Oasiko Kronikak 3: Eskerrik asko, Amantzio!
Milaka bizitza salbatzen ari den altruismoaren inguruan luze eta bereziki sakon aritu dira ARGIAko lankideak, konfinamenduan egindako “Oasiko Kronikak” umorezko podcast-aren hirugarren saioan.
Amantzio Ortega dugu gizarteari eman ahal dakiokeen opari ederrana eman dion altruistetako bat, baina badira gehiago, musikari edota kirolari ezagunak tartean. Haien guztien omenez egina da hirugarren irratsaioa.
Aurreko bietan bezala, dozena erdi atal gehiagok osatu dute emankizuna: Albisteak, Teoren abenturak eta kalentura, Aita ernegatua, Erantzungailua: Nor izango da koronabirusaren hurrengo biktima?, eta Ruper Ordorikaren kanta hautatua.
Gogoratu, bestalde, Telegram kanala ere sortu dute irratsaioko kideek. Apurka-apurka podcastaren ildo editorialarekin bat datorren edukia zabalduko dute bertan, nahi duen ororentzat aho-gozagarri.
Bidali zure apustua
Esan nor izango den, zure ustez, koronobirusaren hurrengo biktima. Grabatu mugikorrez zure erantzuna eta bidali mezua: 669 36 29 82 zenbakira Telegram edo WhatsApp bidez edo beranduegi@argia.eus helbidera e-postaz.
Gipuzkoako Getariako kostatik 3,7 itsas-miliatara (6,6 kilometrora) jartzear dira Euskal Herriko lehen itsas zabaleko arrain haztegia. 50 metroko diametroa eta 40 metroko sakonera dute bi kaiolek. Bertako itsas baldintzetara ongi egokitzen badira, 2025eko udan 50 hegalabur edo... [+]