Nortasun zedula eskuratu du Asier Guridi iheslari politikoak
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Azkenean, lortu du Asier Guridi iheslari politikoak: nortasun zedula eman diote Venezuelako autoritateek. Apirilean jakinarazi zuen, urte luzeetako borroka baten ostean, martxan zirela oñatiarrari zedula emateko tramiteak. Atzo, maiatzaren 3an, agiria eskuan zuela erakutsi zuen sare sozialen bidez.
"2013an Venezuelan asiloa eta babesa eskatu eta hamar urtera, lortu dut nire helburua; eta Venezuelako identifikazio zedularekin errefuxiatuei zor zaien babes humanitarioaz gozatu ahal izango dut. Borroka bide zuzena da", adierazi zuen atzo Guridik.
2005etik bizi da Venezuelan, 2001ean egin behar izan baitzuen ihes Euskal Herritik, jasaten ari zen jazarpen politikoaren ondorioz. Interpolek 2013an atxilotu zuen Venezuelan, eta bi hilabetez izan zuten han preso. Ordutik egon da herrigabe eta heriotza zibil egoeran, "nortasun, eskubide, berme eta bizibiderik gabe, azaldu izan duenez. Nortasun agiririk gabe, hamaika eskubide zibiletatik erabat salbuetsita izan dute hamar urtez.
Hortaz, urte hauetan guztietan gogor egin du borroka, bere errefuxiatu izaera aldarrikatzeko eta Venezuelako autoritateek nortasun juridikoa aitor ziezaiotela exijitzeko. Protesta ugari egin ditu, esaterako, nortasun zedula eman ziezaiotela eskatzeko: hainbatetan jo du gose grebara, eta, azkenekoz, ehundik gora egunez egon da protestan Venezuelako Migrazio eta Atzerritartasun Administrazio Zerbitzuaren (SAIME) aurrean. Azkenean, baina, lortu du: badu nortasun zedula bat.
Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira.
2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]
Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]
18/98 makrosumarioan atxilotu eta torturatu zutenetik 23 urtera, espetxeari ihes egin zionetik hamabostera, apirilaren 5ean bueltatu zen etxera Nekane Txapartegi asteasuarra. ARGIAren Lasarteko egoitzara bisitan, hitz egin digu erbesteaz, euskaraz, torturaz, feminismoaz,... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Astearte goizean Auzitegi Nazionalean aurkeztu eta gero, arratsalderako Asteasu sorterrian zen. Dokumentu faltsutzea leporatuta epaituko dute Madrilen, baina ez diote kautelazko neurririk ezarri. ARGIAko kolaboratzailea da Txapartegi.
Euskal errefuxiatuei laguntzeko 1960ko hamarkada amaieran sorturiko Anai Artea elkartearen historia laburbiltzen duen liburua argitaratu du Elkarrek. Txomin Hiriart-Urrutyk egindako ikerketa da eta Joseba Sarrionaindiaren sar hitza ere badu. Liburuaren harira Juan Mari Arregik,... [+]
Asteartean jaso zuen Venezuelako Gobernuaren erabakia. Bere herritartasuna eta 13 urteko bere semearena onartzea eskatuz abiatu zuen gose greba mugagabea abenduaren 3an.
Venezuelan dagoen Asier Guridi Zaloña euskal iheslari politikoak abenduaren 3an gose greba abiatu duela jakinarazi du. Caracas hiriburuko Espainiako kontsuletxearen aurrean dago, bere eskubideak eta 13 urteko bere semearenak aitortuak izan daitezen eskatzeko. 2005ean... [+]
Askotariko egoerak bizi izan dituzten euskal iheslari eta deportatu politikoen seme-alaben testigantzak biltzen ari da Miren Azkarate Badiola donostiarra, liburu batean argitaratzeko. Konparatzeko inolako asmorik gabe, “ezberdinak baitira espetxeratuen eta atxilotuen... [+]
1980an Luis Hergeta Gasteizko Michelin enpresako zuzendaritzako kidea hiltzea leporatzen zion Espainiako Auzitegi Nazionalak eta orain, Berria-k jakinarazi duenez, Santiago Pedraz epaile instruktoreak bertan behera utzi du autoa, onartuz inputatuak ez zuela parte hartu ekintza... [+]
