Nondik lehertuko da gure egundoko desordena?
Jarrera bakezale eta antimilitarista erakusten ez duen krisiaren aurkako politika oro, herren ibiliko da hasieratik, Rafel Poch La Vanguardiako kazetariak Diario de Berlin blogean idatzi duenez.
Pochek dioenez, bizi dugun krisiak gerra handi bat sor dezakeela pentsatzea ez da astakeria. Edo alderantziz. Alegia, gatazka militar erraldoi batek hondoratze ekonomikora eraman gaitzakeela uste du. Bi zonaldetara begira dago Poch: “Bai Mediterraneo ekialdean, bai Asia ekialdean, suarekin jolasean gabiltza”.
Siriako gerra zibila
Afrika iparraldetik Ekialde Hurbilera, krisi sakona bizi duten herrialde asko daudela dio Pochek: “Libian, Mendebaldeko herrialdeen interbentzioak herrialdea zatikatu du, eta haren txinpartek Malin hartu dute su. Egiptoko iraultza zibilak aurrera jarraitzen du, planteatu zituen arazo handietako bakar bati ere ez diolako erantzun. Grezian, alemaniar politika gizartea suntsitzen ari da. Zipren, itsasoko gas erreserbak ustiatzeko asmoak turkiar eta greziarren arteko antzinako tentsioak berpiztu ditu. Eta hori guztia ez dago alderatzerik Siriak bizi duen gerra zibilarekin”.
La Vanguardiako kazetariaren hitzetan, han gertatzen ari direnak haustura etniko eta erlijiosoak eragiten ari dira inguru osoan: Libanotik Turkiara, Jordaniatik igarota. “Al-Assaden erregimenaren arazorik handiena, ordea, Iranen aliatua izatea da”, dio Pochek.
Txina helburu
Asia ekialdean ere egoera korapilatsua bizi dute, bereziki Obamak 2011n iragarri zuenetik “militarki” arreta jarriko zuela zonalde horretan. “Helburu bezala Txina duen gatazka bat lehertzeko aukera dago”, uste du kazetariak.
Azken urteetan Txinak zuhurtziaz eta umilki jokatu du kanpo politikaren eremuan, baina gauzak aldatu egin dira herrialdearen behar energetikoek bultzatuta. Txinak beharrezkoa du Indiako Ozeanoan eta Ozeano Barean, baita Indonesiako itsasartean ere, bidea libre izatea, garapen ekonomikoari eutsi nahi badio. “Pekin egoera berri baten aurrean dago”, dio Pochek, mehatxu ugariri egin behar dielako aurre. Besteak beste Obamak bultzatutako setioaz mintzo da kazetaria, Taiwani armak saltzeaz, Japoniak uharte estrategiko batzuen kontrola bereganatu nahi izateaz... “Edozein egunetan, Japoniaren eta Txinaren arteko txinparta batek gatazka serioa eragingo du”.
Guztia loturik dago
Gaur egun, guztia elkar loturik dagoela dio Pochek: Alemaniar esportazioak Txinako merkatuari esker bizi dira; Europako merkatuen hondoratzeak eragina izango luke Txinan, eta alderantziz; eta gauza bera esan liteke AEBei buruz. “Zentzu horretan, sinestezina da krisi ekonomikoaren gaineko analisiek gai militarrekiko erakusten duten axolagabekeria, bi bektoreen arteko lotura ikusi nahi ez balute bezala”.
Reuters agentziak informatu duenez, lekukoen testigantzak eta segurtasun iturriak aipatuta, hainbat leherketa izan dira Libanoko zenbait hiritan asteazkenean. Horietako bat bezperan hildakoen omenez antolatutako hileta baten ondoan gertatu da.
Bermeon jaioa, frantziskotar eginik Hego Korean egin zuen bizimodurik gehiena, 40 urte. Sasoi batean mutil-koskorretan askok egin zuena egin zuen, komentura bidea hartu. Gero, handik mundura jauzi egin zuen Uriagerekak, bestelako hizkuntza eta kultura arrotzetara.
Israelek lehergailuak jarri zituen Hezbollahk inportatutako milaka bilagailutan, Reuters agentziak kontsultatutako iturrien arabera. Urriaren 7tik jasandako “segurtasun haustura handiena” izan da, talde armatuaren hitzetan. Erantzun bortitza hitzeman du Hezbollahk,... [+]
Ezaguna da enpresa frantses batzuek (Thales, Airbus, Dassault) aspalditik laguntzen dutela Israel haren ekipamendu militarra osatzen. Disclose elkartearen inkesta baten arabera, berriz, Frantziako Gobernuak berak hornitu dizkio osagai elektronikoak Israeli, Gazako zibilak... [+]
Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta... [+]
Jatorri afrikarreko asilo-eskatzaileei egin die eskaintza Israelgo Estatu genozidak, 'Haaretz'-en arabera. Gaur egun, 30.000 eskatzaile omen daude egoera horretan sionisten mendeko eremuetan.
Azkenean, odolik isuri gabe amaitu da apirilaz geroztik Sabina/Xianbin/Escoda atoloiaren urmaelean, Spratley uhartediaren ekialdean, BRP Teresa Magbanua, Filipinen kosta-zaintzako ontziaren aingura-aldi luze bezain atezua. Irailaren 15ean, igandez, aingura jaso eta porturantz... [+]
Espainiako Gobernuak gezurtatu egin du Espainiako Inteligentzia Zerbitzuekin zerikusirik zutenik. Venezuelaren eta Kolonbiaren arteko mugan atxiki zituzten, baita atzerritar gehiago ere. Haien familiek esan dute turismoa egiten ari zirela.
Narges Mohammadi Bakearen Nobel Saridunak eta beste 33 preso politikok gose greba hasi dute irailaren 15ean. Gaur, irailak 16, bi urte dira Mahsa Amini emakume kurdua Irango Poliziaren jipoiaren ondorioz hil zela. Buruko zapia gaizki jarrita eramateagatik atxilotu zuten.
Turkiar-estatubatuar aktibista irailaren 6an hil zuten Beiti herrian, Nablus hiriaren ondoan, Zisjordanian, Palestinako Lurralde Okupatuetan. Orain forentseen azterketek iradokitzen dutenez, Israelgo soldatuek zuzenean egin zioten tiro aktibistari.
Ostiral honetan betetzen dira 50 urte ETAk, 1974ko irailaren 13an, Madrilgo Rolando Kafetegian bonba bat lehertarazi eta hamahiru pertsona hil zituela. Ofizialki 2018an onartu zuen erakundeak ETAren egiletza, bere burua desagertze bidean jarri zuenean.