Ez da ezaguna oraindik zenbat arma bidali dituzten Mendebaldeko estatuek Ukrainara, baina ezaguna da horiekin eusten diola Ukrainako armadak Errusiaren erasoari eta bestela egoera askoz larriagoan legokeela.
Ukrainara armak bidaltzea ez da orain arte zalantzan jarri izan Mendebaldeko herrialdeetan, baina osotasunean arrakala batzuk agertzen ari dira apurka. Gaitza da jakitea gerrari buruzko analisietan zer den egi eta zer propaganda, baina badirudi nahiko zabaldua dagoela Errusiak bere inbasio taktika aldatu duela, eta orain Ukrainaren ekialdea eta hegoaldea hartzean jarriko duela bere indarra.
Errusiako armadak indar gehiegi xahutu omen ditu Kiev hartzeko saiakeran, eta baja asko izan ditu, besteak beste inbasioaren hasiera ohiko errepide nagusietatik bideratu zuelako, Ukrainako armadari tankeen aurkako Mendebaldeko armak arrakastaz erabiltzeko aukera emanez.
Hainbat analistak dio orain, Errusiak geldoago baina seguruago egingo duela aurrera ekialdeko erasoetan. Horregatik, esaten da orain artilleria gerra egiten ari direla, alde bakoitzeko lehen lerroak gogor kolpatuz. Gerretan oso ohikoa da hori, baina orain egiten ari den arma astunen erabilera horrek Lehenengo Mundu Gerrako gerra moldea aipatzea ekarri du.
Edozein kasutan, Ukrainarentzat ezinbestekoak diren armak bidaltzen jarraitzen du Mendebaldeak. Ostegun honetan bertan, Joe Biden AEBetako lehendakariak iragarri du 800 milioi dolar gehiago bidaliko dituela armetan, gehiena artilleria: 155 milimetroko 72 kanoi Howitzer eta 144.000 artilleria pieza, Kanoi horiek eramateko 72 ibilgailu, 121 dron Phoenix eta gerrarako bestelako ekipamendua, Pentagonoaren esanetan.
Espainiako Gobernuko lehendakari Pedro Sánchez ere aste honetan bertan izan da bisitan Ukrainan eta bertatik iragarri zuen 200 tona bidaliko zituela aurki arma eta muniziotan, eta 30 kamioi eta 10 ibilgailu arin.
Baina testuinguru horretan, bada arreta bestelako esparru garrantzitsuetan jartzen ari den mandataririk Europan. Alemaniak, adibidez, defentsarako armak bidaltzen dizkio nagusiki Ukrainari, baina ez erasorako arma astunak, besteak beste Olaf Scholz kantzillerrak Der Spiegel egunkarian azaldu duenez, horrek gerra atomikorako arriskua handitzen duelako eta aukera hori bai ala bai saihestu behar delako. Horretarako, halaber, bere ustez giltzarri da NATO ez sartzea gerran.
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]
Europar Batasunaren txandakako presidentetza beretu eta astebeteren buruan Viktor Orban hungariar lehen ministroak egin duen ezusteko blitz-ak azalpen serioa eskatzen du. Gaiaren neurrikoa.
Bakearen goi bilera deiturikoan, Suitzako Bürgenstock hirian, Ukrainako presidente Volodimir Zelenskik hitzordua baliatu du presio diplomatikoa egiteko Errusiari eta fokua, atzera ere, Israel-Palestinatik Europako ekialdera eramateko.
EBko atzerri- eta segurtasun-politika arloko ordezkari Josep Borrellen hitzak azken asteotako eskalatzea elikatzera datoz. Azkenaldian Mendebaldeko hainbat agintarik egin dituzte adierazpenak zentzu berean. Errusiak iragan astean ohartarazi zuen Ukrainari beren armamentua... [+]
Urrats berri horren berri eman du Errusiako Defentsa ministerioak maiatzaren 21ean, zehaztuz "Mendebaldeko arduradun batzuen mehatxuei" bideraturiko erantzuna dela. Oraingoz, arma nuklear taktikoak ez dira inoiz erabiliak izan, hain zuzen, suntsiketa gaitasun... [+]
Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.
Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.
Ukrainako gerra hasi zenetik bi urte betetzear direnean, Errusiaren kontrako hamahirugarren zigor-sorta adostu du Europar Batasunak. Orain arteko zabalenetakoa da, eta aurrenekoz barne hartzen ditu Txinako enpresak ere.
Bi urte bete dira Errusiako armadak Ukrainan inbasioa hasi zuela. Egun hori baino lehenago, 2014ko estatu kolpean eta ondoren hasitako gerra zibilean 3.500 zibil inguruk bizitza galdu zuten; horiei gehitu behar zaizkie Nazio Batuen Erakundeak (NBE) azken bi urteotan zenbatu... [+]