Nor da nor aurtengo Bertsolari Txapelketa Nagusian?
42 bertsolari hauek hartuko dute parte hastear den Txapelketa Nagusian. Denak ezagutzen al dituzu? Bakoitzaren ibilbideko datu esanguratsuenak ekarri ditugu infografia honetara.
Larunbata honetan Getxon eta igandean Arrasaten hasiko du ibilbidea aurtengo Txapelketa Nagusiak. Euskal Herrikoaren ezaugarria da parte-hartzaileek ezin dutela zuzenean izena eman, bertan kantatzeko aukera irabazi egin behar da, bi modutara: batetik, aurreko Euskal Herriko txapelketan finalera iritsi zirenek zuzenean dute aurtengoan parte hartzeko aukera eta bestetik, herrialdeetako txapelketetan goiko postuetan geratu direnek dute aukera Euskal Herrikoan kantatzeko.
Herrialde bakoitzetik zenbat bertsolarik hartuko du aurtengoan parte?
Bertsozale Elkarteak 1986an ekin zion Txapelketa Nagusia antolatzeari (honen aurretik Euskaltzaindiak antolatu zituen, eta lehen lehenik, berriz, Euskaltzaleak eta Euzko Gaztedik elkarrekin). Urte hartan bertan finkatu zituen herrialde bakoitzak Euskal Herrikoan izango zituen kopuruak. Geroztik, proportzioak aldatuz joan dira, eta kontuan hartu behar da, gainera, lehen txapelketa bat antolatzen zutela Arabak eta Bizkaiak, eta beste bat elkarrekin Nafarroak eta Iparraldeak. Denborarekin, herrialde horietako bakoitzak bere txapelketa antolatu zuen eta beraz, Txapelketa Nagusian herrialde bakoitza bere kopurua izatera pasatu zen.
Aurtengo txapelketan, hau izan da herrialde bakoitzak izan duen partaide kopurua, aurreko txapelketako finalistak alde batera utzita: Arabatik 2 bertsolari arituko dira, Bizkaitik 10, Gipuzkoatik 16, Nafarroatik 5 eta Iparraldetik 3. Aurtengo txapelketa jokatu ostean, Bertsozale Elkarteak egingo duen azterketa orokorraren barruan berrikusiko du ea kopuru hauei eutsi edo hurrengo txapelketarako aldaketak egin.
Txapelketako postua baino, bakoitzaren bidea baloratuko bagenu?
"Bere onena ematea", "gozatuz gozaraztea" eta abar izaten ditu bertsolariak helburu txapelketa hasterako, entzuten diren agurretan islatzen denez. Baina behin ikuskizunaren gurpila martxan jarrita, zaila da puntuaketetatik eta taulako postuetatik haragoko (auto)baloraziorik egiten.
Infografia honetara ekarri dugu bakoitzak bere ibilbidean jaso dituen uztaren hainbat datu, aurtengo Txapelketa Nagusian kantatzeari begira esperientzia horiek baliagarri izan daitezkeen ustean: lehenago Txapelketa Nagusiko finalean kantatu ote duen, zenbagarren Txapelketa Nagusia duen, eta herrialdeko txapela jantzi duen. Badira, noski, aurtengo txapelketarako baliagarri izango diren beste datu batzuk, baina leku faltaz sartu ez ditugunak: herrialdeetako zenbat finaletan kantatu izan duen, edo azken urtean egin duen plaza kopurua...
Infografian ikusten diren datuen arabera, bost multzotan antolatu ditugu bertsolariak: egungo txapeldun Maialen Lujanbio, zuzenean finalean kantatuko duena; aurreko txapelketako finalean aritu zirenak; gaur egun herrialdeetako txapeldun direnak; Txapelketa Nagusian esperientzia gehien duten bertsolariak; lehen aldiz parte hartuko dutenak; eta gainerakoak (erne hauekin ere, ez dutelako Txapelketa Nagusian lehen aldia, eta beste datu batzuk begiratuko bagenitu, esaterako beren herrialdeetako zenbat finaletan kantatu duten edo azken urtean zenbat plaza egin dituzten, nabarmendu egingo liratekeelako).
Bertsolarien zaintza emozionalerako eta tabernako iruzkinak egiterakoan bertsolarien lan bakoitza bere neurri edo testuinguruan kokatzeko, ez da gaizki etorriko berriro ere bakoitzaren ibilbideari begiratzea, Txapelketa Nagusiaren fokupean kantatuko dituztenak ibilbidearen barruko pauso bat gehiago moduan ikustea.
Jakinda, bertsoa bezain bat-batekoa eta ustekabekoa dela esperientziak esperientzi eta motxilak motxila, bertsolari bakoitzak saio zehatz batean egingo duena (edo ez duena).
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]