Oiolako urtegiaren arazoa konpontzeko eskatuko dute Europako Legebiltzarrean
Joan den azaroan Marina Albiol (Izquierda Unida) eta Josu Juaristi (EH Bildu) europarlamentarioen bisita jaso eta gero, Oiolako Urtegiaren Deskonexioaren Aldeko Plataformako zenbait kide Europako Parlamentuan izango dira martxoaren 14 eta 15ean, bertako Eskaera Batzordean Oiolako kutsaduraren arazoaz jarduteko.
Parlamentuko Eskaera Batzordeari ez ezik, Europako Arartekoari, Europako Batzordeko Ingurumen Zuzendaritzari eta Legebiltzarrean ordezkaritza duten Espainiako Estatuko alderdi guztiei agertuko diete Oiolako kutsaduraren arazoa. Horretarako, besteak beste, ARGIAk egindako Uraren arazoa Ezkerraldean, konpondu gabeko arazoa bideoaren ingelesezko bertsioa erabiliko dute.
Plataformako kideekin batera Barakaldoko EH Bilduko eta Irabaziko zinegotziak joango dira. Denek ere Espainiako Estatuko Ekologistak Martxanen ordezkaritza zabal baten barruan egingo dute bidaia; lindanoak kutsatutako hainbat guneren arazoa mahai gainean ipini eta hura konpontzeko zortzi puntuko proposamena egitea dute helburu.
Zehazki, Europako Legebiltzarrak inplikatutako erakunde guztien elkarlana bultza dezan saiatuko dira talde ekologistak. Espainiako Gobernuak, autonomia erkidegoetako gobernuek eta udalek Espainiako Estatuan lindanoz kutsatutako eremu guztiak zerrendatzea eta garbitzea, gune horietatik kontsumorako ura hartzea debekatzea eta lindanoak herritarrengan izan dezakeen eragina neurtzea eskatuko dute, besteak beste. Kutsaduraren erantzuleek dagokien zigorra ordaintzea ere erreklamatuko dute.
“Hau ez da kutsadura arazo isolatua; estatuko erakundeen egiturazko arazoa da, ikertzen ez dutena, eta eurek bakarrik aurre egin ezin izango diotena”, adierazi du plataformako kide Javi Vazquezek. Lindanoa kutsatzaile organiko iraunkorra dela gogorazi dute, sistema immunologikoari eta ugalketari kalte egiten diena.
Ekologistak Martxan taldeko ordezkariak Eusko Legebiltzarreko Ingurumen Batzordean izan dira, EH Bilduen eskariz, Espainiako Estatuan lindanoak eragindako kalteei buruzko txostena aurkezten. Europako Legebiltzarrean egindako azken bisitan talde politiko guztiek arazoari... [+]
Lindanoak Espainiako Estatuan eragindako kutsadurari buruzko txostena argitaratu du Ekologistak Martxanek, Pozoitze iraunkor eta isil baten kronika izenburupean. Taldeko bozeramaile Javier Vázquez Velascok Barakaldon aurkeztu duen txostenean azken mendean fabrikatutako... [+]
Europako Batzordeak finantzaketa lortuko luke Trapagareneko Oiolako urtegiaren arazoa konpontzeko, eskumena daukaten erakundeek behar bezalako proiektua aurkeztuz gero. Hala jakinarazi die Daniel Calleja Batzordeko Ingurumen zuzendariak Oiolako Urtegiaren Deskonexioaren... [+]
Ekozinemaldiak hamargarren edizioa du 2016an. Ekologia sozialari buruzko dokumentalak eta film luze eta laburrak eskaintzen ditu Ekologistak Martxanek antolatutako ekimenak; aurten energi eredua, klima aldaketa eta energi trantsizioa izango ditu ardatz nagusi.
Oiolako Urtegiaren Deskonexioaren Aldeko Plataformako kideek ondo ezagun dute Europako Legebiltzarrera joateko bidea. Orain, berriz, hango diputatu biri egokitu zaie Barakaldora bisita egitea: EH Bilduko Josu Juaristi eta Izquierda Unidako Marina Albiol. Biek ala biek gertutik... [+]
Ingurumen Batzordeak onartutako legez besteko proposamenaren arabera, Eusko Legebiltzarrak zuhurtzia printzipioa aplikatzeko eta Oiolako urtegiko urik erabiltzen ez dela bermatzeko galdatuko dio Barakaldoko Udalari, kontsumorako egokia dela guztiz frogatu bitartean. Txosten... [+]
Oiolako urtegiak lindanoz kutsatuta jarraitzen duela salatu du urtegiaren deskonexioaren aldeko plataformak.
Urriaren 15ean eta 16an izan dira Oiolako Urtegia Deskonektatzearen Aldeko Plataformako kideak Europako Parlamentuan. Parlamentuko Eskaeren Batzordeko idazkari nagusiak adierazi du Barakaldoko udalak bost ingurumen-arau urratzen dituela urtegiaren kudeaketan.
20 pertsona inguru joan dira Bruselara Oiolako urtegiaren egoera aztertu eta neurriak hartu daitezen eskatzera.
Joan den ostegunean Oiolako urtegia Barakaldoko ur-hornikuntzatik deskonektatu zuten. Hori egiten duten bosgarren aldia da, nahiz eta Udalak lindano kutsadura dagoenik ukatu. Alkatetzan dagoen PSEk prentsako iragarki batean argudiatu duenez, “urtegiko ur-maila... [+]
Oiolako Urtegia Deskonektatzearen Aldeko Plataforma EAEko legebiltzarrean izan da asteartean. Plataformako bi kidek parlamentuan hitza hartu eta gainontzekoak elkarretaratzea egin dute kanpoan. Lindano fokua desagertu arte, Barakaldo, Sestao eta Alonsotegiko etxeetara Oiolako... [+]
Oiolako urtegia ur hornikuntza sarera birkonektatu zuteneko urteurrena bete zen asteartean. Sestao eta Barakaldoko milaka bizilagunek lindanoz kutsatutako ura kontsumitzen dute ordutik.
Oiolako Urtegia Deskonektatzeko Plataformak jaso du Europako Batzordeko bizi, ur eta airearen kalitateaz arduratzen den zuzendaritzaren erantzuna: gaia ikertuko dutela adierazi dute.
Bertoko erakunde publikoek jaramonik egiten ez dutela-eta, Bruselaraino joan da asteon Oiolako Urtegia Deskonektatzearen Aldeko Plataforma, bere izenean adierazita dagoen aldarrikapena berretsi eta haren arrazoiak azaltzera. Atzo, martxoak 19, agerraldia egin zuten Europako... [+]