Mozorrotzea aisialdiaren parte bihurtu da gaur egun. Herri askotako jaien ekintza ohikoa da nahi dugun pertsonaia izatea. Momentu horretan, pertsonai barruan gaudenean, beste edonor izan gaitezke.
Bizitzan horrelako zerbait gertatzen delakoan nago. Ez gara pertsona bera izaten talde guztietan. Ni neu ez naiz berdin aritzen lagunekin, familiarekin edo lanean. Askotan galdetu diot neure buruari zergatik gertatzen den hori. Agian, ezarritako rol edo etiketarekin bat egiten dugulako. Hau da, lagun taldean “pailazoa” garela etengabe esaten badigute, azkenean, horrela jokatzen dugu.
Hori dela eta, galdera hau bururatzen zait: zergatik ez dugu jokatzen berdin gure inguruko talde guztietan? Posible da norbera izateko askatasunik ez izatea?
Zergatik ez dugu jokatzen berdin gure inguruko talde guztietan? Posible da norbera izateko askatasunik ez izatea?
Posible da txikitatik etengabe jakinaraztea besteek egiten dutena egin behar dugula desberdinak ez izateko. Azken batean, hori ez da hain arraroa, gizakiak gara eta harremanak beharrezkoak ditugu elkar bizitzeko. Hori dela eta, denoi gustatzen zaigu taldearen barne sentitzea; onartua izatea, funtsean.
Baliteke, norbera izaten ausartzen ez bagara, autoestimu falta egotea ere bai.
Batek daki zenbat pertsonaia izan gaitezkeen pertsona baten barruan.
Edonola ere, besteekin egoteko, gu izateari utzi behar diogu? Orduan, zer gertatzen da bakoitzaren nortasunarekin? Eta are gehiago, non dago pertsona eta pertsonaiaren arteko muga?
Geure burua ezagutzea eta onartzea ez da erronka makala, ezta gutxiago ere. Hori lortuz gero, bizkarretik motxila astun bat kentzea bezala da. Posible da adinarekin lortzen den gauza bat izatea. Nire ustez, askatasunik handiena norbera izatea da. Horretan datza bizitzaren arrakasta.
Nagore González
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Zeintzuk dira gure benetako beharrizanak ondo bizitzeko? Zer da ondo bizitzea? Galdera hauei erantzutea funtsezkoa da gehiegikeriaren gizartean, are gehiago larrialdi klimatiko, ekologiko eta zibilizazio krisiaren garaiotan.