Nuit Debout eta sindikalistek elkarlanean asmatuko ote dute Maiatzaren 1aren bezperetan?
Frantziako estatuan apirilaren 28an eta maiatzaren 1ean egingo dira manifestazio nagusiak. Horien amaieran Parisko eta gainerako hiriburuetan lan erreformaren kontrako borrokek eman dutenaz eztabaidatzeko deia egin dute alde batetik Nuit Debout mugimenduko Parisko batzarrak eta bestetik sindikatu nagusietako hainbat ordezkarik.
Deialdia apirilaren 20 gaueko batzarrean hasi zen egosten. Gau hartan Nuit Debouteko aktibista paristarrek orain arte egindako bidearen bilanaz gain aurrera begirako urratsak eztabaidatu zituzten, Frederic Lordon, Serge Halimi, Renaud Lambert eta ezkerreko beste zenbait pertsonalitate ezagunekin batera. Hortik atera zen deialdi bat izen bitxi honekin: “Nuit Debout eta sindikalistek ez diogu elkarri erreparatu behar mesfidantzaz, portzelanazko bi zakur bagina bezala”.
Nuit Debout hasi zenetik agerian geratu delarik batzuek eta besteek, nuitdeboutarrek eta sindikalistek hizkera ezberdinak darabiltzatela, fidakaitz begiratzen diotela elkarri… Parisko batzarretik proposatu zen maiatzaren 1aren inguruko mobilizazioen inguruan eztabaida lasai eta sakonago bati ekitea, horretarako aurreratuz manifestu bat: “Nuit Debout eta sindikatuek elkarturik, haiei beldurra sartu behar diegu”.
Sindikatuekiko izotza urtzeko lana Fakir astekariak eta François Ruffin “Merci Patron” filmaren egile kazetariak harturik, sindikatuek oso antzeko testu bat itzuli diete, “Egunez bezala gauez, zutik irabazteko” tituluarekin eta honela bukatuz: ”Elkar hartuta oligarkia beldurtu dezakegu, aginteari atzera egin arazi eta borroka irabazi dezakegu”.
Apirilaren 28an eta maiatzaren 1ean manifestazio handien ostean egingo diren batzarretako elkarrizketetan ikusiko da ea Frantziako ezkerraren azken asteotako mobilizazioetan jauzi koalitatiborik gertatu behar duen ala maiatzaren 1ean hasiko den Nuit Debout mobidaren gainbehera.
Zergatik ez du Nuit Debout frantziarrak M15 espainiarraren irismenik izan? Elementu guztiak zeuden (eta daude) mahai gainean: alderdi sozialistaren beste eraso bat lan eskubideen aurka ("Loi travail"), egonezin sakona eta "zerbait gerta zedin" guraria giroan... [+]
Ekainaren 28tik gutxienez uztailaren 10era arte, Parisko Errepublika plaza modu iraunkorrean okupatzeko dei egin du Frantziako Nuit Debout mugimentuak.
Miguel Segui NPAko (Nouveau Parti Anticapitaliste) kidea da eta azken hilabeteetan Frantziako plazetan antolatu den Nuit Debout mugimenduan parte hartzen du. Ekainaren 8an hitzaldia eman du Gipuzkoa Zutikek gonbidatuta, Bulebarrean.
Grebak, erregai biltegien blokatzeak, bide mozketak, zentral nuklearretako mobilizazioak… El Khomri legeari aurre egiten ari zaizkio zortzigarren egunez sindikatuak, CGT buru dutela, maiatzaren 26 honetan, ahaztu gabe Nuit Debout mugimenduak egunero antolatzen dituen... [+]
Frantziako Estatuan lan erreformaren kontrako protesta eta grebak zabaltzen ari direnean, aldarrikapen berri bezain funtsezko baten inguruan batzar berezia egingo du Parisen Nuit Debout mugimenduak: Estatua eta Patronala bereizi beharra dago, apartatu, duela mende bat Estatua... [+]
... (bai nausia, argia da guroilarra kanpoan da!) Parisen bezala Frantziako hiri haundi batzuen plaza nagusietan biltzen hasiak dira herritarrak. Zutik gauaz, Nuit Debout deitzen dute beren egonaldia. Eta gauez gau badu ilabete iraganik plaza batzuk iluntze guziez tanpez beterik... [+]
Parisko Asanblea nazionalean gertatu da, lan erreformaren lege polemikoa eztabaidatzen ari diren saioetako batean, sindikatu nagusien greba orokorrak eta Nuit Debout bezalako mugimenduak eragin dituen El Khomri legearen tramitazioan: Biarnoko eta Iparraldeko (Zuberoa eta... [+]
Greba eta mobilizazio eguna biziko da ostera ere apirilaren 28an Frantzia osoan. Helburua: El Khomri legea edo François Hollanderen lan erreforma atzera botatzea. Inkesten arabera, Frantziako populazioaren %75 legearen aurkakoa da. Funtsean, Espainian PPk bultzatu... [+]
Frantziako estatuan Nuit Debout fenomenoaren sorreran parte hartu duen François Ruffinek zuzendari den Fakir astekarian mugimenduaz galdetu dio Emmanuel Todd (1951) historialari eta idazleari. Eztabaida politiko eta sozialetan ezaguna den Toddek azken hauteskundeetan... [+]
“Ideologia eta espresio ugaritako jendea gerturatu da, eta askotan isilik geratzen diren ahotsak entzun dira”, adierazi dute bertaratutakoek. Mugimenduaren helburua da mugimendu eta pertsona anitz horiek bat egitea, MediaBask kazetak jaso duenez.
17:00tan elkartu dira Roland Barthes zelaigunean: elkar ezagutzeko jolasaz gain, mugimenduaren aurkezpena egin eta lantaldeak sortuko dituzte.
Astelehenean, “graduatuen laneratzea errazteko” 500 milioi euroko plana iragarri zuen Manuel Valls Frantziako lehen ministroak. Ez da aski izan ordea. Lan-erreformaren aurkako protestek bizirik diraute Frantziako Estatuan.
Lan erreformak eragindako protestak baretu nahian, graduatuen laneratzea errazteko 500 milioi euroko plana iragarri du Manuel Valls Frantziako lehen ministroak. Sindikatuek ontzat jo dute erabakia.
Martxoaren 31ko greba nagusiaren ostean Parisen hasi eta Hexagonoko hainbat hiritara zabaldutako Nuit Debout kale okupazio mugimendua hamabigarren egunean sartu da ("martxoak 43" ditu gaur mugimenduko kideen kontabilitatean).