Okupazioaren kontrako kanpainak %30eko etekinak eman dizkie segurtasun enpresei
Securitas, Prosegur eta ADTk gorakada handia izan dute bezeroen poltsan. Abuztuarekin batera, Espainiako Estatuko hedabide handietan ugaritu egin dira etxe okupazioen inguruko albisteak, eta segurtasun enpresa horiek mugimendua “intoxikatzeko” kanpaina abiatu dutela salatu dute eragileek.
“Lapurren nola okupazio baten aurkako alarma ekipoa daukagu”, dio Securitas Direct enpresako iragarkiak irratian. Esaldi horrek bete-betean borobiltzen du okupazio mugimenduen inguruan azkenaldian hainbat hedabide handitan zabaltzen ari diren mezua.
La Marea hedabidean Dani Dominguez kazetariak azaldu duenez, abuztuaren 10etik 17ko astean Antena 3 espainiar telebista katean egunero eman zen albisteren bat okupazioaren “arazoaren” inguruan. Beste hedabide batzuetan, “desokupazio” enpresetan aritzen diren morroiei egiten dizkiete elkarrizketak, eta “benetako infernua” bizitzen ari diren etxejabeen testigantzak emanten dira.
Ez da aurten lehen aldia gertatzen dena, baina oporretako sasoi honetan inoiz baino gehiago hedatu da okupazio mugimenduaren aurkako intoxikazioa hedabideetan; CEP Espainiako Poliziaren Konfederazioak “antiokupazioaren lege” bat ere eskatu du jadanik.
Atzean sakoneko arrazoiak daude, etxebizitzaren krisitik hasi eta badatorkigun krisi ekonomiko latzeraino: “Alarma sozial hori ‘ke-gortina’ bat da Gaiaren funtsaz ez hitz egiteko –azaldu du Alejandra Jacinto abokatuak El Salton–; izan ere, okupazioak, azkenean, herrialde honetan dagoen etxebizitzarako sarbiderik eza islatzen du. Bermatuta balego, ez litzateke beharrezkoa izango higiezinak okupatzea etxebizitzarako eskubidea autokudeatzeko".
Baina momentuko diru gosea ere bada. Segurtasun enpresa handiek euren bezero kartera izugarri handitzen ikusi dute azken asteotan; esaterako, ADTk %30 bezero gehiago lortu du kanpaina honekin Expansion-en arabera, eta Securitas, Prosegur eta antzeko enpresek ere irabazi handiak lortu dituzte: “Sentsazioek etekinak sortzen dituzte. Beldurrak baldin badira, are gehiago”, laburbildu du Oscar García ekonomistak bere Twitter kontuan.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Ofizialki 9.000 etxe daude alokairuan, eta 300 jabe handirenak dira horietatik 3.000. Etxebizitzen parke osoaren %3,2 da hori.
Bruselan legez kanpokoa da etxebizitza hutsak izatea, eta hainbat komunek (Belgikako hiriburua banatzeko barruti modukoak) lege-tresna bat jarri dute martxan etxebizitzen kontrola hartu eta merkatura ateratzeko, arrazoizko prezioetan.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Groseko hainbat maizterrek, Saretxe etxebizitza sindikatuarekin elkarlanean, Azora putre funtsaren gehiegikeriak salatu dituzte. Bizilagunek elkarrekin egin nahi diote aurre jabetza duen enpresari, eta manifestaziora deitu dute, hilaren 25erako.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Donostiako auzokide horiek Saretxe Groseko Etxebizitza sindikatuarekin batera ari dira lanean, Azora enpresak Inmobiliaria Vascongadaren jabetzak erosi zituenetik pairatu dituzten arazoei konponbidea bilatzeko. "Klausula ilegalak" dira kexa nagusienetariko bat, eta... [+]
Alokairuzko etxebizitzaren prezioa %10,3 handitu da azken urtean Euskal Autonomia Erkidegoan, Idealista etxeak egindako azken txostenaren arabera. Hala, metro koadroaren prezioa 14 eurokoa da hilean, batez beste. Hiriburuka aztertuta, Donostiak dauzka preziorik altuenak.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Azora funts putrearen maizterrak diren beste lau familiaren etxegabetzea geldiarazi nahi dute Inquilinos de Azora, Alokairu Benta Berri eta Kaleratzeak Stop eragileek. Horretarako, Donostiako Udalari, Gipuzkoako Foru Ogasunari eta Eusko Jaurlaritzari zenbait eskaera egin... [+]