‘O Corno’ galegozko filmak irabazi du Urrezko Maskorra
71 ediziotan lehen aldiz, euskal herritar emakumezko zinegile baten lanak eskuratu du sari nagusia. Jaione Camborda donostiarrak jaso du Urrezko Maskorra; laugarren urtez jarraian, emakumezkoa da sariduna.
Jaione Camborda zuzendari donostiarraren O Corno (Adarra) pelikula saritu du Donostia Zinemaldiko 71. edizioko epaimahaiak. Oso-osorik galegoz den pelikula da, eta zentralitate apur bat duten pertsonaia guztiak emakumezkoak dira –irakurri hemen filmaren kritika–.
Sari esanguratsuak:
- Zuzendari onenaren Urrezko Maskorra: Jaione Camborda, O Corno.
- Zuzendari onenaren Zilarrezko Maskorra: Tzu-Hui Peng eta Ping-Wen Wang, Chun xing / A Journey in Spring.
- Gidoi onenaren saria: María Alché eta Benjamín Naishtati, Puan.
- Interpretazio Nagusi Onenaren Zilarrezko Maskorra, bi pertsonarentzat: Marcelo Suiotto, Puan; eta Tatsuya Fuji, Great Absence.
- Taldeko Interpretazio Onenaren Zilarrezko Maskorra: Hovik Keuchkerian, Un Amor.
- Argazki onenaren saria: Nadim Carlsen, Kalak.
- Epaimahaiaren Sari Berezia: Isabella Eklöf, Kalak.
Beste sari batzuk:
- Zuzendari Berriak saria: Bahadur the Brave.
- Horizontes saria: El Castillo.
- Zabaltegi-Tabakalera saria: El auge del humano 3.
- Zabaltegi-Tabakalera sariko aipamen berezia: El Juicio.
- Nest saria: Amma Ki Katha.
- Nest sariko aipamen berezia: Entre les autres.
- Culinary saria: La passion de dodin bouffant.
- Eusko Label sariko lehen sariduna: Latxa.
- Eusko Label sariko bigarren sariduna: Soroborda.
- Euskal Zinemaren Irizar saria: El sueño de la sultana.
- Donostia Hiria Publikoaren saria: La sociedad de la nieve.
- Donostia Hiria Publikoaren saria, Europako film onenarentzat: Io Capitano.
- Gazteriaren TCM saria: La estrella azul.
Zinemaren industriak dakarren burrunbak eta nazioarteko izarren distirak (aurten lausoagoa AEBetako gidoilari eta aktoreen greba historikoa dela eta) askotan itzaletara kondenatzen ditu asmo zein iraupenean apalagoak dituzten lanak. Horregatik, gaurkoan, film-luzeen kategoriatik... [+]
Luzeegiak dira batzuetan Zabaltegi-Tabakalerako emanaldiak, luzeak Zinemaldiko egunak eta, akaso, luzeegia nire gaurko kronika. Ikusitako filmentzat hitz handiak ez badakartzat ere, Tabakalerako besaulkiak Donostiako erosoenak direla jakinarazten dizuet modu ofizialean.
Dokumental berrirako lokalizazioak bilatzen ari zela egin zuen topo Martín Benchimolek gazteluarekin, aristokrazia argentinarraren ilunabarraren zantzua. Liluratuta, tokiko jabea ezagutu nahi izan zuen. Modu horretan, eta harriduraz betea, ezagutu zuen azal beltzaraneko... [+]
