txominek eman zien nire telefono zenbakia. Noiz grabatu zenuten? Abuztuan aritu ginen grabaketak egiten. Beste aktoreek esan zidaten oso ondo egiten nuela, eta aktore lanean segitzera animatu ninduten, eta pentsatu nuen beharbada aukera ona dela honegaz lotutako for

Zelan sortu zitzaizun Hondar Ahoak telesailean aritzeko aukera?

Euskaraz dakiten 20 urtetik gorako senegaldarrak behar zituzten, eta Txintxua Films ekoiztetxekoek Ondarroako udaletxean galdetu zuten. AEK-ko nire irakaslea izandako Txominek eman zien nire telefono zenbakia.

Noiz grabatu zenuten?

Abuztuan aritu ginen grabaketak egiten. Beste aktoreek esan zidaten oso ondo egiten nuela, eta aktore lanean segitzera animatu ninduten, eta pentsatu nuen beharbada aukera ona dela honegaz lotutako formakuntza jasotzea edota agentzia batean izena ematea, halako aukera gehiago sortzeko.

Aktore moduan lan egin duzun lehen aldia izan al da?

Bai, eta esperientzia oso polita izan da. Oso gustura ibili naiz. Beste mundu bat ezagutu dut. Uste dut bizitzan hori dela balio duena; ahal dugun esperientzia gehien lortzea, gauzak jakiteko. Bizitza batzuetan halakoxea da, espero ez dituzun gauzak pasatzen dira. Asko gustatu zait aktore mundua, ikusi dudana, behintzat. Eta jarraitzea gustatuko litzaidake. Halako aukera gehiago irteten badira, ez dut pentsatuko bi bider. Orain lanik barik nago, eta, beraz, edozein lan egiteko prest nago.

14 urtegaz etorri zinen Senegaletik Berriatura. Noiz eta non ikasi duzu euskara?

Euskara Zubi Zahar herri ikastolan ikasi nuen, Ondarroan. 14 urtegaz hasi nintzen. Bertan lau urtez ikasi eta eskola graduatua atera nuen. Ondoren, makinetako mantenimenduko erdi mailako eta goi mailako zikloak egin nituen. AEKn lau urtez aritu nintzen. Astean bitan joaten nintzen euskara hobetzera, eta B2 titulua atera nuen. Berriatuan bizi izan naiz beti, baina ikasten Ondarroan ibili naiz.

Ikastetxean eta euskaltegian euskara batua ikasten bada ere, kalean bertoko euskalkia erabiltzen da. Hasieran ohitzea kostatu al zitzaizun?

Ez nuen ulertzen. Eskolan euskara batuaz berbetan, idazten eta irakurtzen genuen. Belarria jarri eta lagunen artean entzuten nuena ez zen ikasten nuena. Lehenen euskara batua irakatsi zidaten, eta gero lagunekin ikasi nuen ondarrutarrez. Ondarroako, Berriatuko eta Mutrikuko futbol taldeetan ibili naiz, eta horietan ere lagunekin egunero euskaraz egiteak asko lagundu dit.

Gainera, Ondarroan Berbalagunen ere parte hartu izan duzu. Horrek ere lagundu dizu?

Bai. Txominegaz batzen ginen AEK-ko ikasle batzuk. Egun batzuetan Berriatuan batzen ginen. Bi urtez ibili nintzen euskaltegian ikasten eta Berbalagunen parte hartzen, 2016tik 2018ra. Berbalagunek belarria egiten laguntzen du, eta ez dakizkizun berbak galdetzeko aukera eskaintzen du. Hizkuntzak ikasteko hori da garrantzitsuena, ulertzea, gero zuk erabiltzeko. Zergatik den eta zertarako den ulertzea.

Euskara barneratzea erraza izan al zen?

Etorri nintzenean frantsesa bakarrik nekien, eta hemen ez dute frantsesez berba egiten. Hemen bizitzeko eta lagunak egiteko bai edo bai euskara ikasi behar nuela pentsatu, eta gogoa ipini nuen, hemen jende guztiak euskaraz berba egiten du eta. Beti esaten dut ahalegin pixka bategaz eta gogoagaz bizitzan dena atera ahal dela aurrera. Hori beti eduki dut buruan, eta horrek asko lagundu dit. Hemen bizitzeko eta integratzeko euskaraz aritzeak asko laguntzen du. Euskara oso hizkuntza polita da. Senegaletik etortzen direnei beti gauza bera esaten diet: hona etortzean lehen egin behar dena hizkuntza ikastea dela. 20 urtetik gorakoak beharraren bila etortzen dira, eta erdara ikasi gura izaten dute. Baina hemen euren burua defenditzeko eta integratzeko hemengo hizkuntza ikasteko esaten diet. Ez da erraza Senegaletik etortzea. Han eta hemen oso bizimodu desberdinak daude, errealitate, kultura.. desberdinak dira. Dena da desberdina, eta hizkuntza da biderik onena hemen integratzeko.


Kanal honetatik interesatuko zaizu: Euskara
Lokizaldeako Euskararen Eguna
“Euskara gero eta gehiago entzuten da eskualdean, bereziki gazteen artean”

Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.


2025-04-04 | ARGIA
Euskaraldia Hika-rako 83 herrik eman dute izena

Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]


2025-04-04 | Sustatu
Kneecap filma, orain euskarazko azpitituluekin

Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]


2025-04-03 | ARGIA
Behatokiak hizkuntza eskubideen urraketak betikotzeko arriskuaz ohartarazi du 2024ko txostenean

Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]


Kutxa Banku Fundazioa ez da ados agertu Arriolaren adierazpenekin: “Euskara ez da oztopo”

Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.


“Neutrotzat aurkezten dena, egiaz, ideologia nagusiaren konplizea da”

Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]


Nafarroako biztanle gehienak, %63, euskara sustatzearen aldekoak edo oso aldekoak direla ondorioztatu du ikerketa lan batek

Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]


Euskara: makila guztien zahagia

Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]


2025-04-02 | Hala Bedi
Haizea eta Mikelsa (Euskal Udalekuak):
“Adin baten ematen du gauza guaiak ezin direla euskaraz egin”

Hemen da "uda bete abentura bizitzeko aukera." Zabalik dago aurtengo Euskal Udalekuetan izena emateko epea. 6 urtetatik 17 urtera arteko haur eta gazteentzako hamaika txanda antolatu dituzte Bernedo, Abaigar eta Goñi herrietan.


Apirilak 6, justizia euskararentzat

Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]


2025-04-01 | Euskal Irratiak
Arrate Isasi: “Iparraldeko haur elebidunek euskara nola ikasten duten ikertu nahi dugu”

Euskal hizkuntzalaritza esperimentaleko katedra berria estreinatu dute Baionako fakultatean.


Abenduaren 27an Bilbao Arenan milaka euskaltzale batzeko dei egin du Kontseiluak

Bilbon eginiko aurkezpenean iragarri dute ekitaldia, euskarari "arnas berri bat emateko eta behar duen indarraldia gorpuzten hasteko" lehen urratsa izango dela nabarmenduta. Euskaltzale guztiei, baina, oro har, "justizia sozialean eta gizarte kohesioan aurre... [+]


Intza Gurrutxaga Loidi, EHE-ko kidea
“Oldarraldiaren aurrean, hainbat administraziotatik, adibidez, koldarraldia dator”

Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]


Zertaz ari garen ezer gertatzen ez denean, edo hiru idazle errealista

Anton Txekhov, Raymond Carver eta Alice Munroren ipuingintzari buruzko mahai-ingurua egin dute Iker Sancho, Harkaitz Cano eta Isabel Etxeberria idazle eta itzultzaileek, Ignacio Aldecoa zenaren ipuin literarioaren jaialdian, Gasteizen. Beñat Sarasolak gidatuta, autore... [+]


Nafarroako Euskaraldiaren hamaikakoa, prest

Euskaraldiaren hamaikakoa aurkeztu dute Nafarroan: Julio Soto bertsolaria, Edurne Pena aktorea, Julen Goldarazena musikaria (Flakofonki), Claudia Rodriguez  Goxuan Saltsan taldeko abeslaria, Eneko Garcia (Albina Stardust), Yasmine Khris Maansri itzultzaile eta kazetaria,... [+]


Eguneraketa berriak daude