Olatz Lasagabaster eta Patxi Uranga Aranjuezko espetxetik Martutenekora lekuz aldatuko dituzte
Espainiako Espetxe Erakundeetako idazkaritza orokorrak Aranjuezko kartzelan diren Olatz Lasagabaster eta Patxi Urangari 3. gradua ezarri eta Madrilgo kartzela hartatik Martutenekora ekarriko dituztela jakinarazi du asteazkenean. Gogoan izan, espetxealdiaren hiru laurdenak beteak dituzte 2018az geroztik Olatzek eta Patxik, eta egungo legedia eskutan, duela bi urtetik baldintzapean aske behar zuten.
Asteazken bazkalostean eman da ezagutzera albistea; Aranjuezeko espetxean diren Olatz Lasagabaster eta Patxi Urangari 3. gradua ezarri diete eta handik Martuteneko espetxera lekuz aldatuko dituztela jakinarazi du Espainiako Espetxe Erakundeetako Idazkaritza Orokorrak. Egun, 2021eko ekainerako zuten ezarria irteera data. Duela bi urtetik, 2018tik espetxealdiaren hiru laurdenak beteta. Egun indarrean den araudia eskutan, baldintzapean aske behar zuten biek.
Aipatu moduan ordea, asteazken honetan ezagutzera emandako albisteak goitik behera alda dezake bi herrikideon egoera; 3. gradua ezarri eta Aranjuezeko espetxetik Martutenekora ekarriko dituztela jakinarazi du Espetxe Erakundeetako Idazkaritza Orokorrak.
Lekuz aldatzeko erabakia hala dela baieztatu diote Usurbilen Nahi Ditugu bilgunetik NOAUA!ri. Presoen eta haien senideen eskubideen alde herrian urteak lanean daramatzan bilgunetik gaineratu dutenez, "beste kontu bat da "noiz eta nola gauzatuko den". Baita "ze baldintzetan ere, berez Martutenen ez dago amen modulorik", ohartarazi du Usurbilen Nahi Ditugu bilguneak.
Gogoan izan amen moduluan egon zen Olatz Lasagabaster Valentziako Piccasenteko espetxean, Xua jaio zenetik. Egun, udan jaio zen Maddi txikiarekin ere hala zegoen Aranjuezko espetxean.
Bideodeiak egiteko eskaerari ere uko
Olatz eta Patxi Aranjuezko espetxean erabat isolatuak zirela heldu da albiste hau. Gogoan izan; iraila amaieran, Usurbilen Nahi Ditugu bilguneak deituta, frontoian egin zen elkarretaratzean salatu zutenez, ia 8 hilabete zeramatzaten orduan, Olatzek eta Patxik urte hasieran haiengandik bereizi zuten Xua ikusi eta besarkatu gabe. Eta ez nahi izan ez dutelako, ezta eskatzen ahalegindu ez direlako. Covid19-ak aurrez aurreko bisitak egitea eragotzi arren, telematikoki ere ukatu egin zieten bideodeien bidez, Olatz eta Patxiri alaba Xuarekin hartuemanetan jartzea. "Ez da egokia. Momentuz ez behar beste justifikatua". Horixe Patxi Urangak alabarekin komunikatu ahal izateko duela hilabeteko eskaerari espetxeko zuzendariak emandako erantzuna.
Isolatuak
Alabarekin komunikatzeko bide bakarra eten zieten espetxe barruan egoera gogorra bizi duten Olatzi eta Patxiri. Hala zioten iraila amaierako elkarretaratzean. "Olatz dagoen moduluan Covid19ko kasu bat eman zela-eta, isolatua eta inolako bisitarik gabe egon da oraintxe arte. Euskal preso politikoak dauden Espainiako 44 espetxeetatik 30etan aurrez aurreko bisitak etenda daude. Lokutoriokoak ere gero eta zailtasun handiagoekin egiten dira. Xua lokutorio bateko bisitara, hau da, kristala tartean duen kabinetan egiten diren bisitetara eramatea, pentsaezina da. Hiru urtera arte, egunero, amarekin bizi izan den haur batentzat, ez bere ama eta ezta aita ere besarkatu ezinak sekulako frustrazioa eragingo lioke. Hala eta guzti ere, bideodeiak egiteko baimena: ez da egokia. Ez dago aski justifikatua".
Ulertezintzat jo zuten familia honek bizi duen egoera "konponbidea dagoenean". Bi neurri sorta hartuta; urrunketa desaktibatu eta presoak Euskal Herriko espetxeetara ekarrita batetik, eta "nazioarteko erakundeek pandemiaren hasieran gomendatu zituzten neurriak aktibatuz; askatasuna hirugarren graduak eskura ditzaketen pertsonentzat, gaixorik dauden presoentzat eta arrisku-taldeak izateagatik 65 urtetik gorakoentzat".
Espetxe Erakundeek gaur hartutako erabakia gauzatzen denean, isolamendu hau hautsi eta etxera gerturatuko dituzte Olatz, Patxi eta Maddi txikia.
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.