“Normaltasun berrirako” neurriak EAEn
Bizi Berri programa du oinarri arautegiak, eta gaurtik aurrera dago indarrean. Garraio publikorako, aisialdirako eta ekitaldi handietarako irizpideak zehaztu dituzte, besteak beste.
Gauerdiaz geroztik, Euskal Autonomia Erkidegoa "normaltasun berria" deituriko fasean sartu da. Zentzu horretan, Ekonomiaren Garapenerako eta Azpiegituretako sailburu Arantxa Tapiak etapa berria arautuko duten baldintzak aipatu ditu.
Tapiaren arabera, neurriak Bizi Berri egitasmoan oinarritzen dira, eta Nekane Murga Osasun sailburuaren ardura izan da neurriok agindu batean biltzeaz. Jarraibideak zehaztu aurretik, sailburuak maskaren erabilera eta eskuen garbiketa indartu behar direla azpimarratu du, baita metro eta erdiko distantzia zaintzeko arauari eutsi behar zaiola ere. Gainontzean, honakoak dira zehaztu dituzten arauak:
Garraio publikoa
Maskarak erabili beharko dira, eta %100ean jarriko da martxan zerbitzu publiko oro, kaleko igogailuak eta funikularrak barne.
Beilategiak
30 pertsona sartu ahal izango dira gehienez leku itxietan, eta 75 kanpokaldean. Eremu erlijiosoen edukiera %75era mugatuko da.
Ostalaritza, turismoa, merkataritza eta elkarteak
Edukiera zehatz-mehatz kontrolatuko ez den arren, 1,5 metroko distantzia bermatu beharko da orohar. Merkataritza-zentroetako aisialdirako guneetan edukiera kontrolatuko da, %60ko gehienezko aforoarekin. Jatetxe eta tabernetan, berriz, 25 pertsona elkartu ahal izango dira gehienez.
Hotelak
Eremu komunak zabalik egongo dira, eta horientzat ez da edukiera mugarik.
Gaueko aisialdia eta dantzalekuak
Dantzalekuek ateak zabaldu ahal izango dituzte, mahaian eserita egoteko baldintzarekin. Metro eta erdiko distantzia ere zaindu beharko da.
Kultur ekitaldiak
Ikuslegoa eserita egon beharko da, aurrez ezarritako eserlekuetan.
Kirol ekitaldiak
Aire librean gauzatzen direnek 1.000 pertsona bildu ahal izango dituzte asko jota. Leku itxietan, berriz, 300 pertsona elkartu ahal izango dira, edukieraren %60ko muga errespetatzen den bitartean.
Haur-parkeak
Ireki egingo dira. Baina edukiera mugatuko duten kasuetan pertsona bakoitza “4 metro koadroko eremua” eta “garbitasuna” bermatzeaz arduratu beharko da.
Ordainketak
Txartelarekin egin daitezen sustatuko da, eta 65 urtetik gorakoei lehentasuna emango zaiela adierazi dute.
Azokak
Aire librean egiten badira, ezingo dira ohiko postuen %60 baino gehiago ireki. Dena den, udalek eremuak zabaldu ahalko dituzte muga hori orekatu asmoz.
Autoeskolak
25 ikasle egon ahal izango dira gehienez, eta auto berruan maskara erabili beharko da.
Liburutegiak
Ohiko zerbitzua eskaintzen hasiko dira, %60ko edukierarekin betiere. Utzitako liburuak erabiltzaileak itzulitako unetik astebete egon beharko dira gordeta gutxienez.
Museoak
Horiek ere ateak zabaldu ahal izango dituzte, areto bakoitzean %60ko edukiera errespetatu ezkero.
Kirol instalazioak
Gehienezko aforoa %60koa izango da, igerilekuak barne. Aldagelak eta dutxak erabiltzea baimenduta egongo da, babes-neurriak eta metro eta erdiko distantzia errespetatzen baldin bada.
Hondartzak
Aldundiek eta udalek edukiera-mugak ezarriko dituzte segurtasun-tartea bermatzeko. Horretarako, hondartzetan egoteko denbora-tarteak edota aparkalekuetako sarbideak kontrolatuko dituzte.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.
EAEko Lehen Hezkuntzako haurrei gainontzeko pertsona guztiei onartzen zaizkien eskubideak onartzea, horixe da Haurrak Ere Bai sarearen eskaria.
Aurrez aurreko bisita baten ostean konfinatu dutela eta konfinamenduaren baldintzak salatzeko hasi du protesta. Joan den larunbatetik daukate konfinatuta, ostiralera arte. Jakinarazi dutenez, ordura arte egongo da gose greban.
EAEko LABI ospetsuaren azken saioaren bezperan hartu gaitu, EHUn dituen bulegoetako batean. Legelaria eta Administrazio Zuzenbideko irakaslea da Iñigo Urrutia Libarona (Jatabe, Bizkaia, 1966). Gaur egun unibertsitateko Aldezlea ere bada, hots, bertako kideen babeslea... [+]
Normaltasuna berreskuratzen hasteko eta unean uneko osasun egoerari erreparatuz neguko jaiak antolatzeko prestaketa lanetan ari direla aurreratu du Eneko Goia Donostiako alkateak.
Maria Txibite lehendakariak koronabirusaren aurkako neurri murriztaileen amaiera iragarri zuen asteartean. Horrek hainbat galdera, zalantza sortu ditu herritarren artean. Horiei erantzuten ahalegindu gara.
Iruñeko Alde Zaharreko istiluak ez dira oraingoak, baina azken asteetan ostegun gauetan biziki gogorrak izan dira, bereziki San Nicolas eta San Gregorio kaleetan eta Sarasate Pasealekuan. Horren harira, hainbat tabernek itxi egingo dute hilaren 9an, 18:30etatik aurrera.
Asteazken goizean bildu da ostera ere Labiren Aholku Batzordea, eta bileraren ostean mintzatu da Iñigo Urkullu EAEko Lehendakaria. Asteartean Gobernu kontseiluan onartutako Bizi Berri IV Plana ere aurkeztu du, eta gizarteari babeserako oinarrizko neurriak berriro ere... [+]
Araba, Bizkaia eta Gipuzkoako biztanleek lor dezakete jada Europako Covid ziurtagiria, telematikoki baina izenpe digitalaren prozedurarik gabe. Izenpe digitalarekin nola egin zitekeen (Nafarroan ere) hemen kontatu genuen; orain azalpen gehigarri bat.
LABIren azken bileraren ostean eman du berria Iñigo Urkullu lehendakariak. Joan den urteko urritik daude itxita EAEko elkarte gastronomikoak, eta larunbatetik aurrera berriz ere zabaldu ahal izango dira. Nafarroan maiatzean eman zuten zabaltzeko baimena. Horrez gain,... [+]
Hortxetan dugu uda, eta harekin, urtaro honi lotu ohi ditugun oporrak, urte osoan eman guztiaren ordaina balira bezala. Eta berriro ere jendeak joan nahi du… urrun. Munduaren beste puntako itsas-bazter, naturako mirari edota diskoteka ospetsuan egon nahi du, 2020-2021... [+]