Normalizazioaz
“Agian, historiako irakaspenik garrantzitsuena da inork ez dituela historiaren irakaspenak ikasi”, zioen Aldous Huxleyk. Olatuz olatu goaz eta helmugara iristear ginela uste genuenean, tsunamia datorrela dirudi berriro ere. Amnesia kolektiboa nagusi den garaian errotzen ari den fenomeno baten inguruan gogoeta egin nahiko nuke: normalizazioaz, hain zuzen ere.
Normalizatu egin dugu argindarrak egunero errekorrak apurtzea, lehen arreta kolapsatua egotea eta biztanleriaren laurdena pobretze arriskuan egotea. Normalizatu dugu %40ko gazte langabezia-tasa edukitzea, kotizazioak igo eta pentsioak murriztea, jendeak zakarrontzietan janaria bilatzea, soldatak izoztea eta Txibiteren gobernua aurrerakoi gisa ikustea.
"Aurreko olatuetako akats eta joera berdinak ikus daitezke oraingoan ere, eta 'déjà vu' sentsazioa nabarmena da, neke handiarekin batera"
Normalizatu egin dugu polizaren aurrekontuak igo, Foruzaingoari jubilazioa jaitsi, oinarrizko eskubideak urratu, txertaketa ezkutuan derrigortu eta neurriekin kritiko den oro negazionista edo konspiranoiko deitzea. Normalizatu egin dugu neurri kontraesankorrak izan arren, hauek akritikoki betetzea eta betetzen ez dituena jazartzea. Normalizatu egin dugu militarrak arakatzen aritzea, antigeno testak agortu edota haiekin negozioa egitea, musukoa kalean erabiltzea, herrialde batzuetan txertorik egon ez arren Mendebaldean 3., 4. eta 5. dosiez hitz egitea, lana galtzeko beldurrez sintomekin lanera joatea…
Normalizatu egin dugu neurri ilegalak hartzea, langile klaseari arduragabekeria leporatzea, sozialdemokraziak ostrukarena egin eta neurriak zuritzea, estatuaren botere zentralizazioa indartzea, bigilantziaren kapitalismoan sakontzea eta okerrena: normalizatu egin dugu honen guztiaren aurrean zer eginik ez edukitzea.
Aurreko olatuetako akats eta joera berdinak ikus daitezke oraingoan ere, eta déjà vu sentsazioa nabarmena da, neke handiarekin batera. Pentsa liteke ez dutela ikasten.
Langile mugimenduak, ordea, mendeetako borroka historiaren bidez irakaspenak atera ditu eta bi azpimarratu nahiko nituzke:
1) Askatasun politikoen auzian metro bat bera ere ezin dugu galdu.
2) Langileria modu independentean antolatu ezean burgesiaren morroi bihurtuko da.
Duela bi urte sorpresa zena salbuespen egoera egonkor bihurtu da eta burgesia ez da gai izan birusari modu errealean aurre egiteko. Tekla zein den ez omen dakite Sagardui, Txibite eta enparauek, baina noraez hori aurrekari arriskutsuak diren neurriak ezartzeko baliatzen ari dira eta ezin dugu inolaz onartu. Epe motzeko ondorioz gaindi, epe luzekoak ere oso larriak izan daitezke alor politiko, sozial zein sanitarioan ere.
Horregatik, Abenduaren 30ean, arratsaldeko 19:00etan Sarasate Pasealekutik abiatuko den manifestazioan parte hartzeko deia luzatzen dugu.
Neurri autoritarioak gelditu!
*Imanol Kañamares Muguerza Iruñerriko Kontseilu Sozialistako kidea da
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Bekatu bat aitortu behar dut hemen. Duela lau urte, ohitura berri bat sarrarazi nuen nire bizian: igande gauetan, kaka kanoi baten antzera "informazio" jarraikia hedatzen duen CNews telebista kate ultraeskuindarra begiratzen hasi nintzen. Hasieran ordu erdi bat astero... [+]
Kointzidentzia harrigarriak daude bizitzan. Izan ere, zenbat ikusle elkartu litezke Arriaga antzokian? Zenbat komun ote daude solairu bakoitzean? Zein probabilitate dago Gipuzkoako emakume bik sartu-irtenean leku eta istant berean kointziditzeko, 35 urtean elkar ikusi barik egon... [+]
Transfeminismoak argia eta konplexutasuna ekarri ditu gorputz, genero eta desirei buruzko eztabaidetara. Hala ere, itzalak ere sortu ditu. Ustezko koherentzia politiko erradikal baten izenean –askotan hegemonia oso zehatz bati lotua–, diskurtso transfeminista batzuek... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
Badira etxebizitzak saltzeko atarietara harpidetuta daudenak, etxe bat erosi nahiko luketelako. Tarteka etxeak ikusteko hitzorduak ere egiten dituzte, eta seguru nago saltzaileak badakiela pertsona horiek ez dutela etxea erosiko, ez bisitan etxeari aurkitzen dizkioten baina... [+]