Norgestión & Audyge izango da Fagor Etxetresnen administratzaileetako bat
Banco Popularrek aukeratu du auditore donostiarra. Beste konkurtso administratzailea zein izango den CNMVk erabakiko du.
Azaroaren 19an Donostiako 1. Merkataritza auzitegiko epaile Pedro José Malagonek Fagor Etxetresna Elektrikoen (FEE) borondatezko konkurtso eskaera onartu zuen eta auziaren konplexutasuna ikusita, administratzaile bana izendatzeko agindu zien Banco Popularri eta CNMVri.
Banco Popularrek FEEren hartzekodunen artean lehentasuna du, finantza erakunde honi zor diolako diru gehien kooperatibak. Europa Press-en esanetan Norgestión & Audyge aukeratu du bankuak administratzaile; auditoria eta aholkularitza juridikoan adituak diren bi enpresen arteko aliantza gaztea da eta Donostian du egoitza.
Noticias de Gipuzkoak gaur publikatu duenez “Gipuzkoako ehun ekonomikoa ondo ezagutzen duen tokiko administratzaile” baten alde egin du Banco Popularrek, “auditoria multinazional bat hautatzeko presioak izanagatik ere”.
Beste administratzailea CNMVk (Espainiako Balore Merkatuen Batzorde Nazionala) aukeratu behar du, FEEk merkatuan kotizatzen diren baloreak jaulki zituelako. Bertako presidente Elvira Rodriguezek berriki esan du Fagor marka salbatzea espero duela “enpleguagatik eta Espainiagatik”. Aitzitik, Noticias de Gipuzkoak iradoki du KPMG multinazionala aukeratu dezakeela administratzaile, Poloniako Fagor Mastercookekoa ere badelako.
KPMG munduko laugarren auditorerik handiena da. Halako konpainiek euren negozioa zabaldu dute kiebran dauden enpresen konkurtsoetara; etekin milioidunak irabaz ditzakete, legeek ezarritako arantzelak handiak direlako.
Finantza erakunde, burtsa ikuskatzaile eta auditoreen esku dago beraz Fagor Etxetresnak, “legea kooperatibentzako pentsatuta ez egotearen arazoa”, Berriari Angel Toña ekonomialariak esan dion legez. Eta ez dirudi Arizmendiarrietaren pentsamendutik oso hurbil daudenik.
Beterri Saretuz eraldaketa egitasmoak gonbidatuta, Debagoiena 2030 sareko Aritz Ameztegik hitzaldia eman du Andoainen asteazkenean. Eskualde batean eraldaketa lortzeko nola eragin litekeen gako batzuk eskaini ditu.
Biriketako minbizian eta %95eko ezgaitasunean amiantoak izandako eragina onartu zion Gizarte Segurantzak langile bati, baina helegitea jarri zuen Fagor Ederlan enpresak. Donostiako epaitegi batek ez du helegitea onartu eta amiantoaren biktimen elkarteak enpresari eskatu dio... [+]
Gipuzkoako Lurralde Auzitegiak Mondragon absolbitu du Bergarako epaitegiak 2018ko uztailean emandako epaia berretsiz eta preskripzioan oinarrituz erabakia. Ordainduk eta Eskuratuk salatutako engainurik ez zela egon ebatzi du. Mondragon epaiarekin "pozik" azaldu da;... [+]
Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.
Ordaindu eta Eskuratu elkarteen eta Mondragon Korporazioaren arteko epaiketako ahozko bistaren azken eguna izan da gaurkoa. Bi aldeetako abokatuek ondorioak aurkeztu dituzte epailearen aurrean, eta lau egunak nola joan diren ikusita, esan daiteke demandatzaileen aldeko ebazpen... [+]
Fagor Etxetresnetako eta Edesako hainbat bazkide ohik, Ordaindu eta Eskuratu plataformetan baturik, Mondragonen kontra ipinitako demandaren epaiketa hasi da gaur, maiatzak 7, Bergaran. EAEko orain arteko demandarik handiena da. 954 bazkide ohik 47 milioi euro erreklamatzen... [+]
Astearte goizean aurkeztu du Edesa Industrialek hartzekodunen arteko hitzarmenerako aurre proposamena epaitegian. Likidazioa saihesteko eta industria jarduerarekin jarraitzeko duten asmoen barruan dagoela adierazi dute bidalitako oharrean. Edesa Industrialeko langileek "ez... [+]
CNA Group-eko filiala den Edesa Industrialek gaur goizean aurkeztu du hartzekodunen lehiaketa Donostiako merkataritza auzitegian. Dituen zorrak 100 milioi eurotik gorakoak dira.
Berrikuntza sozialean lanean ari diren hainbat ekimen ezagutzeko aukera izango da urriaren 25eko jardunaldietan. ARGIAk zuzeneko emisioa eskainiko du.
Edesa Industrialeko langileen etorkizuna Luxenburgon finkaturik dagoen talde horren eskuetan dago. Baina ELA eta LAB sindikatuek salatu dutenez, apenas daukagu daturik konglomeratu horren inguruan.
Iragarritako moduan, CNA taldearen Edesa Industrialeko zuzendaritzak gaur aurkeztu du enplegua suntsitzeko EREa, langile guztiendakoa. Ostiralean jakinarazi zen bezala, zuzendaritza Edesa Industrial eta Geyser-Gastech enpresetako ordezkariekin batu da; bilera horretan enpresako... [+]
Ez dute CNAk egindako proposamena onartu, euren ustez “xantaia” egiten ari delako eta konpainia katalanak “txeke zuri bat” besterik ez duelako nahi.
Zuzendaritzak kaleratze gutxiago egiteko aukera azaldu du enpresa batzordearekin egindako bileran, baina aldi berean dio "gehienez" 160 lanpostu mantendu ditzakeela, hasierako proposamenean bezala.
12:00etan dute hitzordua bihar, eguena, Fagor CNAko langileen ordezkariek CNA Taldeko zuzendaritzakoekin, negoziazioari ekiteko. “Enpresa bat ez da konpontzen murrizketekin”; hori abiapuntu, 350 lanpostuak eta enpresaren bideragarritasuna defendatzera bertaratuko... [+]
Konpainiak katalanak aurkeztu du Edesa Industrialentzako bideragarritasun plana: produkzioa doitu, Garagartzako planta itxi eta langileen erdia kalera.