Oilarraren auzia
Udako solasa aldi huntan. Oléroneko ugartean gertatu balentriaren berri izan dukete aldizkari hunen irakurleek. Bigarren egongia ugartean zaukan erretretatu bikote batek auzoko oilarraren kukurukua ez omen zuten gostukoa. Auzitara joan zen afera, eta Maurice-en (oilarra) jabeak behar izan zuen Rochefort-eko tribunalean agertu, denak utzirik.
Abokatek lehia zaukaten jakiteko ea Saint-Pierre d’Oléron herri “errurala” ote zen, edo hiri bat. Lehen kasuan, oilarrak kantatzeko eskubidea ba omen zukeen, bigarrenean ez. Deliberoa buruilean jakinen. Artean Maurice gaizoaren aldeko izenpetze kanpaina haundi batek 138.000 sinaduratik goiti bildu zituen.
Kalapitak bere artikulua ere ukan zuen New YorkTimes-en. Hek ere beren kasetak bete behar. Euskal Herria hortan ere, izan dugu auzoko ardien joareak jasaiten ez zituen bikote baten laidoaren berri. Hots, kanpaña nahi bainan hiriarren abantailekin, bainan kanpaña azeptizatu bat, urrinik eta arrabotsik gabekoa. Jarrera horier ihardokitzeko, frantses deputatu batek nahi omen ditu delako ezkila soinu, abere oihu eta bertze legez gerizatu Frantziaren “ondarea” bezala kontsideratuz. Zertaratuak dauden.
1850 inguruan, Kanbo-Behereko plazan eman zituzten tobera mustrak. Suieta zuten Montevideotik sartu Amerikano bat, Kanboko neska batekin ezkondu zena lehen emaztea Uruguayen utzirik. Egiazko suietekilako toberak debekatuak izanki eta bestaren baimena ardiesteko gisan, gazteriak “Oilarraren auzia” (Lejugement du coq) izenburua eman zion bere ospakizunari, alegiazko gai zerbeit estakuru. Oilarra nor zen, alabainan, denek bazakiten. Eta oilarraren urrats noblea bezenbat astoaren lasterrak zirela hautemanen.
Ez dakit Rostandek, zonbeit hamarkada berantago, ixtorio horren berri izan ote zuen bere Chantecler huntu zuelarik. Hots, lehen bezala orain ere, oilarra oilar eta gizon.
[P.D. Irail hasieran epaileak ebatzi du arrazoia oilarraren jabeak duela eta Maurice-k kukurru egiteko eskubidea duela. Erredakzioaren Oharra]
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]